Kɔgya 16:10 - Katɔti Ɔku Kedee

¹⁰ Na alanyonu mina kɔyu alakya kekpine. Na lɛnɔ ni, alaya ƒula Ubi Kedee ɔlɔna webu.

Kɔgya 16:10 Referans Kwoze

Kɔgya 49:15

Nsu Katɔti ɔdubudie ami na kaƒiɔtɔ kemmo na ɔƒɔ-mi utése lɛlɔ.

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.

Budie Taatina 20:13

Bekyuli bani ƒui nékpi ɛpu kemmo bási bálɛ. Na bekpine ƒui lɛnɔ báta bálɛ kekpine ku kɔƒiɔtɔ kemmo. Na Katɔti ɔ́tɛku ɔdi biala litemi ɔkɛnku ala ani na ɔ́bla lɛlɔ.

Luka 16:23

Na kekpine mmɔ ni, ɔ́nu ka ɔkya abi kebokɔ. Mmɔ ka ɔ́talaku anumi katɔ ni, ɔ́nu Abraham na katɔ kakaaka ka Lasaro ulie-nwu kudɔ.

Luka 1:35

Mmɔ na ɔtu ɔmmɔ údie kenye ɔnini, “Ɔyikune Ƒui ɔmmɔ Kɔyu kɔdubo-ɔ lɛlɔ na nwuna ɔyikun ɔƒɔ-ɔ lɛlɔ kemmo. Anwuɔsu ubi kedee ɔni na adubo bɔwɔ ni, badubɔlɔ-nwu banii Katɔti Ubidi.

Yesaia 14:9

Kekpine muedi owogyo úwi, na lɛlɔ badine bani lɛnɔ néesie kekpine mmɔ báta babasiaku-ɔ ka bánu-ɔ ka ási adubo.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Korintoƒuɔ 1 15:42

Lɛni kani na ɔdubo buse uwi ɔni na Katɔti ɔdubɔgyila bekpine na basɔ bebelie ngba. Si báva ukyuli ɔlɔna ni, ɔdi lɛla lɛni muubie taayii udu. Na si bágyila-nwu ni, ɔsɔ ulekpi.

Bumomo Bɔka 6:6

Na ɔ́si uwi ɔni na údie lɛlɔ sɛsɛɛ úse úte Unwoti mɛni ni, utalɛka ɔni ude ukpine ɔdi.

Lewiƒuɔ Ɔda Bubo 19:28

“ ‘Ukyuli ɔdi utakpɛ nwuna lɛlɔ akpanabi na ukpine ɔdi ɔsu iye uti lɛla lɛdi use lɛlɔ likpo. Ami ndi Unwoti.

Luka 4:34

“Ao! Bi na aawia-bu kudɔ mɛni, Yesu Nasareni? Bubo na ébo mɛni anii abakyula-bu? Ngyi ukyuli ɔni na adi! Awɔ ndi Katɔti Ɔtalane Kedee!”

Amos 9:2

Si béku ubu na béduo bésie kalɔ kemmo ƒui dɛ muedi ni, ndubɔnu-ma lidie lɛsiku mmɔ. Na si bɔkɔ na bákɔ bésie katɔ katɔ kakaaka lɛnɔ ni, mina kɔnu kɔda-ma na mmɔ lɛnɔ na liboku-ma kalɔ.

Daniel 9:24

Katɔti ɔ́ɔlɛ ugyii na uwi ɔdi úse ka uwi ɔmmɔ liti ku aavlanyɔ akpa maatɛ budu kemmo ni, bina ɔma kedee ɔmmɔ ku nina bekyuli ƒui badubo abi bubo bɔƒɔ bana ekpidi bɔbla lili kayu. Na ɔmmɔ kama ni, likpidi udu biala bɔbla bɔdubo bɔyii na litemi bɔtɛ siin bɔƒɔ lɛla biala kenye uteesie uwi ƒui. Na ala ani na ánu ku kenye bediene etemila ani na básu ebo-nwu kemmo lɛni na bedie kesii kani ndubuse kedee ƒui keyi bete kadi ƒui.

Yesaia 5:14

Kaƒiɔtɔ kadaku akpu bɔta na adila abuni ani na ɔdubɔkɛ bɔsiku Yerusalem lɛlɔ ɔsu. Babune ku bekyuli keeke ƒui badubo-ma bubweli ku bana ntɛ bekpine ƒui.

Agba 27:20

Kukpi ku lɛla lɛni mɔɔyila lɛla lɛdi udu belemo. Lɛni kani na kayawi ala ani mɔɔda ukyuli ɔkwɛ elemo-nwu.

Agba 15:11

Unwoti ɔgyi kukpi kalɔ ku kalɛ na ukyuli ɔɔkywí taayii udu. Anwuɔsu ukyuli kayi kemmo lɛla lɛdi lilábɛ-nwu!

Kɔgya 139:8

Si lɛ́kɔ lísie katɔ ni, akya mmɔ. Si ubu kemmo na líduo ńtátɛ lɛnɔ akya mmɔ.

Kɔgya 9:17

Kaƒiɔtɔ kemmo na balalane beenwíni teetéduo ama ku kadi bekyuli bani mɔɔyiƒala ka Unwoti ɔkya.

Hiob 11:8

Nwuna lɛnunda lɛ́kuku líbo lɛ́vi katɔ ƒui. Na lɛnunda lɛmmɔ kemmo lɛnɔ kágyu ketulo kekpine ƒui. Na bi na adubɔkana na ati na amɛni ƒui lɛlɔ?