Kɔgya 112:4 - Katɔti Ɔku Kedee

⁴ Na bani ƒui mɔɔbla ala ulu lɛlɔ ni, badubɔnu bukeye na kesii kani na lɛdisa lɛkya. Ɔsika baabla lɛƒɔndia na baanu bekyuli kɔnyana na bese siin.

Kɔgya 112:4 Referans Kwoze

Hiob 11:17

Na ƒula ngba emeyi kemmo adubukeye butulo ɔƒiiwi. Na kasuudikɔ kammɔ kabla nwaa aani ɔtanta kadi bugye.

Yesaia 58:10

Bile bina adila bite bani na kɔka kɔɔda na bɛƒɔ bani neeebo kuduokɔ na bakɛ kuduokɔ na bina kudɔ na bɛnu-ma lɛlɔ. Na ɔmmɔ ɔdubɔya na bina ablala ekeye na kesii kani na kese suu. Na si amii lɛnɔ bíduo ɔgbankpi ɔdi kemmo na use aani kalɛ na beeduo lɛdisa kemmo ni, na unwini aani ɔƒiiwi kadi nwaa ute-mii.

Kɔgya 97:11

Bekyuli bani mɔɔdi Katɔti litemi lɛlɔ na baabla ala ulu siin lɛlɔ ni bana kasiakɔ keekeye na lɛlɔ lɛɛyɔ́-ma.

Yohane 1 3:7

Bitaya na ukyuli ɔdi ɔtɔlɔ-mii! Mina bebi bayɔne, ukyuli ɔni mɔɔbla ala ulu lɛlɔ ni, ɔdi ukyuli ɔni nse siin aani kalɛ na Kristo use siin.

Luka 6:36

Bitaanu kɔnyana aani kalɛ kani na bina Katɔti ɔɔnu kɔnyana.

Yohane 1 2:29

Si bɛgyi ka Kristo use siin ni, ɔlɛka bɛti ka ukyuli ɔni mɔɔbla ala ani nse siin ni, ɔdi Katɔti ubidi aani Kristo kalɛ.

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Kɔgya 106:1

Bɛya na bumwi Unwoti. Bɛgya Unwoti enu, ɔsika ɔdia na ɔɔyɔ́-bu uwi ndi uwi.

Eƒesoƒuɔ 5:9

Ɔsika bekyuli bani nli bukeye kemmo ni, ebi ani na baanwu ndi ebi abuni. Baasu etemila geen na beelie siin.

Yohane 12:46

Líbo kayawi kamɛni kemmo aani ukyuli ɔni mɔɔyá na bekyuli baanu bukeye kalɛ na ukyuli biala ɔni náƒɔ-mi ɔ́di ni, uláƒɔ lɛlɔ ulakya lɛdisa kemmo.

Kɔgya 37:6

Ɔdubɔya na ƒula ala ani na aabla siin eteekeye aani lɛdigye. Na ɔtɛ ƒula litemi na ɔbla nwaa aani ɔƒiiwi.

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Yohane 1 3:10

Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.

Eƒesoƒuɔ 5:15

Anwuɔsu bɛnu lɛlɔ kemmo kaduɛ na bɛti kalɛ na biti bilie ngba. Bitelie aani bekyuli bani nátada anu. Mmomu bilie ngba aani bekyuli bani náda anu.

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Hiob 22:28

Adubɔnu ulu nwaa asia na ƒula ngba kemmo. Na lɛla biala na ásu-nwu anii ɔbla ni, Katɔti ɔdubɔbla-ni lɛni kani.

Hiob 29:3

Uwi ɔmmɔ ni, nwuna bukeye búteewi-mi na mɔɔnu taavi kesii kani na kese suu!

Kɔgya 116:5

Unwoti ɔɔnu kɔnyana na use siin. Bula Katɔti ɔɔnu kɔnyana.

Kɔgya 145:17

Unwoti use siin na ulu biala lɛlɔ, na ubo lɛƒɔndia na nwuna ablala ƒui kemmo.

Agba 21:21

Ukyuli ɔni anumi muugyie na Unwoti lɛƒɔyɔ bɔbla lɛlɔ na Unwoti utaayɔ-nwu ni, ɔdubulie ngba ku udu buni, na bekyuli badubo-nwu butaabu.

Yesaia 58:8

Si bɛ́bla ɔmɛni ni, bɛdubɔnu kalɛ na muukeye na ɔya na bɛkɛ ɔlɛ bɔbwi. Na bina ala bɔbla siin bɔmɛni bɔdubɔgyumana-mii na bina keliela kemmo na Unwoti bukeye bɔgyumana-mii bɔsiku bina kama.