Kɔgya 24:7 - Katɔti Ɔku Kedee

⁷ Bidi kuuku uwi kɔyakun kɔmmɔ bɛlɛmi biwi na Ɔga Unengudi ɔni muukeye mmɔ ubeduo.

Kɔgya 24:7 Referans Kwoze

Yesaia 26:2

Bɛlɛmi ɔban kɔyakun kɔmmɔ, na kadi bani bekyuli nse siin beduo. Ama bani náƒɔ bádi na bada bɔƒɔtaadi bɔmmɔ.

Budie Taatina 4:11

“Blɔti ku bula Katɔti! Awɔ námanku éte bumwi ku ɔbu ku ɔyikun. Ɔsika awɔ nédie ala ani ƒui, na áya na ana ƒui eli ngba na ƒula lɛƒɔyɔ kenye.”

Korintoƒuɔ 1 2:8

Kayawi kamɛni bayikune ɔdi biala útati lɛnunda lɛmɛni. Ɔsika si bɔti na báti-ni ni, nka bátakana Blɔti bátamana ugyii lɛlɔ.

Kɔgya 97:6

Kayaa ku kana ala eebó kudu na kalɛ na Katɔti use siin lɛlɔ. Na bayawine ƒui baanu kalɛ na uukeye.

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Hagai 2:7

Ndubo kadi bekyuli ƒui bɔkunku ku bana akɛla ani náƒɔ-ma kuye na beti-nya beboku mɛni. Mmɔ na kalɛ na mina bukeye bɔɔtu anumi bɔdubɔƒɔ kakpakɔ kammɔ kemmo ƒui.

Baga 1 8:11

Na Unwoti bukeye búyii mmɔ. Ɔmmɔ ɔsu bakpane bammɔ básɔ bátakana na babla kabla kadi.

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Samuel 2 6:17

Béti Unwoti Bunyimi Adaka ɔmmɔ bébeduoku ɔma na béti-nwu bétése Adi Kevo kani kemmo na Dawid ɔ́ya na bátu bése béte adaka ɔmmɔ kemmo. Ɔmmɔ kama Dawid ɔ́kyula akpala úte Unwoti na ɔ́bla unwi bɔbla akpala lɛnɔ.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Hagai 2:9

na muusé-mii kenye ka kakpakɔ kamɛni kadubo bukeye butulo kedeedi. Na ndubo ɔma ɔmmɔ lɛnɔ kusɛ kusɛ bute na keyi buɛɛ kaƒɔ-nwu kemmo.”

Kɔgya 132:8

O Unwoti, ta ku ƒula Bunyimi Adaka na atina ƒula ɔyikun. Na esie etélie ƒula keliekɔ.

Yakobo 2:1

Banwa, ka bɛ́ƒɔ Blɔti Yesu Kristo ɔni ndi Bula Ɔbune bɛ́di ɔsu ni, bitanu anumi bitabla lɛla lɛdi.

Baga 1 8:6

Ɔmmɔ kama bakpane bammɔ bágyu Bunyimi Adaka ɔmmɔ béduoku kakpakɔ bátálɛ Katɔma kedee kemmo kesii kani nse kedee ntulo ƒui na Kerub bebweyi bammɔ avwi kalɔ.

Kɔgya 21:1

O Unwoti, lɛlɔ lɛɛyɔ́ ƒula ɔga na ƒula ɔyikun ala ani na aabla ɔsu. Na aayá na ebiti aada-nwu geen kalɛ na aayá na ɔɔdi lɛlɔ ɔsu.

Kɔgya 21:5

Ka áya na ɔ́di lɛlɔ ɔsu ni, nwuna ɔbu ɔ́kɔ katɔ geen. Na ɔ́ƒɔ lɛnyi na nwuna lɛgadi lɛ́kɛ ɔyikun na liikeye.

Yesaia 62:10

Yerusalem kadi bekyuli, bɛlɛ na bitábwɛ ulu kaduɛ bibeduoku ɔma ɔmmɔ kemmo bite bina bekyuli bani nási badubo na bidie atabi ƒui na ulu lɛlɔ. Bɛlɛ aƒlaga bite kadi bekyuli na banu.

Mika 4:8

Sion Kɔbi na Yerusalem, awɔ ndi mina bekyuli lɛlɔ ɔnune na adubɔsɔ adi lɛga na mina bekyuli lɛlɔ.