Kɔgya 146:8 - Katɔti Ɔku Kedee

⁸ Unwoti Katɔti uubimi banumbwɛne anumi. Na bani na bekyuli béboku-ma kalɔ ni, ɔɔkɔliku-ma katɔ, na ɔɔyɔ́ bekyuli bani na bese siin.

Kɔgya 146:8 Referans Kwoze

Kɔgya 11:7

Ɔsika Unwoti use siin na ɔɔbla ala ulu lɛlɔ. Na bani nsiaku-nwu kama siin ndubɔkana na benye-nwu anumi.

Kɔgya 145:14

Na bekyuli bani ƒui mɔɔbla kpɛtɛ kpɛtɛ ni, Unwoti ɔɔda-ma na ɔɔkya-ma ɔyikun. Na bani na bakya lɛbibo kemmo ni, uukpó teete-ma.

Mateo 9:30

Mmɔ kani na anumi álɛmi-ma. Na Yesu úbo-ma ɔda kpakplaa ɔnini, “Bitasu ukyuli ɔdi lɛla lɛmɛni.”

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Eƒesoƒuɔ 1:18

Na muuvele Katɔti nnii bina kasusu kabla nwaa na bɛnu nwuna bukeye bɛti kalɛ na biti bina anu bɛsia ala ani ɔsu na ɔ́lɔ-mii ku ala bonwu ani na bɔɔkɛ́ taadi na nwuna baƒɔtaadine akɔ lɛlɔ.

Korintoƒuɔ 2 7:6

Nsu Katɔti ɔni mɔɔsia bekyuli bani muuwulo kɔnyana kɔnu ni, ɔ́ya na kaƒɔ káyɔ-bu ɔni na Tito ɔ́si-mii kudɔ úbo.

Yohane 16:27

Ɔsika Ati ɔlati ɔɔyɔ́-mii. Ɔɔyɔ́-mii ɔsika amii lɛnɔ bɛɛyɔ́-mi, na bɛ́ƒɔ bɛ́di ka Katɔti kudɔ na lɛ́si líbo.

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Yesaia 35:5

Na mmɔ ni, banumbwɛne badubɔnu na batutine benu.

Yesaia 42:16

Na ndubɔtɔnku mina banumbwɛne bɔsiaku ulu ɔni na baaagyi kudii lɛlɔ. Na lɛkpanku-ma lɛsiaku ulu ɔni lɛlɔ na bátasia kudii lɛlɔ. Na ndubɔya na kasuudikɔ kani na bakya kenwini bukeye. Na kesii kani na kese kpukplo kpukplo kabla suɛlɛ suɛlɛ. Na ndubo ala amɛni bɔbla ɔni na lɛɛɛdubo-nya bɔda buse.

Kɔgya 147:6

Unwoti Katɔti ɔɔkɔliku bekyuli bani muubo-ku lɛlɔ kalɔ katɔ. Na bekyuli bani mɔɔkɔliku lɛlɔ katɔ ni, uuboku-ma kalɔ.

Lɛkpa Ulu 33:3

Unwoti ɔɔyɔ́ nwuna bekyuli na ɔɔgyumana bani ndi nwuna badi. Anwuɔsu bɔɔlɛ-nwu akɔnkɔ kalɔ na bɔɔdi nwuna ɔda bubo lɛlɔ.

Yesaia 42:18

“Amii batutine binu, na amii banumbwɛne bɛnu!