Kɔgya 127:3 - Katɔti Ɔku Kedee

³ Nu! Unwoti Katɔti muute bebi na baawɔ. Na bani mɔɔlɛ́ taasi uwele kaƒɔ kemmo ni, ɔdi nwuna lɛƒɔndia.

Kɔgya 127:3 Referans Kwoze

Lɛkpa Ulu 28:4

Unwoti ɔdubute-mii kusɛ kusɛ na bɛwɔ bebi pii na bɛkɛ edula pii lɛnɔ. Na ɔdubɔya na bɛkɛ ɔmantɛ bakɔ ku baƒonu pii.

Samuel 1 1:27

Na lívele-nwu nnii ute-mi ubi na lɛwɔ. Na Unwoti únu-mi bɔkpali sɔsɔ, na ɔ́ya lɛ́wɔ ubi ɔni na nda mɛni.

Yesaia 8:18

Aanu ami ku bebi bani na Unwoti úti úte-mi. Abu ndi bɔnu bɔti ku likposela na Israel bani nási Unwoti Ɔyikune ɔni nli Sion Kɔbi lɛlɔ kudɔ.

Ala Kalɔ Buse 48:4

Na ɔ́su-mi ɔnini, ‘Ndubɔya na awɔ bebi na bimomo geen na binwini kadi bekyuli pii, na ndubuti kalɔ kamɛni lite-ɔ na kenwini awɔ ku ƒula kaba kemmo bebi kadi uwi ƒui.’

Ala Kalɔ Buse 33:5

Na ka Esau ɔ́talaku anumi katɔ ni, ɔ́nu beleku bammɔ ku banamu bammɔ na úye Yakob ɔnini, “Ɔma bene nsiaku-ɔ mɛni?” Amu na údie kenye ɔnini, “Bebi bani na Unwoti Katɔti úte ami ƒula kabla ɔblane na lɛ́wɔ na nwuna lɛƒɔndia ɔsu na badi.”

Ala Kalɔ Buse 1:28

Na Katɔti úte-ma kusɛ kusɛ, na ɔ́su-ma ɔnini, “Bɛwɔ biyile kalɔ kamɛni ƒui lɛlɔ. Na bɛdi-ka lɛlɔ ku bebweyi bani ƒui nkya-ka kemmo.”

Ala Kalɔ Buse 24:60

Béte Rebeka kusɛ kusɛ na básu-nwu banini, “Bula ɔnwani ulekubi, buuvele Katɔti bɔnii ɔ́ya-a na awɔ bebi pii na bemomo liti liti. Na ɔya na bawɔ bamɛni badi bana bekisine ƒui lɛlɔ betédu bana kɔyakun muedi.”

Ala Alɛdi 1 28:5

Unwoti kusɛ kusɛ ɔ́siaku-mi na lɛ́wɔ bebi pii. Nsu Salomo na ɔ́ƒuna ka ɔdi lɛga na Israel na mina kama.

Yesaia 13:18

Na bekpone bani ndubo-mii bukpo badubo bina bakloƒu atula bubo bɔdu. Na balanu bebi bani naaagyi lɛla lɛdi muedi kɔnyana.”

Ala Kalɔ Buse 4:1

Ɔmmɔ kama ni, Adam ku Hawa bélie aani ɔgya ku ule kalɛ. Na Hawa ɔ́da kaƒɔ na ɔ́wɔ Kain. Na ɔ́su ɔnini, “Katɔti úbunku-mi na lɛ́wɔ ɔnanabi.”

Lɛkpa Ulu 28:11

Unwoti ɔdubɔya na bɛwɔ bebi pii na bɛkɛ ɔmantɛ bakɔ ku edula pii na kalɔ kani na úti uute-mii mɛni lɛlɔ. Na aka na ɔ́su úse ka weti wete bina bati kuuku.

Litemi Batɛne 12:9

Na ubo bebi banana avlaatɛ ku belekubi avlaatɛ. Na úti nwuna bebi belekubi úte ɔtɔ bamba bekyuli na béti-ma. Anwu úsie útéti ɔtɔ bekyuli bamba belekubi lɛnɔ úboku nwuna bebi bananabi avlaatɛ na béti-ma. Na Ibsan ɔ́tɔnku Israelƒuɔ akwa maatɛ.

Samuel 2 3:5

Na ubi ɔkundi ndi Yitream, na uni ndi Egla. Bebi bamɛni ƒui ni, báwɔ-ma béte Dawid uwi ɔni na ɔkya Hebron.

Ala Alɛdi 1 8:40

Ulam bebi badi bekpone bani na bebo kayi na baakana kɔtaminta bubo geen. Bebo bebi ku bawɔ na babla nkyuli eti atɛ. Bamɛni ƒui badi Benyamin kaba kemmo bebi.

Hiob 1:2

Ɔnana ɔmɛni ubo bebi maatɛ, bananabi ine ku belekubi ɛtɛ.