Kɔgya 118:7 - Katɔti Ɔku Kedee

⁷ Unwoti unye-mi kama ka ubunku-mi anwuɔsu bekyuli bani muukisi-mi ƒui ni, mɔɔnu-ma aani bekyuli bani lɛlɔ na lɛ́ɛdi.

Kɔgya 118:7 Referans Kwoze

Kɔgya 59:10

Mina Katɔti, ngyi ka adubo ebebunku-mi, ɔsika aayɔ́-mi uwi biala. Na adubɔya na lɛnu mina bekisine kebulikɔ.

Kɔgya 54:4

Unwoti Katɔti, awɔ ndubo-mi bubunku kalɛ na neeebuli.

Kɔgya 54:7

Awɔ nédie-mi na mina ɔgbankpi ƒui kemmo. Na áya lɛ́nu kalɛ na ébo mina bekisine kalɔ.

Kɔgya 55:18

Na ɔdubɔƒɔ-mi na kekpo kani na ami ku mina bekisine bani na mina lɛƒɛnyi ƒui buukpó, na naaaƒɔ ɔlɛ ɔdi.

Kɔgya 112:8

Kayi biala kelékpoku-nwu iye liƒu lɛdi lilada-nwu, ɔsika ɔ́ƒɔ ɔ́di ka nwuna bekisine ƒui badubɔkya-nwu lili kalɔ.

Kɔgya 92:11

Na ami ɔlati lɛ́nu na línu kalɛ na ádi mina bekisine balalane lɛlɔ.

Ala Alɛdi 1 12:18

Mmɔ na Katɔti kɔyu kɔ́ƒɔ Amasai bekpone avlaatɛ ɔtɔnkune kemmo na ɔ́su ɔnini, “O Dawid! Bɔdi ƒula badi. O Yisai ubi! Bunye-ɔ kama. Keyi buɛɛ kasiaku-ɔ na kasɔ kasiaku-ɔ! Keyi buɛ kasiaku bekyuli bani muute-ɔ kebunku. Ɔsika ƒula Katɔti ɔdubute-ɔ kebunku.” Anwuɔsu ɔ́ƒɔ-ma úbunku nwuna bekpone lɛlɔ. Na ɔ́bla-ma bekpone batɔnkune.

Kɔgya 54:6

Unwoti ndubuti kaƒɔ ƒaa etela liboku-ɔ. Na ndubunwi-ɔ lɛnyi, ɔsika adia geen.

Kɔgya 59:11

O Unwoti, taya na bekpi na bekyuli bayiƒala lɛla lɛni na ábla! Mmomu ƒɛ-ma avwi na bakɛ bataavi taakya kani, ɔsika awɔ mɔɔgyumana-bu.

Yesaia 41:13

Ami ndi bina Unwoti Katɔti ɔni nda-mii kɔnu anwuɔsu bitayia, ɔsika nnye-mii kudɔ ka libunku-mii.