Kɔgya 21:9 - Katɔti Ɔku Kedee

⁹ Si uwi ɔni na Unwoti ɔ́da ɔ́lɛ ku kɔnyi ni, ɔdubɔyila-ma udu aani kalɛ na lɛgyavonku lɛɛkyula ala.

Kɔgya 21:9 Referans Kwoze

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Kɔgya 50:3

Bula Katɔti ɔdubo ubabla lɛla lɛdi na ɔɔɔdubo buse buɛɛ. Ɔkɛ ku kudu ku ogya ku ɔƒɛƒɛɛ kpakplaa na ɔɔka taamana-nwu.

Kɔgya 18:8

Uyɔ ɔ́lɛ-nwu enwu kemmo, na ogya lɛnɔ ɔ́lɛ-nwu kenye kemmo ɔ́kyula ala. Na ogya agyabi ani náƒɔ ogya geen sɔsɔ aasí taabayu.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Kɔnyana Buwulo 2:2

Unwoti útanu Israel lɛma lɛmmɔ kɔnyana munu munu, mmomu ɔ́bwɛ-ni na ɔ́yila kɔgyumanakɔ kpakplaa kɔmmɔ ƒui udu. Na úboku bagadine ku lɛgakadikɔ kɔmmɔ ƒui kalɔ ɔkɛnku nwuna kɔnyi ɔsu.

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Yesaia 26:11

O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Kɔgya 2:12

Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.

Kɔgya 2:5

Amu na livo líƒi Unwoti na ɔ́dɔnku-ma. Na ɔ́kya-ma liƒu geen. Na ɔ́su na nwuna kɔnyi kemmo ɔnini,

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Budie Taatina 20:14

Béti kukpi ku kekpine kammɔ ƒui bébo bátákya lɛgyavonku kemmo. Na ɔmɛni ndi kukpi kunyɔdi.

Budie Taatina 19:15

Na litemi geen lɛni nse aani kewii kani bádɔ-ka lɛvi inyɔ lɛɛlɛ́-nwu kenye kani na ɔdubuti ukpo kalɔ ƒui bekyuli, na uti nwuna ɔyikun utaadi-ma lɛlɔ. Na ɔdubɔni-ma kɔtu kpakplaa ku Katɔti Ɔyikune Ƒui kɔnyi geen aani kalɛ na baaka ntu teedie ebi kemmo kpakplaa na ntɛ kablakɔ.

Tesalonikaƒuɔ 1 2:16

Béti básia lɛlɔ banii butasu bani naaadi Yudaƒuɔ litemi buni lɛmɛni kalɛ na bakɛ ngba ƒui. Na baatɛ ekpidi etila taasia ekpidi kama teete lɛlɔ ani nédu kesii kani na Katɔti kɔtu bɔni bubo-ma lɛlɔ.

Mateo 25:46

Yesu ɔ́wɔlɔ ɔnini, “Bekyuli bamɛni na badubuti batákya lɛbibo lɛni naaadubo bɔsa kudii kemmo. Na bekyuli babuni bammɔ badubɔkɛ ngba bɔni naaadubo bɔsa kudii.”

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Mateo 22:7

Ɔga ɔmmɔ ɔ́kɛ kɔnyi geen, na ɔ́tala nwuna bekpone na bátádu bekyuli badune bammɔ ƒui na bákyula bana ɔma.

Mateo 13:50

Na bebo bekpidi bammɔ bakya lɛgyavonku kemmo. Mmɔ na keku ku animi bɔdu bɔkya.”

Mateo 13:42

Badubuti anya ku-ma ƒui batákya lɛgyavonku kemmo. Mmɔ na keku ku animi bɔdu bɔkya!

Mateo 3:12

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo!”

Mateo 3:10

Bɛɛnu ka bada kadadi benye kugyii lɛlɔ na bada-ku ku ligyiitu. Kugyii biala naaanwu ebi buni ni, badubɔmɛnɛ-ku bakya lɛgyavonku kemmo.

Kɔgya 106:17

Kalɔ kébimi na kébweli Datan ku Abiram ku nwuna kaduli bekyuli lɛnɔ.

Hiob 6:3

Ɔsika ubo unu utulo ɛpu kɔnwinimi. Na ɔmmɔ geen náya na mɔɔtɛmi aani si kasusu na ńteti.

Ala Kalɔ Buse 19:28

Únye mmɔ na ɔɔnu kalɛ na uyɔ ɔɔkɔ́ taasi Sodom ku Gomora ku kalɔ kani nwi mmɔ ƒui lɛlɔ aani kalɛ na uyɔ ɔɔkɔ́ taalɛ ɔgya livongu bonwu na lɛyu bonwu lɛdi kemmo.

Esra 6:12

Na mɔɔkpali Katɔti ɔni náya na nwuna lɛnyi lɛ́kɛ keliekɔ na mmɔ ka ɔtu ɔga biala iye bekyuli bani mata menye lɛla lɛmɛni lɛlɔ iye bakali ka babwɛ kakpakɔ kammɔ na Yerusalem udie ntɛ bɔmmɔ. “Ami Dario nébo ɔda lɛni. Bɛnu ka bɛ́sia anu na bɛ́di-mu lɛlɔ ulu lɛlɔ siin.”

Kɔgya 18:38

Líbo-ma líwi kalɔ ɔni na basɔ balákana bɔta na kesii kani na batɛ na mina lɛgba akɔ mmɔ.