Kɔgya 109:3 - Katɔti Ɔku Kedee

³ Báda-mi ulu ku bana enyekpi na beekpóku-mi ɔni na ńtabla-ma lɛla lɛdi.

Kɔgya 109:3 Referans Kwoze

Kɔgya 69:4

Na mina bekisine bani muukisi-mi keeke bemomo betulo mina lili linwini. Na bani mɔɔwia-mi ngba bayila lɛnɔ bebo ɔkplu, na ɔkɔ ala sɔɔn na baasu taasiku-mi lɛlɔ. Na béƒie-mi ala ani na ɔɔɔdi buyu na líyu-nya baƒɔ-mi kudɔ.

Kɔgya 35:7

Ńtabla-ma lɛla lɛdi, nsu baabɛ́ taakywɛ-mi kɔkpagyuɛ ka bedie-mi. Na béku libu bonwu bonwu bése-mi ka lɛnu liduo-ni kemmo.

Kɔgya 88:17

Ala amɛni náka ámana-mi limeyi ndi limeyi na lɛƒɛnyi ƒui na adubo ebetiku-mi aani kalɛ na ketu kani néyi keeti ukyuli.

Kɔgya 35:20

Ɔsika bekyuli bamɛni balátina keyi buɛɛ lɛla lɛdi na bana atɛ kemmo. Mmomu ɔkɔ ala kani na baanwí taasia bekyuli bani nse buɛɛ na kalɔ kammɔ kemmo.

Hosea 11:12

Israelƒuɔ baanyi ɔkɔ taatɔlɔ bana Unwoti Kedee ɔni mɔɔdi nwuna litemi lɛlɔ uwi biala teete bekyuli ku bana ɔkɔ etemila pii ammɔ. Na Yuda lɛnɔ unye nwuna lɛƒiɔkpa lɛlɔ.

Kɔgya 22:12

Bekisine pii benye kesi kesii bámana-mi aani bakɔ. Na bebo ɔkplu geen aani bakɔ bani nási Basan kalɔ lɛlɔ.

Kɔgya 17:11

Béti anumi bálɛ-mi lɛlɔ na báka-mi bákya kalɛ na bebo-mi bava kalɔ.

Samuel 2 15:12

Na uwi ɔni na Absalom ɔ́kya ɔɔbla akpala ni, ɔ́ya na bátálɔ Ahitoƒel ɔni nási Gilo ɔma kemmo na ɔdi Ɔga Dawid kasusu betene akɔ unwi ka ɔsi nwuna ɔma Gilo ubo. Kalɛ na Absalom ɔ́bla ala ammɔ ɔ́vinku ɔsu ni, nwuna kama basiakune katɔ kani na baakɔ́.

Samuel 1 26:18

Bi ɔsu na awɔ mina ati asiaku ami ƒula kabla ɔblane lɛni? Líbile lɛla lɛdi, munuu likpidi linengudi lɛmani na lɛ́bla?

Kɔgya 35:19

Unwoti Katɔti, taya na bekyuli bani muukisi-mi keeke mɛni bakɛ ebiti na mina lɛbibo ɔsu. Na taya na bataamana bana anumi taakya-mi ka bákɛ lɛla lɛni na baawia ɔsu. Nsu ɔɔɔdi lɛla lɛdi na lɛ́bla-ma.