Kɔgya 1:2 - Katɔti Ɔku Kedee

² Mmomu lɛlɔ lɛɛyɔ́-ma ka bataadi Unwoti ɔda bubo lɛlɔ. Na beteeduo ɔda bubo litemi lɛmmɔ kemmo usien ku ɔƒɛ.

Kɔgya 1:2 Referans Kwoze

Yosua 1:8

Na tada ɔda bubo ɔku ɔmɛni kemmo etemila kalɔ budie teete bekyuli taya. Nu kaduɛ na eteeduo-nya kemmo usien ku ɔƒɛ. Kalɛ na eteenyimo na ataabla taasiaku etemila ani ƒui bénweni bákya ɔku ɔmmɔ kemmo. Na si aabla lɛni ni, ɔdubɔtɛku-ɔ na lɛla biala na aabla ni, lɛdubuse-ɔ kaduɛ.

Kɔgya 119:92

Na si ɔɔɔdi ɔni na ƒula ɔda bubo bɔdi mina lɛlɔyɔ ɔsu ni, nka lɛ́ɛyii udu na kalɛ na mina ala eekpóku-mi ɔsu.

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Romaƒuɔ 7:22

Nka na mina kayi kemmo geen ni, Katɔti ɔda bubo bɔɔda-mi ebiti geen.

Yeremia 15:16

Uwi ɔni na átɛmiku-mi ni, ebiti áda-mi geen ka lɛbla lɛsiaku lɛni kani, ɔsika awɔ Unwoti Ɔyikune Ƒui ɔdi na ndi.

Kɔgya 119:35

Tɔnku-mi siaku ɔda bubo bɔmmɔ lɛlɔ. Ɔsika amu ndubɔya na lɛkɛ ebiti.

Kɔgya 112:1

Bɛya na bumwi Unwoti. Lɛlɔ lɛdubɔyɔ ukyuli ɔni mɔɔyia Unwoti na ɔɔdi nwuna ɔda bubo etemila ƒui lɛlɔ.

Kɔgya 104:34

Mbo lɛnunsia ka mina kasusu kani muuti kadubɔƒɔ-nwu anu. Ɔsika Unwoti mɔɔyá na mɔɔkɛ́ lɛlɔyɔ.

Kɔgya 40:8

O mina Unwoti Katɔti, ƒula ɔda bubo bɔkya-mi kayi kemmo.”

Kɔgya 119:1

Lɛlɔ lɛdubɔyɔ bekyuli bani na likpidi bɔbla buuubo-ma keliela kemmo. Mmomu beelie ngba na Unwoti ɔda bubo kenye.

Yohane 1 5:3

Na dɛ na bɔɔnu taati ka bɔɔyɔ́ Katɔti? Bɔɔnu ɔmɛni taati si bɔɔdi nwuna etemila lɛlɔ. Na nwuna etemila eeese aani etila ani nétulo-bu.

Hiob 23:12

Na ńtalɛ nwuna ɔda bubo bɔdi lɛnɔ kama. Mmomu bɔ́ƒɔ-mi kuye geen, na nsiaku-mu kama lɛnɔ siin.

Timoteo 1 4:15

Ya na ƒula kasusu kasia ɔmɛni lɛlɔ, na ataabla-nya taasia kama kalɛ na bekyuli ƒui banu ƒula ngba buni bulie lɛtɔtɔ busie bati.

Kɔgya 119:72

Na ƒula ɔda bubo bubo-mi kɔsia utulo lɛla biala ku sika ugyiedi ku ɔƒualadi ƒui.

Timoteo 2 1:3

Mɔɔgyá Katɔti ɔni na mɔɔkpá enu aani kalɛ kani na mina bati kuuku bátaabla. Na mɔɔbla lɛni na kayi kani naaadu-mi kɔtɔ kemmo. Lɛnɔ ni, mɔɔgyá-nwu enu usien ku ɔƒɛ na muuvele na ƒula lili si mɔɔkpali katɔ.

Tesalonikaƒuɔ 1 2:9

Banwa binyimo ka uwi ɔni na bɔ́kya-mii kudɔ na bɔ́su-mii litemi buni lɛmɛni ni, búni ewulu usien ku ɔƒɛ na bɔ́bla kabla na bútenwini etila bútasia-mii lɛlɔ.

Luka 18:7

Na ɔƒɛni ni, bɔtɛ na Katɔti ulatɛ litemi uledie nwuna bekyuli bani muuwulo taakpali-nwu usien ku ɔƒɛ banii ubunku-ma? Munuu bɛɛkali bɛnii ɔdubɔkpɛ kama ku bana bɔƒɔ?

Kɔgya 88:1

O Unwoti Katɔti ɔni mɔɔƒɔ́-mi ngba, ƒula anumi na muunye taakpali usien ku ɔƒɛ.

Ala Kalɔ Buse 24:63

Useyi uwi ɔdi ni, ɔ́vi ɔgbami úsie kalɔ kani nwi mmɔ kemmo ɔnii anwu ku nwuna Katɔti batátɛmi. Na ka ɔ́talaku anumi ɔ́nu nwuna lɛtɔtɔ ni, ɔ́nu ka bebuo ala betine badi bási badubo.

Esra 7:10

Ɔsika Esra úti lɛlɔ úte Unwoti ɔda bubo bɔtɛya ku kalɛ na badi-mu lɛlɔ, na ɔɔtina ala ammɔ na Israel.