Kɔgya 16:5 - Katɔti Ɔku Kedee

⁵ Awɔ kani némo-mi, ɔsika awɔ ndi mina kadikɔ. Na eete-mi kusɛ kusɛ na eete-mi ala ani mɔɔwia na aada-mi kɔkɔɔkɔ.

Kɔgya 16:5 Referans Kwoze

Kɔgya 73:26

Mina kasusu ku ɔlɔna ɔdubɔyuɛ, nsu Katɔti ndi mina ɔyikun na anwu kani ndi lɛla lɛni na mɔɔwia uwi ƒui.

Kɔgya 142:5

Lɛ́kpali awɔ, mina Unwoti Katɔti, na lɛ́su-ɔ nnini, “Awɔ ndi mina katamikukɔ. Na awɔ kani mɔɔwia na mina ngba ƒui kemmo.

Kɔnyana Buwulo 3:24

Na mina kayi ɔkwalɛ kemmo ƒui ni, mɔɔsu lɛlɔ geen nnini, “Unwoti kani ndi ukyuli ɔni mɔɔwia. Na nwuna lɛlɔ kani na ndubukpo kama!”

Kɔgya 23:5

Aayá muuwi lɛlɔ buɛɛ taadi adila abuni teemo uwi ɔni na mina bekisine benye baanu. Eewi-mi nnɔmii lili na aanu-mi lɛlɔ geen aani kalɛ na baabla lɛƒɔ teete ɔbune. Na áya na mina ɔɔƒɛɛ úyi ku atu.

Kɔgya 119:57

Unwoti, awɔ ndi mina kese. Na mɔɔsu kpakplaa ka ndubɔdi ƒula litemi lɛlɔ.

Lɛkpa Ulu 32:9

Ɔsika Unwoti ɔlati néti Israelƒuɔ bani ndi Yakob bebi ɔ́bla nwuna badi.

Kɔgya 89:4

‘Ndubɔnu ka ƒula kaba kemmo ubi mɔɔdi lɛga uwi ndi uwi. Na lɛgadi lɛmmɔ lilása mmɔ kudii.’ ”

Yeremia 10:16

Nsu awɔ Israel Katɔti ni, eeese lɛni, awɔ nédie ala ƒui na áƒuna Israel kadi bekyuli na badi awɔ badi geen. Ƒula lɛnyi ndi Unwoti Ɔyikune Ƒui.

Yesaia 53:12

Unwoti ɔdubɔƒɔ kayu kabuni bute-nwu na ute-nwu kenyekɔ kenengudi ku ɔyikun na kalɛ na úbo abi útédu ku kukpi kemmo na ɔ́ƒɔ kayu na bekyuli ƒui lili ɔsu. Báka-nwu bákya bekyuli bekpidi akɔ. Ɔsika bekyuli pii ekpidi na ɔ́ƒɔ ɔ́sia lɛlɔ, na úti lɛlɔ ɔ́kpa na bana lili, na ɔ́ƒɔ-ma ngba.

Kɔgya 116:13

Ndubuti ɔɔƒɛɛ ku ntɛ minimini etela mbakpa lite Unwoti na lɛgya-nwu enu ka ɔ́ƒɔ-mi ngba ɔsu.

Kɔgya 9:4

Eli ƒula lɛgaboku lɛlɔ na aatɛ etemila siin. Na ékulo mina litemi kemmo ka mina litemi libo ubo.

Batalane Kabla 5:31

Katɔti úte-nwu kenyekɔ kenengudi na nwuna kɔdianu. Na úti-nwu ɔ́bla Ɔgadine ku Ɔƒɔne kalɛ na Israelƒuɔ bakɛ kuƒi benwini bana kɔyi, na bakɛ ekpidi butitaakyiɛ.

Kɔgya 132:11

Ɔsika Unwoti úse kenye úte Dawid, na ulénwini kama ulakya nwuna linyese lɛmmɔ kudii. Ɔ́su-nwu ɔnini, “Ƒula kaba kemmo ubi ɔdi na ndubɔya na ɔdi lɛga na ƒula lɛga kadikɔ.

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Korintoƒuɔ 1 15:25

Ɔsika Kristo ɔdubo lɛlɔ butaadi wetédu ka Katɔti úti nwuna bekisine ƒui ɔ́kya Yesu lɛgba kalɔ.

Kɔgya 125:3

Katɔti uláya na bekyuli bekpidi badi nwuna bekyuli kedee lɛlɔ. Si ɔɔɔdi lɛni ni, badubɔya na Katɔti bekyuli babla likpidi.

Kɔgya 11:6

Na Unwoti ɔdubɔya na aƒɛ ku ogya ku ɔnyi kpatii ɔdi ɔna aani ɔnantu uwi balalane bammɔ lɛlɔ. Na ɔdubɔya na ɔƒɛƒɛɛ ɔni na ɔ́ƒɔ ogya geen uteekpo teebile bana ala uwi biala.

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.

Yesaia 42:1

Unwoti ɔnini, “Aanu mina kabla ɔblane ɔni na lɛ́ƒuna, mɔɔyɔ́-nwu geen na nnye-nwu kama kpakplaa lɛnɔ. Líti mina Kɔyu lɛ́kya-nwu lɛlɔ kemmo, na ɔdubuti ala bɔbla ulu lɛlɔ siin buboku kayawi kadi bekyuli ƒui.

Batalane Kabla 2:32

Yesu ɔmɛni na Katɔti ɔ́gyila ɔ́lɛku bekpine akɔ, na litemi geen lɛmɛni lɛlɔ ɔsu na bɔdi kenye bediene.

Lɛkpa Ulu 18:2

Na Lewiƒuɔ bamɛni beeebo kuƒi ka bakɛ kalɔ kadi bete lɛlɔ aani kalɛ na adua bakladi bekyuli bebo kalɛ. Bana kɔsia kani ndi ka badi bakpane bete Unwoti aani kalɛ na anwu Unwoti úse kenye úse.

Yosua 22:25

Ɔsika Unwoti néti Yordan Ketu ɔ́bla abu ku amii Rubenƒuɔ ku Gadƒuɔ ɔmii. Anwuɔsu biiibo-ku lɛla lɛdi bɔblaku Unwoti.’ Na bina bawɔ badubɔya na bula babi bada Unwoti bɔyia baya.

Yosua 22:27

Mmomu bɔ́tu-ni búse aani likposela lɛni nse nte abu ku-mii ku bula bawɔ. Na bɔdubutaakpa Unwoti na nwuna Kevo ɔtɔ kenye na butaabla bɔkyula akpala ku edula akpala ku atu bɔyɔ akpala na mmɔ. Na bina bawɔ ku bula bawɔ banu bati ka bula ƒui bɔdi bekyuli benwi na bɔɔkpá Unwoti unwi.