Kɔgya 102:2 - Katɔti Ɔku Kedee

² Tabɛla-mi ƒula anumi si líduo ɔgbankpi kemmo. Mmomu se atu na enu-mi bɔkpali. Na ababla na ebo ebebunku-mi.

Kɔgya 102:2 Referans Kwoze

Kɔgya 69:17

Teti ƒula lɛlɔ tabɛla ami ƒula kabla ɔblane, ɔsika nkya lɛbibo bonwu kemmo. Anwuɔsu yile-mi bubebunku.

Yesaia 8:17

Ndubunye ntaanu mina Unwoti anumi, ɔni nábɛla nwuna anumi ɔ́siku Yakob kaduli bebi kudɔ. Ndubuti mina anu ƒui lɛsia Katɔti lɛlɔ.

Kɔgya 27:9

Ɔmmɔ ɔsu ni, O mina Unwoti Katɔti, awɔ lɛnɔ tada ƒula anumi tedie-mi lɛlɔ. Na teti kɔnyi takya ƒula kabla ɔblane na abɔku-nwu. Ɔsika awɔ ndi mina ɔƒɔne ɔni muubunku-mi.

Kɔgya 104:29

Si áda anumi édie-ma lɛlɔ blii ni, liƒu lɛɛda-ma. Na si áda ƒula ɔƒɛƒɛɛ édie-ma lɛlɔ kemmo ni, beekpi na basɔ benwini lɛti.

Kɔgya 70:1

Katɔti, tetu uwi buvele bo bedie-mi, O Unwoti, yile bubo na ekpo ete-mi.

Korintoƒuɔ 1 10:13

Lɛla biala lɛni nékpoku-ɔ lɛ́nu ni, nina udu lɛɛkana na liibo ukyuli biala lɛlɔ. Nsu ni, Katɔti ɔɔdi nwuna linyese lɛlɔ. Na ɔdubute-ɔ ɔyikun ɔni na eti enye lɛla lɛni mekpoku-ɔ manu kenye, na liletulo ƒula ɔyikun kalɛ na enye kpakplaa ete-nwu. Uwi ɔni kemmo na lɛla lɛdi liikpóku-ɔ taanu ni, Katɔti ɔdubute-ɔ ɔyikun ɔni na eti enye ala ammɔ ƒui kenye, na ɔtina-a ulu ɔni lɛlɔ na asia na alɛ-nwu kemmo.

Kɔgya 143:7

Unwoti, nu-mi bɔkpali. Mina lɛnunsia lɛ́sa. Na téti lɛlɔ tabɛla-mi, si ɔɔɔdi lɛni ni, ndubo bukpi aani bamanvine bani ntɔ kalɛ.

Kɔgya 71:2

Ka ese siin ɔsu ni, die-mi na enu-mi buvele na aƒɔ-mi.

Yesaia 43:2

Na si bɛɛvia ketu bonwu kani nágyu dɛ muedi ni, nliku-mii na bilánu-ka. Na si ogya kemmo na bɛkɛ muedi ulakyula-mii. Na ogya unyemi ɔmmɔ lɛnɔ ulekeyi-mii.

Kɔgya 40:13

O Unwoti Katɔti, ya na kaƒɔ kayɔ-ɔ na edie-mi. O Unwoti, yile bubo na ekpo ete-mi.

Kɔgya 31:2

Nu-mi bɔkpali na ebo pla ebedie-mi. Na enwini katamikukɔ lɛtakpɛ bonwu ete-mi na lɛgyumana-mi.

Kɔgya 22:19

O mina Unwoti, awɔ mɔɔkya-mi ɔyikun. Tagyunku-mi bo na ebebunku-mi.

Kɔgya 13:1

Unwoti Katɔti, uwi ɛlɛ na adubo-mi atu budie butálɛ? Bi ɔsu na ábɛla-mi ƒula lɛlɔ?

Hiob 34:29

Na ina bunye na únye ɔ́nu na útakpete-ma muedi ni, kadi bekyuli bamani, munuu ɔma ndubɔkana na udie Katɔti bɔƒiɔ bɔdi? Na si bɔbɛla na ɔ́bɛla nwuna anumi ni, ɔma ndubɔnu-nwu? Anwu kani mɔɔdi bekyuli ku kadi ƒui lɛlɔ.

Hiob 7:21

Na bi ɔsu na eléti mina alaekpidi alakyiɛ-mi na anu-mi kɔnyana? Úbu blii kani na badubo-mi lɛti bubi ɔni na adubɔwia-mi anɔ na asɔ alanu-mi.”

Yesaia 65:24

Ndubute-ma lɛla lɛni baawia asa na bakpali-mi muedi nsu si baakpali lɛnɔ ni, ndubunu lɛla lɛni na beevele-mi.

Israelƒuɔ Bɔlɛ 2:23

Akwa pii adi kama ni, Egyipteƒuɔ ɔga úbekpi. Nsu Israelƒuɔ bamu bakya bana lɛbibo kemmo. Ɔmɛni ɔsu béwulo bévele Katɔti ka ubedie-ma ɔlɛku bana lɛbibo kemmo.

Israelƒuɔ Bɔlɛ 2:24

Na Katɔti únu bana budumo na únyimo bunyimi bɔni na únyimi ku Abraham ku Isak ku Yakob.

Kɔgya 17:1

Unwoti, nu-mi buvele na atɛ mina litemi siin. Nu-mi keku kani na muuwulo taakpali-ɔ, ɔsika ɔkɔ etemila eeebo-mi kenye kemmo.