Kɔgya 11:7 - Katɔti Ɔku Kedee

⁷ Ɔsika Unwoti use siin na ɔɔbla ala ulu lɛlɔ. Na bani nsiaku-nwu kama siin ndubɔkana na benye-nwu anumi.

Kɔgya 11:7 Referans Kwoze

Budie Taatina 22:4

Badubɔnu-nwu anumi na nwuna lɛnyi lɛdubɔsia-ma atɛntɛ.

Kɔgya 17:15

Nsu ami ndubɔnu-ɔ anumi, ɔsika ntabla lɛla likpidi lɛdi. Na si lɛ́ta mina kalɛɛkɔ ni, ndubɔnu kalɛ na ese na lɛlɔ lɛyɔ-mi.

Petro 1 3:12

Ɔsika Katɔti ɔɔnu bekyuli bani nse siin lɛlɔ, na uunú bana bɔkpali. Nsu bekyuli bani mɔɔbla likpidi ni, bana lɛlɔ liláda Katɔti ebiti.”

Kɔgya 45:7

Aayɔ́ lɛla lɛni nse siin, na eekisi ala ani naaakɛ ulu lɛlɔ. Anwuɔsu ni, ami ƒula Katɔti lɛ́ƒuna awɔ, Ati, ka akɛ kenyekɔ etulo na bakladi ƒui akɔ. Na lɛ́ya-a na ákɛ lɛlɔyɔ na uwi ɔni na líti nnɔmii líwi-ɔ aani likposela.

Hiob 36:7

Na bekyuli babuni ama ni, Katɔti ɔɔnu-ma lɛlɔ kaduɛ, na uuti-ma teenyene kesii kani na káƒɔ kuye, na baakɛ́ ɔyikun taadi bekyuli lɛlɔ uwi ƒui.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Kɔgya 42:5

Bi ɔsu na naaakɛ́ bɔnwuna na mina lɛlɔ ƒui kemmo na enu áƒɛ-mi lɛni? Líti mina anu lɛ́sia-a lɛlɔ. Na ngyi ka nsɔ ndubo awɔ mina Ɔƒɔne ku mina Katɔti bumwi lɛnɔ, ɔsika awɔ muubunku-mi.

Kɔgya 34:15

Unwoti ɔɔnu bekyuli bani nse siin lɛlɔ, na uunú bana bɔkpali.

Kɔgya 33:18

Nsu Unwoti anumi asia bekyuli bani ƒui mɔɔbu-nwu na bana anu asia nwuna bɔyɔ bɔni naaavumana kudii lɛlɔ.

Kɔgya 99:4

Awɔ ndi bula ɔga unengudi ɔni mɔɔyɔ́ ala bɔbla siin. Áya na litemi bɔtɛ ulu lɛlɔ siin unye kpakplaa na Israel kadi bekyuli akɔ.

Kɔgya 33:5

Ɔɔtɛ litemi ulu lɛlɔ na ɔɔyɔ́ lɛla biala lɛni nse siin. Na nwuna bɔyɔ bɔni naaavumana bɔ́ƒɔ kayawi ƒui.

Kɔgya 21:6

Ƒula kusɛ kusɛ ɔsiaku-nwu uwi ƒui. Na áya na lɛlɔ lɛɛyɔ́-nwu geen na ƒula anumi.

Kɔgya 5:12

Unwoti, bekyuli bani mɔɔsiaku-ɔ kama siin ni, eete-ma kusɛ kusɛ. Gyumana-ma ku ƒula lɛƒɔndia aani kalɛ na kekpo lɛgyumanala lɛɛgyumana ukyuli.

Yesaia 61:8

“Ɔsika ami Unwoti ni, litemi bɔtɛ ulu siin lɛlɔ na mɔɔyɔ́. Na nkisi kuyu ku ɔkɔ etemila bɔtɛ ku ekpidi lidu bamba ƒui. Na kalɛ na mɔɔdi mina litemi lɛlɔ ɔsu ni, ndubɔƒɔ-ma kayu na linyimiku-ma bunyimi bɔni ndubɔkya ami ku-ma ntɛ uwi ƒui.

Kɔgya 146:8

Unwoti Katɔti uubimi banumbwɛne anumi. Na bani na bekyuli béboku-ma kalɔ ni, ɔɔkɔliku-ma katɔ, na ɔɔyɔ́ bekyuli bani na bese siin.

Kɔgya 7:9

Awɔ ndi Unwoti Katɔti ɔni nse siin na agyi bula lili kemmo kakali ku bula kayi kemmo ayɔla ƒui. Nye tile alaekpidi bablane ala bɔbla ulu! Na ada bekyuli bani nsiaku-ɔ kama siin na benye kpakplaa.

Kɔgya 7:11

Unwoti Katɔti ɔɔtɛ litemi siin na ɔɔdú bekyuli bekpidi kɔtɔ limeyi ndi limeyi.

Kɔgya 37:28

Unwoti ɔɔyɔ́ ala ani na baabla ulu lɛlɔ. Na ulalɛ bekyuli bani mɔɔbla taasiaku nwuna litemi lɛlɔ kama kudii. Mmomu ɔɔgyumana-ma uwi ndi uwi. Nsu bekyuli bekpidi bebi ama ni, badubɔyii udu.

Kɔgya 45:8

Ƒula awu ɔni na akya ni, ugyulo ƒɛƒɛɛ lidu lidu ɔnyi ɔ́ƒɔ-nwu kemmo. Na ɔtunkpɛ sɔɔn na béti bákya ƒula lɛgbanya lɛmmɔ bɔdia. Na lɛbentaa na baagyá taakya-a lɛga ebiti.

Agba 15:9

Bekyuli bekpidi kɔsiakɔ ƒui kulayɔ Unwoti kaƒɔ. Nsu bekyuli bani mɔɔwia kpakplaa ka belie ngba bɔbuni ni, Unwoti ɔɔyɔ́-ma.