Kɔgya 23:3 - Katɔti Ɔku Kedee

³ Ɔɔyá na mɔɔkɛ́ ɔyikun ɔwɔdi. Na ɔɔkpanku-mi na lɛsiaku-nwu kama siin kalɛ na babu-nwu.

Kɔgya 23:3 Referans Kwoze

Yesaia 42:16

Na ndubɔtɔnku mina banumbwɛne bɔsiaku ulu ɔni na baaagyi kudii lɛlɔ. Na lɛkpanku-ma lɛsiaku ulu ɔni lɛlɔ na bátasia kudii lɛlɔ. Na ndubɔya na kasuudikɔ kani na bakya kenwini bukeye. Na kesii kani na kese kpukplo kpukplo kabla suɛlɛ suɛlɛ. Na ndubo ala amɛni bɔbla ɔni na lɛɛɛdubo-nya bɔda buse.

Kɔgya 31:3

Ka awɔ ndi mina lɛtakpɛ ku katamikukɔ ɔsu ni, tɔnku-mi na bete-ɔ lɛnyi ɔbu.

Kɔgya 19:7

Unwoti ɔda bubo bɔdia ƒui bɔ́wɔlɔ na ɔɔyá na bɔɔkɛ́ ɔlɔkplu ɔwɔdi. Na ala ani na úbo ɔda ka bɔbla adi ani buti anu bɔsia geen. Na nwuna ɔda bubo bɔdi etemila aani baaƒɔ́ taadi sɔsɔ. Na ɔɔyá na ukyuli ɔni mɔɔyáki lɛnunda ɔɔkɛ́-ni.

Kɔgya 51:10

Katɔti, bla-mi ukyuli ɔwɔdi na linye kpakplaa uwi ndi uwi na ntaabla ala siin.

Kɔgya 5:8

Unwoti Katɔti, tɔnku-mi vinku ƒula lilu lɛni nse siin lɛlɔ ɔsi mina bekisine pii ɔsu! Na aya na lɛnu ƒula ulu lɛti nwaa.

Kɔgya 51:12

Mmomu na asɔku mina ngba bɔƒɔ lɛlɔyɔ lɛni na éte-mi mmɔ akya-mi lɛlɔ kemmo. Na aya na lɛkana bunye kpakplaa na ntaadi ƒula litemi lɛlɔ.

Hiob 33:30

Ɔɔwia ka udie-nwu kɔyu na kukpi kemmo ƒui uduoku bukeye bɔni ndubɔya na ulie ngba ku lɛlɔyɔ kemmo.

Agba 8:20

Ulu ɔni nse siin lɛlɔ na mɔɔsia, na mɔɔbla ala ulu lɛlɔ.

Budie Taatina 3:19

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.

Kɔgya 79:9

O Katɔti, bula Ɔƒɔne, bunku-bu. Die-bu ɔgbankpi kemmo. Na eti bula bɔƒiɔ ƒui akyiɛ-bu na ƒula lɛnyi likeye.

Kɔgya 85:13

Ala bɔbla siin ndi bukeye bɔni ntɔ Katɔti anumi na nwuna kavinkɔ ƒui.

Agba 4:11

Lɛnunda lilu na mɔɔtina-a. Na lɛtɔnku-ɔ lɛsiaku lilu lɛbuni lɛlɔ.

Kɔgya 119:176

Lɛ́yii ulu aani koƒonu kɔni náyii. Wia-mi ƒula kabla ɔblane kama ulu, ɔsika ntayiƒala ƒula ɔda bubo.

Esekiel 20:14

Nsu ɔmmɔ lɛnɔ ami ɔla kɔƒa na kɔdi. Ɔsika kadi bamba bekyuli pii bánu ka ami nákpanku Israelƒuɔ lɛ́lɛku Egyipte kalɔ kemmo.

Yeremia 31:8

Ami Unwoti ndubɔsɔku mina bekyuli lɛsiku Babilon ku kalɔ kadi bekyuli ƒui akɔ liboku ɔma. Na banumbwɛne ku bekpulone ƒui badubɔkya mmɔ. Na baƒɔndane ku bani na uwi úudu-ma ka bawɔ ƒui badubɔkya kasala kammɔ kemmo.

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Kɔgya 34:3

Bibunku-mi na bumwi Unwoti lɛnyi na bɔkɔli-nwu lɛnyi katɔ bɔsala.

Kɔgya 31:4

Die-mi lɛku kakpagyuɛ kani na mina bekisine bákywɛ-mi kemmo. Ɔsika awɔ ndi mina kama kekpokɔ.

Kɔgya 106:8

Nsu na ƒula lɛnyi ɔsu ni, áƒɔ-ma ngba kalɛ na bekyuli banu ƒula ɔyikun bati.

Kɔgya 109:21

Nsu ni, Unwoti Katɔti, ɔkɛnku ƒula lɛnyi kedee ɔsu ni, kpo te-mi, ɔsika aayɔ́ bekyuli uwi biala.

Yeremia 31:25

Bani na lɛlɔ lítu-ma na bábla kpɛtɛ kpɛtɛ ni, badubo ɔyikun ku ngba ɔwɔdi bɔkɛ.