Kɔgya 23:5 - Katɔti Ɔku Kedee

⁵ Aayá muuwi lɛlɔ buɛɛ taadi adila abuni teemo uwi ɔni na mina bekisine benye baanu. Eewi-mi nnɔmii lili na aanu-mi lɛlɔ geen aani kalɛ na baabla lɛƒɔ teete ɔbune. Na áya na mina ɔɔƒɛɛ úyi ku atu.

Kɔgya 23:5 Referans Kwoze

Eƒesoƒuɔ 3:20

Bimwi Katɔti ɔni nda nwuna ɔyikun ɔɔbla kabla teetulo kalɛ na buuvele iye bɔɔkali muedi.

Kɔgya 92:10

Awɔ náya na mbo ɔyikun aani akɔ ɔgyani. Na áƒuna-mi na ndi awɔ ɔdi.

Kɔgya 45:7

Aayɔ́ lɛla lɛni nse siin, na eekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.

Kɔgya 16:5

Awɔ kani némo-mi, ɔsika awɔ ndi mina kadikɔ. Na eete-mi kusɛ kusɛ na eete-mi ala ani mɔɔwia na aada-mi kɔkɔɔkɔ.

Hiob 36:16

“Na uwi ɔmɛni lɛlɔ geen na Katɔti ɔɔwia ka ɔda-a udie lɛbibo lɛmɛni kemmo na use-ɔ adila kadikɔ ku ala abuni geen ani mɔɔyɔ́-ɔ kaƒɔ.

Yohane 1 2:20

Nsu amii ni, Kristo ɔ́ya na nwuna Kɔyu kɔ́ƒɔ-mii lɛlɔ kemmo, na bina ƒui bɛgyi Katɔti litemi geen.

Yohane 1 2:27

Nsu amii ni, Kristo Kɔyu kɔ́ƒɔ-mii lɛlɔ kemmo, na Kɔyu kɔmɛni kɔmu kɔkya-mii lɛlɔ kemmo. Anwuɔsu ni, bɛsɔ biláwia ka ukyuli ɔdi ɔsɔ ɔtina-mii ala adi lɛnɔ. Ɔsika nwuna Kɔyu kɔɔtina-mii ala amɛni ƒui. Na ala ani na kɔɔtina adi litemi geen lɛmmɔ, na ɔɔɔdi ɔkɔ. Anwuɔsu biliku Kristo aani kalɛ na Kɔyu kɔmmɔ kɔ́tina-mii.

Korintoƒuɔ 2 1:21

Katɔti ɔ́ya na abu ku-mii ƒui bɔ́bla unwi ku Kristo, na anwu ɔlati náƒuna-bu úse ka butaabla nwuna kabla.

Korintoƒuɔ 1 10:16

Ɔɔƒɛɛ ɔni na buuti taagya Katɔti enu ni, unye ute Blɔti ubugya. Na bodobodo ɔni na bɔɔbwɛ si bɔɔdi Blɔti adila kedee ni, ɔɔtina ka abu ku Kristo bɔɔbla unwi.

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Kɔgya 104:15

Ɔɔkɛ́ ntɛ bɔni mɔɔkya-nwu kayi ebiti ku nnɔmii bɔni mɔɔyá nwuna anumi ekeye ku adila ani muute-nwu ɔlɔkplu.

Yesaia 25:6

Na Sion Kɔbi kɔmɛni lɛlɔ ni, Unwoti Ɔyikune Ƒui ɔdubɔlɔ bekyuli ƒui limeyi buni kadikɔ. Na use adila abuni geen ute-ma ku lɛna ku ntɛ bɔbuni ƒui geen.

Kɔgya 116:13

Ndubuti ɔɔƒɛɛ ku ntɛ minimini etela mbakpa lite Unwoti na lɛgya-nwu enu ka ɔ́ƒɔ-mi ngba ɔsu.

Kɔgya 22:26

Bawabane badubo bɔdi bumo. Na bani mɔɔwia Unwoti Katɔti ni, badubo-nwu buteemwi uwi ndi uwi na ɔdubɔtɛ ute-ma uwi ƒui.

Kɔgya 78:19

Bátɛmi enyenkpi bákya Katɔti na béye muedi banini, “Katɔti ɔdubɔkana na ute-bu adila na bɔdi na kalɔ kakwiidi kemmo mɛni?”

Luka 7:46

Awɔ étete-mi nnɔmii bɔdi anii nkya lili. Nsu anwu úti nnɔmii ƒɛƒɛɛ úwi-mi lɛgba ƒui.

Amos 6:6

Na si ntɛ bɔkya wɛ bɛdubo bɔya na beti-mu beboku-mii na bɛni-mu ɔdivo kemmo bɛsia kama. Na bɛɛwɛɛ ligyulo ƒɛƒɛɛ lidu lidu lɛni náƒɔ kuye na bɛɛɛdaku-ni si bɔbwɛ Israel kalɔ kemodi kammɔ kaabwɛ.

Kɔgya 22:29

Balakɛne bani mɔɔdi taani kalɛ kalɛ ƒui badubɔkya lili kalɔ bete Unwoti. Na bani ƒui nkɛ na baayɔ́ bekpi na basɔ balákana lɛla lɛla bɔbla bute lɛlɔ ƒui badubɔkya lili kalɔ bete-nwu.

Mateo 6:17

Si biilie kɔka ni, bɛƒɔ anumi na bigyeli lili.

Kɔgya 92:11

Na ami ɔlati lɛ́nu na línu kalɛ na ádi mina bekisine balalane lɛlɔ.