Kɔgya 18:2 - Katɔti Ɔku Kedee

² Unwoti unye ute-mi aani lɛtakpɛ ku katamikukɔ kani lɛlɔ na líkpo kama. Ɔɔgyumana-mi aani ukyuli ɔni muunye teetile-mi na ɔɔƒɔ́-mi na ɔɔyá na mɔɔkɛ́ ɔyikun.

Kɔgya 18:2 Referans Kwoze

Kɔgya 144:2

Awɔ ndi mina lɛtakpɛ ku katamikukɔ kesii kani mɔɔkɛ́ bɔƒɔ. Ƒula lɛlɔ na mina anu asia, ɔsika adi mina ɔgyumanane ɔni muuboku mina bekisine eli kalɔ teete-mi na mɔɔdi-ma lɛlɔ.

Kɔgya 62:7

Katɔti kani ndubudie-mi ɔgbankpi biala kemmo. Na anwu kani mɔɔyá na mɔɔƒɔ́ lɛnyi. Anwu ndi lɛtakpɛ lɛni lɛlɔ na líkpo kama, na ɔdi mina katamikukɔ.

Kɔgya 91:2

anwu ndubɔsu Unwoti ɔnini, “Awɔ ndi mina kagyumanakɔ kpakplaa kesii kani na mɔɔbɛ́. Na adi-mi Katɔti ɔni lɛlɔ na mina anu asia.”

Kɔgya 19:14

O Unwoti, awɔ ndi mina Lɛtakpɛ lɛni lɛlɔ na nkpo ku mina Udiene. Ya na mina kenye etemila ku mina kayi kemmo kakali kaƒɔ-ɔ anu.

Agba 18:10

Unwoti lɛnyi lɛdi lɛtakpɛ bonwu lɛni na ukyuli ukpo kama. Na nwuna kudɔ na bekyuli babuni beekeli teesie na baakɛ́ bɔƒɔ.

Kɔgya 62:2

Awɔ lɛti ndi mina lɛtakpɛ lɛni lɛlɔ na nkpo kalɛ na lɛkɛ bɔƒɔ. Na awɔ ndi mina katamikukɔ kpakplaa ɔsu ɔdi biala uladi-mi lɛlɔ kudii.

Samuel 2 22:3

Ɔɔgyumana-mi aani ukyuli ɔni muunye teetile-mi na ɔɔƒɔ́-mi, na ɔɔyá na mɔɔkɛ́ ɔyikun. Anwu nédie-mi na balalane enu kemmo.

Yeremia 16:19

Lɛ́kpali Katɔti lívele nnini, “Bula Ɔti, awɔ ndi ukyuli ɔni muute-mi ɔyikun na aagyumana-mi kpakplaa si líduo lɛbibo kemmo. Bekyuli badubɔsi ɔlɔgyu bebo-ɔ kudɔ na babasu-ɔ banini, ‘Bula bati kuuku bákpa baƒiɔ bani neeebo kɔsia kɔdi na balásu litemi geen lɛdi lɛnɔ,

Yesaia 32:2

Na badubunwini kabɛkɔ bete bekyuli si uwi ɔni na ɔƒɛƒɛɛ kpakplaa uukpó. Na badubunwini libiɔ bete bekyuli na kalɔ kakwiidi kemmo ku lɛtakpɛ lɛni ndubɔkya bekyuli ɔyuli si ɔƒɛ ɔɔbi.

Kɔgya 91:4

Ɔdububi-ɔ ala aani kalɛ na akɔkɔ uubi nwuna bebi avwi na akɛ kabɛkɔ. Na kalɛ na ɔɔsia nwuna litemi kama siin ɔsu ni, ɔdubo-ɔ bɔgyumana na ukpo ute-ɔ.

Hebriƒuɔ 2:13

Na ɔɔsu lɛnɔ ɔnini, “Ndubuti mina anu ƒui lɛsia Katɔti lɛlɔ.” Na ɔsɔ ɔɔsu ɔnini, “Aanu ami ku bebi bani na Katɔti úti úte-mi.”

Agba 2:7

Bekyuli bani nse siin ni, uusé-ma kama ka badi lɛlɔ. Na ɔdi lɛgyumanala ute bekyuli bani na lɛla lɛdi lɛɛɛda-ma na bana kasiakɔ.

Kɔgya 28:1

Unwoti, awɔ ndi mina lɛtakpɛ lɛni lɛlɔ na lɛ́kada líkpo ɔsu na mɔɔkpali-ɔ. Nu mina kɔvanu! Si ɔɔɔdi lɛni ni, agyi anii ami lɛnɔ ndubukpi ntéduo bekpine akɔ.

Kɔgya 59:11

O Unwoti, taya na bekpi na bekyuli bayiƒala lɛla lɛni na ábla! Mmomu ƒɛ-ma avwi na bakɛ bataavi taakya kani, ɔsika awɔ mɔɔgyumana-bu.

Kɔgya 75:10

Na ɔdububile balalane ɔyikun ƒui. Na bekyuli bani na bese siin ni, bana ɔyikun ɔdubɔkɔ katɔ uwi ƒui.

Kɔgya 132:17

“Mɛni na ndubuse Dawid kaba kemmo ubi likpo na ɔdi lɛga linengudi. Na mina Ukyuli Ɔƒunadi ɔmɛni ni, lɛ́ɛklibi-nwu líse aani bukeye ute mina bekyuli.

Israelƒuɔ Bɔlɛ 15:2

Unwoti ndi mina ɔyikun ɔni ɔsu na mɔɔtu kɔgya. Anwu nénwini mina ɔƒɔne. Na mina Katɔti na ndubumwi, Ɔdi mina Katɔti, mina bati kuuku Katɔti, na ndubɔkɔliku-nwu lɛnyi katɔ.

Kɔgya 116:1

Mɔɔyɔ́ Unwoti, ɔsika únu-mi lɛla lɛni na muuwulo teevele-nwu.