Kɔgya 101:3 - Katɔti Ɔku Kedee

³ Na lɛɛɛdubo bɔtunaku likpidi udu biala ɔdi, ɔsika naaayɔ nnii mina anumi aanu ɔmmɔ udu iye lɛsala ku bekyuli bekpidi badi. Na ami ni, ntaabla ala na anumi kemmo.

Kɔgya 101:3 Referans Kwoze

Kɔgya 119:37

Da-mi na lɛda atu lidie ala keeke ani neeebo kɔsia kɔdi lɛlɔ. Na aya na lilie ngba lɛsiaku ƒula ulu lɛlɔ.

Hiob 31:1

“Líse kenye ka lɛɛɛdubo ugblebi ɔdi ɔnusɛ bɔnu na ɔda-mi ɔkwɛ.

Agba 6:25

Ƒula kayi ketenwini katasia nwuna bɔdia lɛlɔ na ɔda-a limɔ. Taya na uti nwuna anumi ani na uusé ɔtɔlɔ-ɔ na uƒu-ɔ kasusu.

Mateo 5:28

Na ami mɔɔsu-mii nnii ɔnana ɔni manu uleku ɔbambadi na wada-nwu ɔkwɛ ni, ɔ́bla likpidi na nwuna kayi kemmo.

Kɔgya 40:4

Lɛlɔ lɛdubɔyɔ bekyuli bani néti bana anu básia Unwoti lɛlɔ. Na belesie baƒiɔ ku ala bamba adi kudɔ iye ama ku bani mɔɔkpá baƒiɔ ku ala ammɔ baládi kɔkpana.

Israelƒuɔ Bɔlɛ 20:17

Taya na anumi egyie-ɔ na ƒula ukyulikpana kaduli lɛlɔ. Na taya na anumi egyie-ɔ na ƒula ukyulikpana ulekudi, iye nwuna kabla ɔblane ɔnanabi iye ulekubi, iye nwuna ɔmantɛ bakɔ iye nwuna bebuo ala betine iye nwuna lɛla biala na ubo lɛlɔ.”

Lɛkpa Ulu 15:9

Na utasu ɔnii kayu butitaakyiɛ lɛkwa lɛdaku budu ɔsu, ulete ukyuli ɔmmɔ kebunku kani na ɔɔwia. Ɔdi utaya na kasusu kekpidi kammɔ udu keduo-nwu lili kemmo. Na si ukyuli ɔmmɔ ɔ́bla nwuna ɔnwani ulikplu na útete-nwu kevonkɔ kani na ɔɔwia mmɔ na ukyuli ɔmmɔ úwulo na ɔ́kpali Katɔti ni, Katɔti ɔdubɔni ulikplune ɔmmɔ kɔtu geen.

Petro 2 2:21

Si nka bétenu ngba siin bulie lɛlɔ litemi kudii muedi ni, nka ɔdia-ma utulo. Nsu bénu-ni asa na básɔ bédeyi ulu ɔmmɔ, na baládi ɔda bubo kedee bɔni na béte-ma lɛlɔ.

Galatiƒuɔ 4:9

Nsu ɔƒɛni ɔni na bɛgyi Katɔti mɛni iye lɛsu nnii Katɔti ɔgyi-mii mɛni ni, bi ɔsu na bɛ́sɔ bíti lɛlɔ biite ɔyikun ɔmmɔ bene udu? Munuu bɛɛyɔ́ ka ɔda bubo bɔdi bɔsɔ butaadi-mii lɛlɔ?

Romaƒuɔ 12:9

Bɛya na bina bekyuli bɔyɔ bɔbla bɔyɔ geen. Bikisi likpidi na biƒie lɛla lɛbuni bɛda.

Yeremia 22:17

Nsu awɔ ƒula kasusu kani ndi kalɛ na abla na anya bekyuli akya iye akɛ-ma lɛlɔ kɔsia kɔdi iye adu bekyuli bani na bátabla-a lɛla lɛdi.

Etemila 6:9

Si bɔ́di lɛla lɛni nse-bu ku kubiti ni, ɔdia utulo ka butaasia lɛla bamba anu. Ɔsika uuubo kalɔ bunu bɔdi na buse kani na use aani kalɛ na baabi taasiaku ɔƒɛƒɛɛ.

Yosua 23:6

“Anwuɔsu bɛkya ɔkplu na bɛnu kaduɛ na ɔdi biala ɔdi Mose ɔda bubo etemila ɔku ɔni úti úte-mii mmɔ lɛlɔ ƒui. Na bitada bitavia ɔda bubo bɔmmɔ bitese kɔmii iye kɔdianu.

Hebriƒuɔ 10:39

Nsu abu ni, bɔɔɔdi bekyuli bani muunwíni bula bɔƒɔtaadi kama na bɔyii udu. Mmomu bɔ́ƒɔ bɔ́di, na Katɔti ɔ́ƒɔ-bu.

Kɔgya 119:113

Na bekyuli bani na bana kasusu kese inyɔ inyɔ na ƒula lɛlɔ ni, nkisi-ma. Na ami ni, mɔɔyɔ́ ƒula ɔda bubo.

Kɔgya 78:41

Bákɔku-nwu bánu kɔlɛ kɔlɛ na bákya anwu Israel Katɔti ɔni nse kedee ƒui kɔnyi.

Kɔgya 14:3

Nsu bana ƒui bédeyi na bálɛ ulu geen ɔmmɔ lɛlɔ, na likyulikpi lɛ́ƒɔ-ma keliela kemmo ƒui. Ukyuli ɔdi uuubo ɔni mɔɔbla lɛbuni. Ina unwi pɛ muedi!

Israelƒuɔ Bɔlɛ 32:8

Báyila ulu geen ɔni na líbo-ma ɔda nnii basia mmɔ lɛlɔ. Na béti sika ugyiedi bávɔ ɔmantɛ akɔ na baakpá-nwu na baabla akpala teete-nwu. Na baasu banini, ‘Ɔmɛni ndi bula Katɔti ɔni nákpanku-bu ɔ́lɛku Egyipte kalɔ lɛlɔ.’

Mika 2:2

Biiƒie mmo ku lɛtɔ lɛni na bɛɛwia taaƒɔ. Bɛɛnya bekyuli taakya na bɛɛƒɔ́ bana kɔduli ku kalɔ.

Yesaia 33:15

Nsu bekyuli bani nli ngba siin na baasu litemi geen lɛmmɔ ni, badubo bana lɛyuƒɔla bɔƒɔ ku bani na balayɔ ka baƒɔ egulabi adi na bɔbɛ kemmo iye benye ukyuli ɔdi lɛlɔ na beƒie-nwu lɛla lɛdi baƒɔ ku bani nkisi ka bewi ukyuli ubugya kalɔ na balayɔ lɛsɛ ku udunkpi bamba ƒui lɛnɔ ni,

Yesaia 30:11

Na bɛda-bu bɛnyonu na bɛwia kasiakɔ. Ɔsika bɔsɔ buláwia ka bunu lɛla lɛdi bɔsiku Israel Katɔti Kedee ɔmmɔ lɛlɔ lɛnɔ!”

Kɔgya 39:1

Líbo lɛlɔ ɔda lɛ́su nnini, “Ndubɔnu kaduɛ na lɛda mina unyemi na enyekpi adi alálɛ-mi kenye. Na lɛɛɛdubo bɔtɛmi lɛnɔ uwi ɔni na bekyuli bekpidi báka bámana-mi mɛni.”

Kɔgya 125:5

Nsu bani nénwini básia ulu gontii lɛlɔ ni, Unwoti ɔdubuti-ma utásalaku alaekpidi bablane na ɔni-ma kɔtu. Nsu Israel anwu ni, ɔkɛ atu bɔyɔ ku keyi buɛɛ.

Kɔgya 97:10

Unwoti ɔɔyɔ́ bekyuli bani nkisi likpidi. Na ɔɔgyumana bekyuli bani nsiaku-nwu kama siin. Na uudie-ma taalɛku balalane enu kemmo.

Kɔgya 78:57

Mmomu bálɛ-nwu kama aani bana bati kani na bese aani kataminta kani nélii.

Kɔgya 36:3

Alaekpidi ku ɔkɔ ala sɔɔn na baatɛmi. Na bédeyi bálɛ lɛnunda ulu lɛlɔ na basɔ balábla lɛbuni lɛdi.

Samuel 1 15:11

“Úduo-mi geen ka lɛ́ya na Saul ɔ́di lɛga, ɔsika únwini kama ɔ́kya-mi na útadi mina kenye kani na lɛ́su-nwu lɛlɔ.” Lɛla lɛmɛni líkpoku Samuel geen, anwuɔsu útalɛɛ, mmomu ɔkya ɔɔkpali Katɔti teevele usien umodi ɔmmɔ.

Lɛkpa Ulu 13:17

Na ɔdi uteti ala ani na ɔ́su-mii ka bɛkyula mmɔ adi utese lɛlɔ. Ɔmɛni ndubɔya na nwuna kɔnyi kati kati kɔyɔ na ɔnu-mii kɔnyana. Ɔdubɔnu-mii kɔnyana na ɔya na bimomo bibu aani kalɛ na ɔ́su bina bati kuuku úse.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Kɔgya 41:9

Mina ɔtɔ kemmo ɔkpana geen ɔni lɛ́ƒɔ lɛ́di na ami ku-nwu bɔɔdi na lɛkyami linwi kemmo muedi ni, anwu nénwini únye-mi lɛlɔ.

Kɔgya 139:22

Naaanu-ma bɔdia munu munu, ɔsika mɔɔnu-ma aani-mina bekisine.

Agba 6:12

Ukyuli ukpidi ku ɔlalane ni, bɔkɛ kani na ɔɔkɛ taavi uwi ƒui ku ɔkɔ etemila.

Agba 6:13

Anumi na baamana bekyuli. Na lɛgba na baata ala taasia kalɔ teeti taatina bekyuli ala. Na animi na beedie kayaa teeti taatɛmi.

Agba 8:13

Unwoti bɔyia ndi likpidi bukisi. Nkisi lɛlɔ katɔ bɔtalaku ku bekyuli lɛlɔ bɔta teenye. Na nkisi likyulikpi ala bɔbla ku enyekpi bɔtɛmi.

Sakaria 8:17

Bitakya likpidi kɔkwɛ na bina bakpana lɛlɔ kudii na bitakpali ala bitanyi ɔkɔ bitasia bina bekyulikpana. Ɔsika ami, Unwoti, nkisi ala ammɔ udu.”