Kɔgya 17:3 - Katɔti Ɔku Kedee

³ Agyi kalɛ mina kayi kemmo kese sɛɛn. Ɔsika ébo-mi kudɔ usien na ákɔku-mi lɛlɔ kemmo ƒui ánu ka ntabla likpidi. Na lɛ́lɛ ugyii ka lɛɛɛdubo mina kenye bubimi bɔsu lɛla likpidi lɛdi.

Kɔgya 17:3 Referans Kwoze

Kɔgya 26:2

Unwoti, duo-mi kayi ku kasusu kemmo nu, na akɔku-mi anu kalɛ na nse.

Batalane Kabla 11:23

Ka útéduo mmɔ na ɔ́nu kalɛ na Katɔti úbunku-ma ni, ebiti áda-nwu geen na ɔ́kya-ma ogya úbu ɔnii benye Blɔti kama kpakplaa ku bana kayi ƒui.

Kɔgya 39:1

Líbo lɛlɔ ɔda lɛ́su nnini, “Ndubɔnu kaduɛ na lɛda mina unyemi na enyekpi adi alálɛ-mi kenye. Na lɛɛɛdubo bɔtɛmi lɛnɔ uwi ɔni na bekyuli bekpidi báka bámana-mi mɛni.”

Hiob 23:10

Nsu ɔgyi lɛla biala na mɔɔbla, na si banii ɔ́kɔku-mi ɔ́nu ni, ndubo buse sɛɛn aani sika ugyiedi ɔni ndia utulo ƒui.

Malakai 3:2

Limeyi lɛni na Unwoti webo ni, ɔdubuse aani ogya lɛyu lɛni kemmo na baaƒɔ sika, iye ɔkwayɛ ɔni mbo ɔbi. Na ukyuli biala ɔɔɔdubo bɔkana na unye-nwu anumi iye unye ɔsiaku-nwu.

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Kɔgya 139:1

Unwoti, éduo-mi kayi ku lɛlɔ kemmo ánu ƒui na agyi kalɛ na nse.

Kɔgya 119:106

Líse kenye na lɛ́su ka ndubɔdi ƒula ɔda bubo bɔni nse siin lɛlɔ ƒui.

Kɔgya 66:10

Katɔti, ákɔku-bu ánu aani kalɛ na baakya sika ɔƒualadi ɔgya kemmo taabla-nwu sɛɛn kalɛ na ɔdia bɔnu.

Petro 1 1:7

Ala ani ndubɔsiaku-mii ndubɔtina kalɛ na bɛ́ƒɔ bɛ́di geen. Sika ugyiedi ɔni muubie muedi ni, ogya kemmo na beeti-nwu taakya taanu-nwu taati kalɛ na ɔdia. Anwuɔsu bina bɔƒɔtaadi bɔni náƒɔ kuye butulo sika ugyiedi ɔmɛni ni, ɔlɛka bakɔku-mu banu asa na bɔkana bunye kpakplaa. Na si bina bɔƒɔtaadi bɔmmɔ bɔ́kana na búnye ni, Katɔti ɔdubumwi-mii na ɔtalaku-mii katɔ, na ɔbu-mii na Yesu bɔsɔ bubo limeyi lɛmmɔ lɛlɔ.

Mika 2:1

Bɔbuɛ muute amii bani na likpidi kɔkwɛ kani na bɛɛkya na bɛɛtɛ bina atɛla lɛlɔ teeti likpidi kasusu uwi biala. Na si kadi kégye na bɛɛnu ka bɛ́bla lɛla lɛmmɔ, ɔsika bɛɛnu ka bibo ɔyikun.

Hosea 7:6

Kɔnyi kukpidi kɔ́ƒɔ-ma kayi kemmo aani kalɛ na ogya ɔɔkya taada na bodobodo lɛyu kemmo ɔni na asa kadi keteegye ni, na ogya ɔmmɔ uudie linyemi!

Yeremia 50:20

Ndubudie Israelƒuɔ ku Yudaƒuɔ nkyuli ɛlɛɛ badi na ndubuti bana ekpidi lɛkyiɛ-ma ɔni na ɔdi ɔsɔ ulanu ekpidi bɔƒiɔ biala bɔdi ka bɔkya-ma lɛlɔ.”

Agba 13:3

Bekyuli bani ngyi kalɛ baada bana unyemi ni, beelie ngba gyɔlɔɔ. Na kenye bɔtu bɔlɛ ukyuli ɔɔkana na uubile lɛla biala.

Kɔgya 16:7

Ndubɔkɔliku mina Unwoti lɛnyi katɔ, ɔsika anwu nákya-mi kasusu. Na si ntɛ usien muedi ni, nwuna litemi lɛ́ƒɔ mina kasusu kemmo.

Kɔgya 11:5

Unwoti ɔɔkɔ́ku bekyuli bani nsiaku-nwu kama siin taanu bana ablala kemmo. Na uukisi bakantankpine ku bani mɔɔta teenye nwuna ɔda bubo lɛlɔ.

Kɔgya 7:4

Mina ɔkpana ɔmani na lídie líte iye mina ukisine ɔmani lɛlɔ na lɛ́ta línye na ulu ukpidi ɔdi lɛlɔ?

Hiob 24:14

Ɔƒɛ bɔnu kani na benye bagya, na badu bawabane ku bani ƒui mɔɔyaki ala. Na usien ɔmmɔ kani na beeyú ala lɛnɔ.

Samuel 1 26:23

Unwoti úti-ɔ ɔ́kya-mi enu kemmo ɔmwi na nka lɛdu-ɔ, nsu nwuna ɔga ɔƒunadi na adi. Anwuɔsu ami lɛɛɛdubo-ɔ lɛla lɛdi bɔbla. Unwoti ɔlati mɔɔƒɔ kayu buni teete bekyuli bani mɔɔdi nwuna litemi lɛlɔ ulu lɛlɔ na baasiaku-nwu kama siin.

Samuel 1 24:12

Muuvele Unwoti ka ɔtɛ litemi lɛmɛni na ami ku-ɔ ntɛ, na anwu ndubo-ɔ kayu bɔƒɔ na ala ani na aabla-mi kenye. Ɔɔɔdi ami ndubo mina kɔnu budie butuku-ɔ.

Batalane Kabla 16:9

Usien ɔmmɔ ni, Paulo ɔ́nu budie bɔtina bɔdi na kɔna kemmo. Na kɔna kɔmɛni kemmo ni, ɔ́nu ɔnana ɔdi ɔni nási Makedonia na unye uuvele-nwu ɔnini, “Via bo Makedonia mɛni na ebebunku-bu o-o!”

Samuel 1 24:10

Ɔmwi limeyi lɛmɛni lɛlɔ ni, awɔ ɔlati ánu ku ƒula anumi nwaa ka nka Unwoti úti-ɔ ɔ́kya-mi enu kemmo na lɛtabi ubu ɔmmɔ kemmo. Na mina bekpone badi bénye-mi lɛlɔ banii ndu-ɔ, nsu líni na lɛ́su-ma nnii lɛɛɛdubo mina kɔnu bɔtala bɔbla awɔ mina ati lɛla lɛdi, ɔsika Unwoti ukyuli ɔni na úse likpo na adi.

Yakobo 3:2

Ɔsika bula ƒui bɔɔƒiɔ́. Nsu si ukyuli ɔdi ulaƒiɔ na lɛla lɛni na ɔɔsu kemmo ni, na ukyuli ɔmmɔ use siin na ɔda lɛlɔ lɛnɔ kaduɛ.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Korintoƒuɔ 1 4:4

Mina kayi kaladu-mi kɔtɔ kɔdi. Nsu ɔmɛni uléte-mi ubo ɔnii lɛ́ɛlɛ sɛɛn na likpidi ku litemi bɔtɛ kemmo. Ɔsika Blɔti ndubɔtɛku-mi litemi.

Samuel 1 26:11

Nsu ami muuvele nnii Unwoti utaya na liti mina kɔnu lituku nwuna ɔga lɛbla-nwu lɛla lɛdi. Awɔ, ƒɔ lɛtula ku ntu ɔsii ɔni nde-nwu lili mmɔ na bɔtɔlɔ.”

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Ala Alɛdi 1 29:17

Nsu lɛlɔ lɛɛyɔ́-bu, ɔsika ukyuli biala úti ala ammɔ úboku-ɔ ku kaƒɔ ƒaa. Agyi lɛla biala na lɛkya ɔdi biala kayi kemmo na ɔɔyɔ́-ɔ kaƒɔ si ukyuli ɔdi biala ɔɔdi litemi lɛlɔ siin teete-ɔ.

Kɔgya 139:23

O Katɔti, awɔ ɔlati kɔku-mi na ati kalɛ na nse.

Yeremia 12:3

Nsu ni, Unwoti agyi kalɛ na nsiaku-ɔ kama na ńtalɛ-ɔ kama kudii iye mina kasusu muedi katimi ƒula lɛlɔ. Anwuɔsu ni, bekisine bamɛni lɛku na ebeyi-ma adu aani baƒonu kalɛ.