Kɔgya 102:16 - Katɔti Ɔku Kedee

¹⁶ Ɔsika Unwoti ɔdubɔsɔku Sion ɔma ɔtu na bekyuli banu kalɛ na uukeye.

Kɔgya 102:16 Referans Kwoze

Yeremia 33:7

Ndubɔsɔku kalɔ kamɛni lite Israel ku Yuda na lɛya na basɔ bakɛ ɔyikun ɔni nákya-ma kudeedi.

Kɔgya 147:2

Unwoti Katɔti ɔ́sɔku Yerusalem ɔ́tu, na ɔ́sala bani na béƒie bátɔlɔku ƒui ɔ́sɔku-ma úboku ɔma.

Mika 2:9

Bíƒie kɔduli kɔbuni kɔni na kɔdi mina kalɔ lɛlɔ beleku bɛ́ƒɔ. Na bɛ́bɔku bana bebi bɛ́lɛku bana kɔlɔ kemmo na bíti-ma kɔdikɔ kɔni na Unwoti úte-ma bínwini bina kɔdi.

Yeremia 31:4

Bɛ́ƒɔ-mi uye geen. Anwuɔsu ndubɔsɔku bina kalɔ lɛtu. Na bɛdubo bɔsɔ bɔtɔ ku ebiti na bɛgya bina lɛbentaa.

Yesaia 66:18

“Ngyi bina ablala ku kakali ƒui. Na uwi údu ka libo na ndubɔsala kadi ƒui bekyuli ku adi lidu batɛmine ƒui na lɛya na banu kalɛ na muukeye.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Yesaia 60:7

Kedar baƒonu ƒui badubo-ɔ kudɔ. Na Nebaot baƒonu bagyani bammɔ ƒui lɛnɔ benwini awɔ badi. Ndubɔƒɔ-ma aani etela na bekyuli beti ɔbu bete mina kakpakɔ kammɔ.

Yesaia 14:26

Unwoti ɔ́bla kasusu kadi úse úte kayawi kemodi kammɔ ƒui, ɔsika nwuna ɔyikun unengudi ɔmmɔ ɔ́ƒɔ kayawi kammɔ kesii biala,

Kɔgya 97:6

Kayaa ku kana ala eebó kudu na kalɛ na Katɔti use siin lɛlɔ. Na bayawine ƒui baanu kalɛ na uukeye.

Kɔgya 69:35

Ɔsika Katɔti ɔdubɔƒɔ Sion na ɔsɔku Yuda lɛma linengudi lɛmmɔ ƒui ɔtu. Na nwuna kabla bablane ƒui badubɔkya mmɔ na beti mmɔ benwini bana ɔdi.

Kɔgya 51:18

O Katɔti, ya na kaƒɔ kayɔ-ɔ na abla Sion lɛƒɔndia na asɔku Yerusalem ɔma ɔmmɔ awodu atu.

Yesaia 59:19

Na ɔ́si ɔƒɛ katukɔ útédu kanukɔ ƒui bekyuli badubo butaayia-nwu na bemwi-nwu kalɛ na uukeye. Ɔsika ɔdubɔda ɔlɛ-ma lɛlɔ aani ketu kani néyi na kadanku ɔƒɛƒɛɛ kpakplaa na ɔbɔku-ma ƒui.

Yesaia 60:3

Na kalɔ kadi bekyuli ku bana baga badubo-ɔ kudɔ babanu ƒula bukeye kadi kawɔdi kani négye-ɔ.

Malakai 1:14

Biisé-mi kenye ka bɛdububoku-mi bebuo bani námanku, nsu bɛɛvumana teeti bebuo bekpidi mmomu teeboku-mi si uwi údu. Na ndubo ɔgbankpi buti buboku-mii lɛlɔ na ɔmɛni ɔsu, ɔsika ami ndi Ɔga Unengudi Unwoti Ɔyikune Ƒui ɔni na kadi bekyuli ƒui baayia na kesi kesii.”