Kɔgya 102:13 - Katɔti Ɔku Kedee

¹³ Adubɔnu Sion kɔnyana ɔƒɛni amu. Ɔsika uwi ɔmmɔ údu na anwu na ɔdi mɛni.

Kɔgya 102:13 Referans Kwoze

Galatiƒuɔ 4:4

Nsu ka uwi ɔni na Katɔti úse mmɔ geen údu ni, ɔ́tala Ubidi ɔ́kya-bu. Na ɔ́ya na uleku ɔdi ɔ́wɔ-nwu ɔ́kya kadi kadi akɔ na bana ɔda bubo bɔdi-nwu lɛlɔ

Yesaia 60:1

“Yerusalem kadi bekyuli, bɛta na bikeye! Ɔsika Unwoti bukeye bɔ́tu aani ɔƒɛ na buuwi-mii lɛlɔ.

Yesaia 40:2

Na atɛmiku Yerusalem ku lɛdi buɛɛ ku bɔyɔ, na aya na bati ka bana kabla ku lɛbibo lɛ́sa. Na báƒɔ bana ekpidi lili kayu, ɔsika Unwoti ɔ́ni-ma kɔtu ɔ́sia kama kunyɔ kunyɔ na bana ekpidi ɔsu.

Kɔgya 44:26

Buvele ta pla na ebebunku-bu na edie-bu, ɔsika ƒula bɔyɔ bulávumana kudii.

Petro 2 3:8

Banwa bayɔne, ɔƒɛni ni, bitayiƒala lɛnɔ ka na Katɔti anumi ni, kavumana kadi keeebo limeyi linwi ku akwa apim ntɛ. Ɔsika ɔna ƒui use-nwu likeke.

Batalane Kabla 1:7

Na Yesu ɔ́su-ma ɔnini, “Útalɛka bɛti uwi iye emeyi ani na mina Ɔti ɔ́su úse ka lɛla lɛdi lɛdubɔlɛ.

Petro 2 3:12

Na kalɛ na bíti bilie siin bɛgya Blɔti limeyi lɛmmɔ ni, anwu ndubɔya na limeyi lɛmmɔ libo pla. Limeyi lɛmmɔ na kayaa kadubo bɔkywi, na ogya liwulu lɛdubɔya na ala ani nkya kayawi ƒui ayɛɛlɛ.

Kɔgya 7:6

O Unwoti, ta ku kɔnyi na enye ada mina bekisine bani nsiaku-mi ku kɔnyi geen! Ta na ebunku-mi! Ɔsika awɔ mɔɔtɛ litemi ulu lɛlɔ.

Daniel 12:9

Mmɔ na údie kenye ɔnini, “Daniel, sie anumi na enye ataabla ƒula kabla, ɔsika linyesia lɛmɛni kalɔ bunu bɔdubɔbla lɛbɛla uti utédu uwi ɔmmɔ kawɔlɔkɔ.

Yeremia 31:23

Unwoti Ɔyikune Ƒui, Israel Katɔti, ɔ́su ɔnini, “Líse kenye ka ndubɔya na Yudaƒuɔ bakɛ bɔnwuna na lɛtɔnku-ma liboku bana lɛma. Na si uwi ɔni na lɛ́bla ɔmɛni ni, badubɔsɔ basu banini, ‘Buuvele Unwoti bɔnii ute nwuna ɔma ɔni ndi Yerusalem Kɔbi kedee lili kesii kani na nwuna kakpakɔ kenye mmɔ kusɛ kusɛ.’

Yesaia 14:32

Bi kenye na bɔdubudie bute bekisine bammɔ si banii bana batu badi bébeye lɛla lɛdi? Bɔdubɔsu-ma bɔnini, “Unwoti úse katamikukɔ úse Sion, na nwuna bekyuli bani ƒui na baanya taakya badubɔkɛ katamikukɔ.”

Kɔgya 75:2

Ásu-bu anini, “Líse uwi ɔni ndubɔtɛku bekyuli litemi líse. Na ami ndi ukyuli ɔni mɔɔtɛ litemi ulu siin lɛlɔ.

Kɔgya 51:18

O Katɔti, ya na kaƒɔ kayɔ-ɔ na abla Sion lɛƒɔndia na asɔku Yerusalem ɔma ɔmmɔ awodu atu.

Israelƒuɔ Bɔlɛ 3:15

Na Katɔti ɔ́sɔ ɔsu Mose ɔnini, “Su Israelƒuɔ anini, ‘Bina bati kuuku Abraham Katɔti ku Isak Katɔti ku Yakob Katɔti nátála-mi ɔ́kya-mii.’ Na lɛnyi lɛmɛni na mɔɔdi úsela uwi ƒui na ani na bina bawɔ bawɔ badubuti beteenyimo-mi ɔ́si kaba úsie kaba.”

Kɔgya 90:2

Asa na adubudie abi ku kayawi kammɔ ala ƒui ni, awɔ ndi Katɔti ɔni nli uwi ƒui ɔ́si kukuuku.

Kɔgya 92:9

Na geen ni, bani muukisi-ɔ kpakplaa mmɔ ƒui badubo udu bɔyii. Na likyulikpi ala bablane lɛnɔ adubo-ma bɔbɔku na egyingya-ma.

Kɔgya 135:13

O Unwoti, ƒula lɛnyi liláyi kudii. Na kadi ƒui bekyuli badubo butaakali ƒula ala ani na ábla uwi biala.