Kɔgya 13:5 - Katɔti Ɔku Kedee

⁵ Nsu ƒula lɛlɔ kani na mina anu asia, ɔsika ƒula bɔyɔ buuubo kawɔlɔkɔ. Na mina kayi lɛnɔ kákɛ lɛlɔyɔ ka áƒɔ-mi ɔsu.

Kɔgya 13:5 Referans Kwoze

Yuda 1:21

Bɛda lɛlɔ na bitaayɔ Katɔti uwi ɔni na binye bɛɛnu ulu ka Yesu Kristo wanu-mii kɔnyana na bɛkɛ ngba bɔni nsɔ naaadubo bɔsa kudii.

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Habakuk 3:18

iye edula ebi adi eeebo muedi ni, lɛlɔ lɛdubɔyɔ-mi na ebiti ada-mi geen na mina Unwoti ɔni ndi mina ɔƒɔne lɛlɔ.

Kɔgya 52:8

Nsu ami ni, nse aani kɔdingyii kɔni evete neeewile kudii na nnye Katɔti kaduli. Na mina anu asia-nwu bɔyɔ bɔni naaavumana kudii lɛlɔ.

Kɔgya 9:14

Ya lɛ́sɔ línwini ḿbedu Sion ɔba kenye na lidie lɛnu limwi-ɔ. Na lɛlɔ lɛyɔ-mi na kalɛ na áƒɔ-mi ngba ɔsu.

Kɔgya 119:81

Nnye mɔɔnu ulu taanɔ kpakplaa ka ebo abaƒɔ-mi, nsu mina anu asia ƒula litemi lɛlɔ.

Kɔgya 36:7

Ƒula bɔyɔ bɔni naaavumana kudii bɔ́ƒɔ kuye butulo lɛla biala. Na ƒula avwi akɔ na bekyuli ƒui baakɛ́ kabɛkɔ.

Kɔgya 33:18

Nsu Unwoti anumi asia bekyuli bani ƒui mɔɔbu-nwu na bana anu asia nwuna bɔyɔ bɔni naaavumana kudii lɛlɔ.

Kɔgya 32:10

Balalane badubo abi bubo geen. Nsu bekyuli bani meti bana anu masia Unwoti lɛlɔ ni, nwuna bɔyɔ bɔni naaavumana kudii bɔdubɔka bɔmana-ma.

Luka 1:47

Na lɛlɔ lɛɛyɔ́ mina kɔyu na Katɔti ɔni ndi mina Ɔƒɔne lɛlɔ.

Kɔgya 147:11

Na bani mɔɔyia Katɔti na benye baanu ulu teete nwuna bɔyɔ bɔni naaasa kudii ni, bana lɛlɔ mɔɔda Katɔti kubiti.

Kɔgya 51:12

Mmomu na asɔku mina ngba bɔƒɔ lɛlɔyɔ lɛni na éte-mi mmɔ akya-mi lɛlɔ kemmo. Na aya na lɛkana bunye kpakplaa na ntaadi ƒula litemi lɛlɔ.

Samuel 1 2:1

Amu na Hana ɔ́kpali Unwoti na ɔ́su-nwu ɔnini, “Kayi kaayɔ́-mi geen na Unwoti lɛlɔ. Ɔsika Katɔti ɔ́ya na mina lili lɛ́kɔ lɛ́lɛ katɔ ƒui aani ebuo lise. Na mɔɔkun lɛmɛnɛ na mina bekisine ɔsu. Ɔsika ebiti geen aada-mi ka údie-mi mina bekisine enu kemmo.

Luka 2:20

Amu na baƒonu badane bammɔ básɔ bénwini na beemwi Katɔti na ala ani ƒui na bánu ku ani bénu lɛnɔ lɛlɔ, ɔsika ana ƒui ese pɛpɛɛpɛ kalɛ kani na Katɔti ɔtu ɔmmɔ ɔ́su-ma.

Kɔgya 25:2

O mina Katɔti, awɔ kani ndi mina lɛnunsia. Bunku-mi kalɛ na lɛlɔ liláyɔ mina bekisine ka bádi-mi lɛlɔ na kɔƒa kukpo-mi.

Kɔgya 38:17

Ɔsika ɔlɛ bunu bɔmmɔ bútulo-mi na buláƒana na mɔɔyɔ́ libuli.