Kɔgya 102:27 - Katɔti Ɔku Kedee

²⁷ Nsu kalɛ kani na awɔ ese ni, lɛni na adubo buse. Na ƒula akwa alása kudii.

Kɔgya 102:27 Referans Kwoze

Hebriƒuɔ 13:8

Yesu Kristo ulávumana. Kalɛ kani na úse uwi ɔni návi kemmo ni, lɛni kani na use ɔƒɛni ku uwi ɔni mebo ƒui lɛnɔ kemmo.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Malakai 3:6

Yakob bebi ku bawɔ, ami ndi Unwoti Ɔyikune Ƒui ɔni naaavumana uwi ɔdi. Anwuɔsu na ńtayila-mii udu ńtedie ƒui

Budie Taatina 1:8

Blɔti ɔni mbo ɔyikun ƒui mɔɔsu ɔnini, “Ami ndi kalɔ kesekɔ ku kawɔlɔkɔ. Ami nli, na lílie, na ndubo bulie uwi ɔni ndubo ƒui.”

Kɔgya 90:4

Ɔsika akwa apim unwi use awɔ aani kaama kadi kani návi iye uwi klukui na usien kemmo.

Hiob 36:26

Katɔti úbomo utulo bula bekyuli bayawine kasusu ala kalɔ bunu! Lɛni kani na bula ɔdi ulakana-nwu akwa bɔka.

Yohane 8:58

Amu na Yesu ɔ́su-ma ɔnini, “Mɔɔsu-mii geen nnii asa badubɔwɔ Abraham ni, Ami nli.”