Kɔgya 16:7 - Katɔti Ɔku Kedee

⁷ Ndubɔkɔliku mina Unwoti lɛnyi katɔ, ɔsika anwu nákya-mi kasusu. Na si ntɛ usien muedi ni, nwuna litemi lɛ́ƒɔ mina kasusu kemmo.

Kɔgya 16:7 Referans Kwoze

Kɔgya 73:24

Awɔ mɔɔtɔnku-mi ɔkɛnku kasusu kani na aakya-mi kemmo. Na kawɔlɔkɔ ni, adubɔƒɔ-mi na liduo ƒula bukeye kemmo.

Yesaia 50:4

Unwoti Ɔyikune Ƒui ɔ́tina-mi lɛla lɛni na libimi kenye lɛsu na lɛkya ukyuli ɔni na lɛlɔ lɛ́bla-nwu kpɛtɛ kpɛtɛ ogya. Ɔɔgyila-mi ɔtanta biala na ɔɔlɛmi-mi atu na muunú ala ani na ɔɔtina-mi.

Kɔgya 77:6

Kasusu kani na muulie teeti usien umodi. Na muuye lɛlɔ ala pii nnini,

Kɔgya 17:3

Agyi kalɛ mina kayi kemmo kese sɛɛn. Ɔsika ébo-mi kudɔ usien na ákɔku-mi lɛlɔ kemmo ƒui ánu ka ntabla likpidi. Na lɛ́lɛ ugyii ka lɛɛɛdubo mina kenye bubimi bɔsu lɛla likpidi lɛdi.

Kɔgya 63:6

Na si ntɛ mina lɛtɛla lɛlɔ ni, naaayiƒala-a mmomu mɔɔkali taanu-ɔ usien umodi.

Kɔgya 42:8

Nsu muuvele nnii Unwoti ɔbla-mi lɛƒɔndia limeyi limodi kemmo kalɛ na usien ni, lɛtu kɔgya lite-nwu. Na anwu na ndubɔkɔliku mina enu katɔ lɛkpali, ɔsika anwu muute-mi ngba.

Yesaia 48:17

Unwoti ɔnini, “Israel kadi bekyuli, ami ndi Unwoti Katɔti ɔni muudie-mii. Na kalɛ na ɔdianku-mii ɔsu na mɔɔtina-mii ala, na mɔɔkpanku-mii taasiaku ulu geen ɔmmɔ lɛlɔ.

Yesaia 26:9

Mɔɔwia-a kpakplaa usien umodi, na ɔtanta ni, ƒula kɔka kɔɔda mina kɔyu. Ɔsika si átɛku bayawine litemi ni, kayawi bekyuli baatɛya kalɛ na babla ƒula lɛyɔla.

Agba 8:14

Ami mɔɔlɛ ukyuli na mɔɔtɛ etemila siin. Ami mbo ɔyikun na muunú ala kemmo nwaa.

Kɔgya 119:55

Unwoti, muunyimo-ɔ usien. Na muuduo mina kasusu kemmo taanu ɔ́siku ƒula etemila lɛlɔ.

Yeremia 17:10

Nsu ngyi bina ablala ku kasusu ƒui, na ndubo bɔnu ka bɛ́kɛ lɛla lɛni na lɛ́manku-mii.

Luka 6:12

Uwi ɔmmɔ kemmo ni, Yesu ɔ́tɔlɔ úsie kɔbi lɛlɔ. Na ɔkya ɔɔkpali katɔ usien ɔmmɔ ƒui.

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Kɔgya 119:7

Ndubɔtɛya kalɛ na ƒula litemi lɛɛnu ala kemmo siin. Na limwi-ɔ ku kayi kani nse sɛɛn.

Kɔgya 119:148

Mina anumi ewi aanu nwaa usien umodi na muuti kasusu na ƒula etemila lɛlɔ.

Kɔgya 77:2

Uwi ɔni na muubó abi ni, lɛ́kpali-nwu. Na usien umodi ƒui lɛ́kɔliku enu katɔ na mɔɔkpali-nwu, na neeete kuƒi kɔdi.

Kɔgya 22:2

O mina Unwoti Katɔti, mɔɔva laa limeyi limodi nsu alakpete-mi. Usien lɛnɔ muuwulo taalɔ-ɔ na liiibo bɔnwuna nsu neeenu kɔku kɔdi.

Yeremia 12:2

Eenyene-ma kunyekɔ kɔbuni aani egyii ani na álɛ na aalɛ́ lili kaduɛ taanwu ebi. Na si ina beemwi-ɔ lɛnɔ ni, aanu taati ka ɔɔɔdi ku bana kaƒɔ nwaa na baabla ɔmmɔ.

Kɔgya 73:21

Uwi ɔni návi ni, ntaanu ala amɛni na éteekpoku-mi na aatu-mi kayi.