Kɔgya 102:14 - Katɔti Ɔku Kedee

¹⁴ Atabi ammɔ muedi áƒɔ abu ƒula kabla bablane kuye nsu kalɛ na bébo-nya bábwɛ bébile na ɔtumu ɔ́ƒɔ-nya lɛlɔ ɔɔdu-bu kaƒɔ.

Kɔgya 102:14 Referans Kwoze

Nehemia 4:2

Na ka unye nwuna bakpana ku Samariaƒuɔ bavinkpana anumi ni, úye lɛlɔ ɔnini, “Bi na Yudaƒuɔ bani lɛlɔ mɔɔdu kɔnyana mɛni baayɔ́ babla? Baayɔ́ ka basɔku Yerusalem awodu batu yoo?” Na ɔ́sɔ úye ɔnini, “Baabu ka si babla akpala adi bakana beti limeyi linwi pɛ babla kabla kammɔ yoo? Na bakali ka badubɔkɛ atabi ani baatu ɔtɔ basiku atabi ani alɛ esu esu na bákyula-nya kemmo?”

Kɔgya 79:1

O Katɔti, kadi bamba bekyuli bébo bébeduo ƒula kalɔ kemmo. Na bébile ƒula kakpakɔ kedee kammɔ ekisila na bábwɛ Yerusalem ɔma.

Nehemia 4:10

Ɔmmɔ kama ni, bekyuli bani nkya Yuda básu banini, “Kabla bablane bammɔ ɔlɔkplu ɔdaku bɔsa. Na leti ku atabi ani nwi kalɔ emomo, na eléte-bu kuƒi ka bɔsɔku awodu ammɔ bɔtu bɔwɔlɔ.”

Nehemia 4:6

Anwuɔsu bɔkana lɛwoduku lɛmmɔ bɔ́tu bútédu kakɛ. Ɔsika bekyuli bammɔ bédie kayi bábla kabla kaduɛ.

Nehemia 2:17

Nsu ɔƒɛni mɔɔsu-ma nnii, “Bɛɛnu lɛbibo lɛni kemmo na bɔkya? Yerusalem únwini atɔnku ɔma, na nwuna kɔyakun lɛpunu ƒui lɛnɔ bákyula-ni. Anwuɔsu bibo na bɔsɔ butásɔku Yerusalem awodu ammɔ bɔtu. Na bɔlɛ kɔƒa kemmo.”

Nehemia 2:3

Nsu líse kayi na lɛ́su ɔga ɔmmɔ nnini, “Ƒula lɛgadi lise liteesie uwi ƒui! Bi ɔsu na utalɛka mina anumi adu kɔnyana? Ɔsika bula ɔma unengudi ɔni kemmo na báva mina bati kuuku awodu ani bátu bámana ƒui áƒɛ éwi kalɔ. Na bátu ogya bákya ana kɔyakun ƒui.”

Nehemia 1:3

Amu na bédie kenye ka bani nébu na bátakana-ma buƒie mmɔ bakya lɛbibo ku kɔƒa bonwu kɔdi kemmo geen. Ɔsika Yerusalem awodu ani na áka ámana ɔma ɔmmɔ ƒui áƒɛ éwi kalɔ. Na bákyula ana kɔyakun lɛnɔ.

Esra 7:27

Amu na Esra úmwi Katɔti ɔnini, “Bemwi Unwoti bula bati kuuku Katɔti ɔni néti lɛla lɛmɛni ɔ́kya ɔga kayi kemmo kalɛ na ɔsia ulu ɔmɛni lɛlɔ na úti ɔbu úte Unwoti kakpakɔ na Yerusalem.

Esra 1:5

Amu na Yuda ku Benyamin adua batɔnkune ku bakpane ku Lewiƒuɔ ku bani ƒui na Katɔti útuku-ma kayi báklibi lɛlɔ ka basɔ benwini batátu Unwoti kakpakɔ na Yerusalem.

Daniel 9:16

Uwi ɔni návi kemmo ni, ábla-bu lɛƒɔndia geen lɛni náya na bɔɔnu taati na buuvele-ɔ ɔmwi ka ada kɔnyi kpakplaa kɔni na éti ákya Yerusalem mɛni buti taakya-bu aya. Ɔsika ina bi na abu ku bula bati kuuku bɔ́bla na bula anumi éwi kalɔ na kadi ƒui anumi muedi ni, ƒula ɔma ɔni na áƒuna na áya na bátu-nwu bálɛ ƒula kɔbi kedee lili lɛnɔ na ɔdi.

Rut Keliela Ɔku 1:6

Uwi ɔni kemmo na Naomi ɔmu ɔkya Moab kalɔ lɛlɔ ni, únu ka Blɔti úbo úbanu nwuna bekyuli kɔnyana na Israel kalɔ lɛlɔ na úte-ma adila.

Kɔgya 119:126

Unwoti, uwi údu ka abla lɛla lɛdi ɔsi kalɛ na bekyuli baládi ƒula ɔda bubo lɛlɔ ɔsu.

Yesaia 14:1

Unwoti ɔdubo Israelƒuɔ kɔnyana bɔnu, na ɔsɔ ɔƒuna-ma, na ɔsɔku-ma utésie bana keliekɔ na bana kalɔ lɛlɔ. Baƒɔ badubɔsalaku-ma na bablaku Israelƒuɔ unwi.

Yesaia 40:2

Na atɛmiku Yerusalem ku lɛdi buɛɛ ku bɔyɔ, na aya na bati ka bana kabla ku lɛbibo lɛ́sa. Na báƒɔ bana ekpidi lili kayu, ɔsika Unwoti ɔ́ni-ma kɔtu ɔ́sia kama kunyɔ kunyɔ na bana ekpidi ɔsu.

Yesaia 51:3

Ina ka bébile Sion na lɛla biala lɛsɔ liiise kaduɛ na ɔma ɔmmɔ kemmo ɔƒɛni ni, Unwoti ɔdubɔya na kaƒɔ bɔyala ku ebiti ebo ɔma unengudi ɔmmɔ kemmo, na ɔsɔ ɔdia bɔnu aani Eden ɔban ɔni na Unwoti ɔ́bla. Na mmɔ na lɛlɔ lɛdubɔyɔ Sion na udie lɛnu na ɔtɔ ku ebiti uti ɔgya Unwoti enu.

Yeremia 29:10

“Na si uwi ɔni na Babilonƒuɔ bábla bana ɔyikun ala ka badi betulone na kadi bekyuli ƒui ɔsu báwɔlɔ akwa liti ku aavlanyɔ kama ni, ndubɔbla-mii lɛƒɔndia na lɛya na bɛsɔ binwini bibo Yerusalem kalɛ kani na líse-mii kenye líse.

Yeremia 30:18

Unwoti ɔnini, “Israel ndubo-ɔ kɔnyana bɔnu na asɔ enwini ebo ɔma. Yerusalem, ɔƒaani ni, ɔma ɔmmɔ ɔ́bwɛ na uwi aani kebu, nsu badubo-ɔ bɔsɔku bɔtu ƒui kede kede ku baga kesii kawɔdi na bina kɔduli kɔdubunye kesii kani kúnye dii kúbavi.