Kɔgya 2:11 - Katɔti Ɔku Kedee

¹¹ Na bitaakpa Unwoti ku ɔbu geen ku lɛlɔyɔ.

Kɔgya 2:11 Referans Kwoze

Ƒilipiƒuɔ 2:12

Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Kɔgya 89:7

Adi Katɔti ɔni na kayaa bayikune kede bammɔ ƒui baayia uwi ɔni na bɛ́sa. Ɔsika ébomo na ebo ɔyikun étulo bani náka bámana-a.

Kɔgya 97:1

Unwoti ɔɔdi lɛga! Amii kayawi bekyuli ƒui, lɛlɔ lɛyɔ-mii. Na amii bani nli ntuntɛ kɔlɔ ƒui, lɛlɔ lɛyɔ-mii.

Kɔgya 99:1

Unwoti ɔɔdi lɛga, liƒu litaada kadi bekyuli. Uli nwuna lɛgaboku lɛlɔ na batu udu bani mbo avwi na baalɔ-ma kerub ntɛ na kayawi kemodi kammɔ ƒui kaakunku.