Ƒilipiƒuɔ 4:9 - Katɔti Ɔku Kedee

⁹ Biti mina ɔbladu ku mina etemila ani ƒui na bínu na bɛ́tɛya bɛsiku-mi kudɔ bɛkya kabla bɔbla kemmo. Na Katɔti ɔni muute keyi buɛɛ ni, ɔdubulieku-mii.

Ƒilipiƒuɔ 4:9 Referans Kwoze

Yakobo 1:22

Ɔdi ka bitaabla taasiaku lɛla lɛni na litemi buni lɛmmɔ lɛɛtina lɛlɔ. Na ɔɔɔdi ka binu-ni kani. Si ɔɔɔdi lɛni ni, na bɛɛtɔ́lɔ lɛlɔ.

Ƒilipiƒuɔ 3:17

Banwa, bisie anumi na bitaatɛya mina udu, na bɛtɛya udu ɔbuni bɛsiaku bani nli ngba bɔbuni bɔni na búlie bɔtina-mii lɛlɔ.

Petro 2 1:10

Banwa, ɔmɛni ɔsu ni, binye kpakplaa bibu. Na lɛla lɛni na Katɔti ɔ́lɔ-mii na ɔ́ƒuna-mii ɔnii bɛbla ni, bɛkya-ni ɔyikun uwi biala kalɛ na bina bɔƒɔtaadi bulayuɛ.

Yohane 13:17

Ka bɛ́ti litemi geen lɛmɛni ɔƒaani ɔsu ni, lɛlɔ lɛdubɔyɔ-mii si bɛ́bla ala amɛni.

Ƒilipiƒuɔ 4:7

Na Katɔti ɔni muute keyi buɛɛ bɔni ntulo ɔyawine kalɔ bunu ɔdubɔgyumana bina kayi ku kasusu ƒui ɔni na biliku Kristo Yesu.

Romaƒuɔ 16:20

Katɔti ɔni muute keyi buɛɛ ɔdubususu ukisine ɔmmɔ kpɛtɛ kpɛtɛ na ɔya na bɛdi-nwu lɛlɔ na uwi klukui kemmo. Blɔti Yesu Kristo lɛƒɔndia lɛsiaku-mii.

Korintoƒuɔ 2 13:11

Banwa, na kawɔlɔkɔ mɛni ni, binye momoomo na bɛlɛ lili bɛwɔlɔ. Na binu ala ani ƒui na lívele-mii na ɔku ɔmɛni kemmo. Bɛbla unwi na bilieku lɛlɔ ku keyi buɛɛ, na Katɔti ɔni mɔɔyɔ́ bekyuli na ɔɔyá na keyi kaayɔ́ku-ma ni, ɔdubɔsiaku-mii.

Luka 6:46

“Bi ɔsu na bɛɛlɔ-mi bɛnii Blɔti, nsu bilábla taasiaku lɛla lɛni na lɛ́su-mii lɛlɔ?

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Mateo 7:21

“Ɔɔɔdi ukyuli biala ɔni mɔɔlɔ-mi ɔnii, ‘Blɔti, Blɔti,’ ndubuduo Katɔti Lɛga Kadikɔ. Mmomu bekyuli bani mɔɔbla mina Ɔti ɔni nkya katɔ lɛyɔla ndubuduo mmɔ.

Tesalonikaƒuɔ 2 3:4

Blɔti ɔ́ya na bubo lɛnunsia na bina lɛlɔ ka bɛɛbla ala ani na bɔ́tina-mii, na bɔgyi ka bɛdubɔkana-nya butaabla.

Tesalonikaƒuɔ 1 1:6

Na sɔsɔ ni, amii lɛnɔ bɛ́tɛya-bu na bɛsiaku Blɔti udu kama. Na ina ka biibó abi muedi ni, bɛ́ƒɔ litemi lɛmɛni ku ebiti ani na Katɔti Kɔyu kúte-mii.

Tesalonikaƒuɔ 1 5:23

Na buuvele Katɔti ɔni muute-bu keyi buɛɛ bɔnii ɔbla-mii kedee na ulu biala lɛlɔ. Na ɔgyumana bina kɔyu ku kasusu ku ɔlɔna ƒui kalɛ na bɛlɛ kɔtɔ bɔdu kemmo uwi ɔni na Blɔti Yesu Kristo wasɔ webo.

Romaƒuɔ 15:33

Katɔti ɔni muute keyi buɛɛ ɔsiaku bina ƒui. Ɔsia lɛni.

Yohane 2:5

Mmɔ na Yesu uni ɔ́su kabla bablane bani nnye mmɔ ɔnini, “Binye kagyumana na bɛbla lɛla lɛni na wasu-mii ɔnii bɛbla.”

Luka 8:21

Amu na Yesu ɔ́su bana ƒui ɔnini, “Mina uni ku mina banwani ndi bekyuli bani muunú Katɔti litemi na baadi-ni lɛlɔ.”

Tesalonikaƒuɔ 1 2:14

Banwa, ala ani mɔɔlɛ́ku-mii mɛni ni, anya kani nálɛku Katɔti bekyuli na Yudea kalɔ lɛlɔ. Na abi ani na amii biibó na bina bekyuli enu kemmo ni, anya kani na Yudea kalɔ bekyuli bani náƒɔ Yesu bádi bébo na Yudaƒuɔ lɛkɔkɔ.

Korintoƒuɔ 1 10:31

Nsu nyimo ka lɛla biala na ɔdi aabla iye aadi iye aaní ni, ɔlɛka abla ana ƒui kalɛ na eti ɔbu ete Katɔti.

Lɛkpa Ulu 5:1

Amu na Mose ɔ́lɔ Israelƒuɔ bammɔ ƒui ɔ́sala na ɔ́su-ma ala amɛni. Israel kadi bekyuli, binu ɔda bubo bɔni ƒui líti muute-mii ɔmwi mɛni. Bɛtɛya ɔda bubo bɔmmɔ na bɛnu ka bɛdi-mu lɛlɔ.

Batalane Kabla 9:6

Ɔƒaani ni, ta na eteesie ɔma kemmo. Badubɔsu-ɔ lɛla lɛni na ɔlɛka abla.”

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Timoteo 2 4:22

Blɔti ɔda-a kɔyu, na muuvele-nwu nnii ɔda-mii kaduɛ na nwuna lɛƒɔndia kemmo.

Korintoƒuɔ 1 14:33

Ɔsika Katɔti ɔɔwia ka bɔbla ala ulu lɛlɔ. Na ɔɔyɔ́ ka amanku keyi buɛɛ. Na lɛni na ɔlɛka use na Katɔti baƒɔtaadine akpa ƒui akɔ.

Yohane 15:14

Na amii ndi mina bakpana si bɛɛdi mina ɔda ɔni na líbo-mii lɛlɔ.

Yohane 1 3:22

Na lɛla biala na buuvele-nwu ni, bɔɔkɛ́-ni ɔsika bɔɔdi nwuna ɔda bubo lɛlɔ na bɔɔbla lɛla lɛni mɔɔyɔ́-nwu kaƒɔ.

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Yesaia 8:10

Bisie kelisa na bɛkya bina kekpo kɔkwɛ ƒui, na bɛtaa kasiakɔ biala bite lɛlɔ, nsu ɔmmɔ ƒui ɔdubɔbla keeke, ɔsika Unwoti Katɔti ulieku-bu.

Korintoƒuɔ 1 4:16

Anwuɔsu ni, muuvele-mii nnii bɛsiaku mina ɔbladu kama.