Kɔgya 136:2 - Katɔti Ɔku Kedee

² Bɛgya benwoti ƒui Unwoti enu. Ɔsika ɔɔyɔ́-bu uwi ndi uwi.

Kɔgya 136:2 Referans Kwoze

Lɛkpa Ulu 10:17

Ɔsika bina Unwoti Katɔti ubo ɔyikun utulo ɔyikun biala na ɔlɛka buti ɔbu bute-nwu geen. Na ɔdi Unwoti ɔni na ulánu anumi taabla lɛla lɛdi na ulabɛ taaƒɔ lɛla lɛdi ukyuli kudɔ.

Kɔgya 97:9

Unwoti Katɔti, awɔ mɔɔdi kayawi ƒui lɛlɔ na ƒula lɛnyi lɛ́kɔ katɔ litulo baƒiɔ ƒui.

Daniel 2:47

Na ɔga ɔmmɔ ɔ́su ɔnini, “Ɔƒɛni na lɛ́ti ka ƒula Katɔti utulo baƒiɔ bayikune bani ƒui nkya. Ɔsika anwu néte-ɔ ɔyikun na édie abɛla amɛni kalɔ.”

Ala Alɛdi 2 2:5

“Na kakpakɔ kamɛni kadubɔbla kakpakɔ kenengudi geen, ɔsika bula Katɔti úbomo utulo baƒiɔ lidu ƒui.

Yosua 22:22

“Unwoti Katɔti ndi Katɔti Ɔyikune Ƒui. Na anwu ndi Unwoti, na ɔgyi lɛla lɛni ɔsu na bɔ́bla lɛla lɛmɛni. Na abu lɛnɔ bɔɔyɔ́ ka amii lɛnɔ bɛti lɛla lɛni ɔsu na bɔ́tu lɛkpabi lɛmɛni. Na si bɔtu na bɔ́tu-nwu ka buuti bɔta bunye Unwoti lɛlɔ iye ka bɔɔlɛ́-nwu kama ni, bibo kuƒi ka bɛdu-bu.

Israelƒuɔ Bɔlɛ 18:11

Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Kɔgya 97:7

Ɔ́ya na kɔƒa kuukpó bani ƒui mɔɔkun lɛmɛnɛ na baakpá baƒiɔ. Amii baƒiɔ bammɔ ƒui, bɛkya lili kalɔ bite Unwoti.

Kɔgya 82:1

Unwoti Katɔti ɔ́yu úlie kayaa bayikune ntɛ na ɔ́tɛku-ma litemi na katɔ mmɔ ɔnini,