Kɔgya 135:4 - Katɔti Ɔku Kedee

⁴ Unwoti Katɔti ɔlati náƒuna Yakob úte lɛlɔ. Na ɔ́ƒuna Israel kadi ka babla nwuna bekyuli.

Kɔgya 135:4 Referans Kwoze

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Lɛkpa Ulu 10:15

Nsu ka Unwoti ɔɔyɔ́ bina bati kuuku geen ɔsu na amii kani na úti ɔ́bla nwuna bekyuli. Na bɛmu bɛdi nwuna bekyuli.

Malakai 3:17

Mmɔ na Unwoti Ɔyikune Ƒui ɔ́su ɔnini, “Amii bekyuli bamɛni bɛ́ƒɔ-mi kuye geen, na si uwi ɔni na líbo mbatɛ litemi ni, ndubo-mii bɔgyumana kalɛ kani na bawɔne baagyumana bana ubi ɔni muunú-ma litemi.

Yesaia 41:8

“Nsu awɔ Israel, Yakob kaba, adi mina kabla ɔblane. Lɛ́ƒuna-mii na bɛdi mina ɔkpana Abraham kaba kemmo bebi.

Kɔgya 105:6

Nwuna kabla ɔblane Abraham kaba bebi na bɛdi. Na bɛdi-nwu bekyuli baƒunadi bani ndi Yakob bebi.

Kɔgya 33:12

Lɛlɔ lɛdubɔyɔ kadi bekyuli bani mɔɔbu Unwoti kani, ama bani na ɔ́ƒuna aani nwuna bebi!

Samuel 1 12:22

Nwuna lɛnyi bonwu lɛni náƒɔ kuye ɔsu ni, Unwoti ɔɔɔdubo nwuna bekyuli buni, ɔsika ɔɔyɔ́-nwu kaƒɔ ka ɔbla-mii nwuna kadi bekyuli.

Lɛkpa Ulu 32:9

Ɔsika Unwoti ɔlati néti Israelƒuɔ bani ndi Yakob bebi ɔ́bla nwuna badi.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Lɛkpa Ulu 26:18

Na ɔmwi kadi ni, Unwoti lɛnɔ ɔ́lɛ ugyii ka bɛdi nwuna bekyuli aani kalɛ na ɔ́su úse. Na ɔɔsu-mii ɔnii bɛdi nwuna ɔda bubo ƒui lɛlɔ.

Yeremia 51:19

Nsu awɔ Israel Katɔti ni, eeese lɛni. Awɔ nédie ala ƒui na áƒuna Israel kadi bekyuli na badi awɔ badi geen. Ƒula lɛnyi ndi Unwoti Ɔyikune Ƒui.