Kɔgya 118:6 - Katɔti Ɔku Kedee

⁶ Unwoti unyeku-mi, anwuɔsu lɛɛɛdubo bɔyia. Bi na ukyuli ɔdubɔkana-mi bɔbla?

Kɔgya 118:6 Referans Kwoze

Hebriƒuɔ 13:6

Anwuɔsu bɔɔsu ku kayi ƒui bɔnini, “Blɔti ndi mina ubunkune, anwuɔsu lɛɛɛdubo bɔyia. Bi na ukyuli ɔdubɔkana-mi bɔbla?”

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Kɔgya 56:4

Katɔti ƒula lɛlɔ na mina anu asia, anwuɔsu na naaayia. Na muumwi-ɔ na ƒula kenye kani na ásu ése ɔsu. Ukyuli ɔyawine ulakana-mi lɛla lɛdi bɔbla.

Kɔgya 56:11

Nwuna lɛlɔ na líkpo kama na naaayia lɛla lɛdi, ɔsika ukyuli ɔdi ulakana-mi lɛla lɛdi bɔbla.

Kɔgya 56:9

Na limeyi lɛni na makpali-ɔ ni, na abɔku mina bekisine na badubusie kama. Ɔsika ngyi ka Unwoti unyeku-mi.

Yeremia 20:11

Nsu ni, awɔ Unwoti, adi mina ukpone ɔyikune ɔni na enye-mi kama ɔsu ni, bekyuli bani mɔɔwia bakya-ma lɛsɛ mmɔ ƒui badubo bubuli na balakana-mi mmomu anumi adubuwi-ma kalɔ na beƒu na kɔƒa kukpo-ma uwi ƒui.

Yesaia 51:12

“Ami ndi Unwoti ɔni nése-mii kayi Na bi na bekyuli keeke badi? Bekyuli bani nse aani livo lɛni mɔɔyɛyɛ na ɔlɛka bitaayia-ma?

Kɔgya 23:4

Si ina nkɛ ntédu kasuudikɔ kani nse aani kekpine muedi ni, naaayia ɔgbankpi ɔdi. Ɔsika ngyi ka awɔ na nsiaku. Na ƒula ɔgagyii ku ugyii ɔdadi muusé-mi kayi.

Kɔgya 46:11

Unwoti Katɔti Ɔyikune Ƒui ɔkya-bu akɔ. Yakob Unwoti Katɔti ɔni na ɔ́kpa ndi bula katamikukɔ.

Kɔgya 146:5

Lɛlɔ lɛdubɔyɔ ukyuli ɔni néti nwuna anu ɔ́sia Yakob Unwoti Katɔti lɛlɔ ka ubunku-nwu, ɔsika úti Unwoti ɔ́bla nwuna Katɔti.

Kɔgya 46:1

Unwoti ndi bula katamikukɔ na anwu muute-bu ɔyikun. Unye-bu kudɔ uubunku-bu uwi ndi uwi na ala ani muukpóku-bu ƒui kemmo.

Samuel 1 17:11

Ka Ɔga Saul ku Israelƒuɔ bakladi bénu Ƒilistini ɔmmɔ kenye kamɛni ni, liƒu lɛ́da-ma na báyia geen.

Samuel 1 17:37

Unwoti ɔni nédie-mi ɔ́siku gyata ku kegidi aƒiɔ akɔ ndubudie-mi bɔsiku Ƒilistini ɔmɛni enu kemmo.” Amu na Saul ɔnini, “Ɔdia, amu teesie na etékpoku-nwu. Bula ƒui bubo lɛnunsia ka Katɔti ɔdubo-ɔ bubunku na akana-nwu lɛlɔ bɔdi.”

Kɔgya 56:5

Mina bekisine baayɔ́ ka bataada-mi kenye banii lɛ́bla likpidi na beeti-mi lɛlɔ kasusu uwi ndi uwi kalɛ na babla-mi kalala.

Kɔgya 56:10

Na muumwi-nwu lɛnyi na lɛla lɛni na ɔ́su úse ɔsu.

Kɔgya 56:12

O Katɔti, ala ani na líse kenye ka ndubɔbla lite-ɔ ni, ndubɔnu ka lɛ́bla-nya ƒui na liti mina enugya etela liboku-ɔ.

Kɔgya 94:16

Ɔma ndubo-mi bubunku na ukpo balalane bammɔ ute-mi?

Kɔgya 112:8

Kayi biala kelékpoku-nwu iye liƒu lɛdi lilada-nwu, ɔsika ɔ́ƒɔ ɔ́di ka nwuna bekisine ƒui badubɔkya-nwu lili kalɔ.