Kɔgya 19:4 - Katɔti Ɔku Kedee

⁴ Bénu-ma kɔku na kayawi ekpo ƒui, na bana etemila égyingya ésie kayawi kawɔlɔkɔ ƒui. Na kayaa mmɔ na Unwoti ɔ́bla kakyakɔ úte ɔƒɛ aani adi kevo kalɛ.

Kɔgya 19:4 Referans Kwoze

Romaƒuɔ 10:18

Nsu lɛla lɛni muuye ɔƒɛni ndi ka ni, bunu na Yudaƒuɔ bétenu Katɔti litemi lɛmmɔ? Oowo! Bénu-ni aani kalɛ na Bunweni Kedee Ɔku ɔ́su ɔnini, “Bénu-ma kɔku na kayawi ekpo ƒui, na bana etemila égyingya ésie kayawi kawɔlɔkɔ ƒui.”

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Kɔgya 104:2

Na kalɛ na eekeye use aani awu na akya. Na ébimi katɔ áƒala kayaa aani kevo kɔdi kpakplaa kalɛ.

Kɔgya 98:3

Ɔ́sia nwuna litemi kama siin úte Israel kadi bekyuli na ɔɔyɔ́-ma uwi ndi uwi. Na kayawi bekyuli ƒui bánu na kesi kesii kalɛ ubo ɔyikun na ɔɔƒɔ́ bekyuli.

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”