Kɔgya 21:5 - Katɔti Ɔku Kedee

⁵ Ka áya na ɔ́di lɛlɔ ɔsu ni, nwuna ɔbu ɔ́kɔ katɔ geen. Na ɔ́ƒɔ lɛnyi na nwuna lɛgadi lɛ́kɛ ɔyikun na liikeye.

Kɔgya 21:5 Referans Kwoze

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Hebriƒuɔ 8:1

Lɛla lɛni geen na bɔɔyɔ́ budie bɔtina na litemi lɛmɛni kemmo ndi ka ni, bubo ɔkpane unengudi ɔmɛni ɔni nlie kesii kani náƒɔ kuye na Katɔti lɛgaboku kudɔ na katɔ.

Yohane 17:22

“Líte-ma lɛnyi buni lɛni na éte-mi kalɛ na bana ƒui babla unwi kalɛ kani na ami ku-ɔ bɔdi unwi.

Yohane 17:5

Ɔƒɛni ni, Ati, sɔ kɔliku mina lɛnyi katɔ na ƒula anumi aani kalɛ na nse ɔni na lɛ́kya-a kudɔ asa na édie kayawi.

Yohane 17:1

Ka Yesu ɔ́su-ma ala amɛni ɔ́wɔlɔ ni, ɔ́kɔliku anumi ɔ́nu katɔ na ɔ́su ɔnini, “Ati, uwi ɔmmɔ údu. Kɔliku ami ƒ'ubidi katɔ kalɛ na ami lɛnɔ lɛ́kɔliku ƒula lɛnyi katɔ.

Mateo 28:18

Amu na Yesu ɔ́kpɛ úde-ma na ɔ́su-ma ɔnini, “Katɔti úti katɔ ku kalɔ ɔyikun ƒui úte-mi.

Yesaia 63:1

Ɔma na ɔdi nási Bosra na Edom kalɛkɛ ɔdubo ku awu ugyiedi na mɔɔnu mɛni? Lɛlɔ ɔdine ɔmani nánya kalɔ ɔdubo ku ɔyikun ku adala ani muukeye lɛni? “Ami Unwoti na ɔdi! Lɛ́di lɛlɔ na kekpokɔ na ndubɔkana-mii bɔƒɔ!”

Kɔgya 110:1

Unwoti ɔ́su mina Unwoti ɔnini, “Sɔ lie-mi kɔdianu wetédu uwi ɔni na meti ƒula bekisine makya-a lɛgba kalɔ.”

Kɔgya 96:6

Unwoti úbomo geen na nwuna bukeye bɔ́ka bɔ́mana-nwu. Na nwuna ɔyikun uudie lɛlɔ keyi kalɛ na ɔɔdia bɔnu na nwuna kakpakɔ

Kɔgya 62:7

Katɔti kani ndubudie-mi ɔgbankpi biala kemmo. Na anwu kani mɔɔyá na mɔɔƒɔ́ lɛnyi. Anwu ndi lɛtakpɛ lɛni lɛlɔ na líkpo kama, na ɔdi mina katamikukɔ.

Kɔgya 8:5

Na áya na úbo úbenye kenyekɔ kani náyu kalɔ blii kétulo na awɔ kadi kudɔ. Na áya na uukeye na bekyuli baabu-nwu.

Kɔgya 3:3

Nsu ni, Unwoti Katɔti, awɔ mɔɔgyumana-mi uwi ndi uwi na ɔgbankpi kemmo. Na awɔ mɔɔyá na mɔɔdi mina bekisine lɛlɔ na mɔɔsɔ teese kayi na mɔɔƒɔ́ lɛnyi.

Ala Alɛdi 1 17:27

Na ɔƒaani ni, te mina bebi ku bawɔ ƒui kusɛ kusɛ uwi ƒui na aya na benwini ƒula bagadine baƒunadi. Éete mina kaduli bekyuli kusɛ kusɛ na ngyi ka adubute-bu kusɛ kusɛ uwi ƒui.”

Samuel 2 7:19

O Unwoti Ɔbune, ɔɔɔdi ami kani na éte kusɛ kusɛ ábavi. Mmomu ƒula anu asia mina ɔtɔ kemmo bekyuli lɛnɔ lɛlɔ. Na aasu kpakplaa ɔƒaani ka adubute-ma kusɛ kusɛ na uwi ɔni ndubo kemmo. O Unwoti Ɔbune, mɔɔnu ka ɔmɛni ɔɔɔdi lɛla lɛni na aabla teete bekyuli ƒui.

Baga 1 3:14

Na si ásia mina ulu lɛlɔ na ádi mina ɔda bubo lɛlɔ aani kalɛ na ƒ'ɔti Dawid ɔ́bla ni, ndubute-ɔ ngba gyɔlɔɔ.”

Kɔgya 61:7

Unwoti, siaku-nwu na nwuna lɛga bɔdi uwi ƒui. Na aya na ƒula bɔyɔ bɔni naaavumana ku ƒula litemi geen lɛgyumana-nwu.

Kɔgya 133:3

Use aani amii ani mɔɔyu taasi Hermon abi lɛlɔ teewi Sion abi lɛlɔ. Ɔsika mmɔ na Unwoti ɔ́su úse ka wete kusɛ kusɛ ɔmmɔ, na ɔdanku ngba bɔni naaadubo bɔsa kudii.