Ƒilipiƒuɔ 4:7 - Katɔti Ɔku Kedee

⁷ Na Katɔti ɔni muute keyi buɛɛ bɔni ntulo ɔyawine kalɔ bunu ɔdubɔgyumana bina kayi ku kasusu ƒui ɔni na biliku Kristo Yesu.

Ƒilipiƒuɔ 4:7 Referans Kwoze

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Yesaia 26:3

Ukyuli ɔni na nwuna anu ku kasusu kasia-a lɛlɔ kpakplaa ni, adubɔda-nwu kɔkɔɔkɔ na uulie na atu bɔyɔ kemmo, ɔsika ƒula lɛlɔ na úkpo kama.

Tesalonikaƒuɔ 2 3:16

Buuvele Blɔti ɔlatidi ɔni muute keyi buɛɛ bɔnii ute-mii keyi buɛɛ na bina ngba bulie ƒui kemmo. Blɔti ɔda bina ƒui na ulu biala lɛlɔ.

Koloseƒuɔ 3:15

Na bɛya Kristo ɔni muute keyi buɛɛ ɔdi lɛga na bina kayi kemmo. Ɔsika Katɔti ɔ́lɔ-bu ɔsala ɔnii bula ƒui bɔbla ɔlɔna unwi na bɔkɛ keyi buɛɛ. Na bitaagya enu.

Kɔgya 29:11

Unwoti Katɔti uute nwuna kadi bekyuli ɔyikun. Na uute-ma kusɛ kusɛ na keyi kaayɔ́ku-ma.

Galatiƒuɔ 5:22

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ

Romaƒuɔ 15:13

Muuvele nnii Katɔti ɔni ndi bula lɛnunsia ɔya na lɛlɔyɔ lɛƒɔ-mii lɛlɔ kemmo ƒui, na bɛkɛ keyi buɛɛ aani kalɛ na bíti bina lɛlɔ bɛ́sia-nwu lɛlɔ kenye, kalɛ na Katɔti Kɔyu ɔyikun ɔya na bina lɛnunsia lɛƒɔ-mii lɛlɔ kemmo ƒui.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Romaƒuɔ 8:6

Ukyuli ɔni kasusu mɔɔsia ɔlɔna ala lɛlɔ ni, ɔɔkɛ́ kukpi. Nsu ukyuli ɔni kasusu mɔɔsia Katɔti Kɔyu lɛlɔ ni, ɔɔkɛ́ ngba ku keyi buɛɛ.

Romaƒuɔ 5:1

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Eƒesoƒuɔ 3:19

Na bɛnu Kristo bɔyɔ bonwu bɔni kalɔ na ukyuli ulakana bunu bɔwɔlɔ mɛni bɛti na Katɔti ɔƒɔ bina ƒui lɛlɔ kemmo aani kalɛ kani na anwu ɔlati use.

Yesaia 48:18

Si bunu na nka bínu-mi litemi ni, nka bíilie kalɔ kpi ku atu bɔyɔ aani kalɛ na ketu kaatɛ taagba buɛɛ na bɛbla siin aani kalɛ na ɛpu ntu bɔɔta ku bukeye.

Hiob 22:21

“Hiob, boku lɛlɔ kalɔ te Katɔti Ɔyikune Ƒui na awɔ ku-nwu biwi kenye ntu na akɛ keyi buɛɛ. Ɔsika lɛni na adubɔbla asa na ala adianku-ɔ.

Romaƒuɔ 14:17

Ɔsika Katɔ Ɔga Ɔma ni, ɔɔɔdanku bɔdi ku bɔni. Mmomu ɔdanku lɛlɔ bɔbla siin ku keyi buɛɛ ku lɛlɔyɔ na Katɔti Kɔyu kemmo.

Yesaia 48:22

Nsu Unwoti úse kenye ɔnii, “Ukyuli ukpidi biala ulákɛ atu bɔyɔ.”

Budie Taatina 1:4

Ami Yohane muunweni ɔku ɔmɛni lite amii baƒɔtaadine akpa maatɛ ani nkya Asia kalɛkɛ lɛlɔ. Bɛkɛ lɛƒɔndia ku keyi buɛɛ bɛsiku Katɔti ku nwuna Kɔyu ku Yesu Kristo kudɔ. Katɔti ndi anwu ɔni nli ɔ́si kukuuku, na ulie ɔƒɛni, na ɔdubo bulie uwi ɔni mebo ƒui. Na Katɔti Kɔyu ndi anwu ɔni mbo ɔyikun maatɛ ɔni nnye Katɔti lɛgaboku anumi.

Luka 1:79

Na ɔya na bukeye bɔmɛni bɔsi katɔ buwi bekyuli bani nli kasuudikɔ na kukpi liƒu lɛɛda-ma kalɛ na ɔkpanku-bu ɔvinku keyi buɛɛ ulu lɛlɔ.”

Korintoƒuɔ 2 13:11

Banwa, na kawɔlɔkɔ mɛni ni, binye momoomo na bɛlɛ lili bɛwɔlɔ. Na binu ala ani ƒui na lívele-mii na ɔku ɔmɛni kemmo. Bɛbla unwi na bilieku lɛlɔ ku keyi buɛɛ, na Katɔti ɔni mɔɔyɔ́ bekyuli na ɔɔyá na keyi kaayɔ́ku-ma ni, ɔdubɔsiaku-mii.

Bumomo Bɔka 6:26

Unwoti unwini nwuna anumi ɔtina-mii na ute-mii keyi buɛɛ.’ ”

Luka 2:14

“Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Kɔgya 85:8

Ndubuse atu na linu lɛla lɛni na Unwoti Katɔti ubo na wasu-mi. Ɔsika ɔ́su úse ka ɔdubute nwuna kadi bekyuli keyi buɛɛ si bátasɔ bétenwini bétesie bana kɔdɔlɔ ngba bulie kemmo.

Ƒilipiƒuɔ 4:9

Biti mina ɔbladu ku mina etemila ani ƒui na bínu na bɛ́tɛya bɛsiku-mi kudɔ bɛkya kabla bɔbla kemmo. Na Katɔti ɔni muute keyi buɛɛ ni, ɔdubulieku-mii.

Agba 6:22

Na ala ammɔ adubɔtina-a ulu kesi kesii na akɛ. Si atɛ alɛɛ ni, adubɔgyumana-a. Na si áta katɛnkɔ ni, adubɔtɛmiku-ɔ.

Yesaia 26:12

O Unwoti ya na bulie na atu bɔyɔ kemmo, ɔsika ɔkɛnku ƒula ɔyikun kemmo na bɔ́kana na bɔ́bla ala ani na bɔ́bla.

Agba 4:6

Tenwini kama takya lɛnunda, na lɛdubo-ɔ bɔgyumana. Yɔ lɛnunda na lɛdubo-ɔ lɛlɔ bɔnu.

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Agba 2:11

Na ala anu bɔsia taabla-nya ulu lɛlɔ ɔdubɔgyumana-a na ala kalɔ bunu bɔda-a kɔkɔɔkɔ.

Nehemia 8:10

Na Nehemia ɔ́sɔ ɔ́su ɔnini, “Ɔlɛka biteesie kaduli, na bitánwa adila kaduɛ na bite ɔkpanadi ɔni neeebo ɔdi. Ɔsika ɔmwi limeyi lɛmɛni lɛdi limeyi kedee lite Unwoti. Bitadu kɔnyana, ɔsika Unwoti lɛlɔyɔ lɛdubute-mii lɛlɔkplu!”

Yeremia 33:6

“Kama ƒui na limeyi lɛdi lɛlɔ ni, ndubo mɛni bɔklibi na lɛbwi bekyuli bammɔ ƒui na lɛya na belie ku keyi buɛɛ kani neeebo kawɔlɔkɔ.

Yesaia 45:7

Ami nédie bukeye ku lɛdisa, na ami muute kusɛ kusɛ na ɔgbankpi lɛnɔ ɔɔsiáku ukyuli. Ami Unwoti mɔɔbla ɔmɛni ƒui.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Hiob 34:29

Na ina bunye na únye ɔ́nu na útakpete-ma muedi ni, kadi bekyuli bamani, munuu ɔma ndubɔkana na udie Katɔti bɔƒiɔ bɔdi? Na si bɔbɛla na ɔ́bɛla nwuna anumi ni, ɔma ndubɔnu-nwu? Anwu kani mɔɔdi bekyuli ku kadi ƒui lɛlɔ.

Budie Taatina 2:17

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubo-nwu adila ani na Katɔti ɔ́bala úse adi bute. Na ndubute-nwu lɛtabi lɛƒualadi lɛdi lɛnɔ lɛni lɛlɔ na bénweni lɛnyi lɛwɔdi básia lɛni na ukyuli ɔmmɔ kani ndubɔti-ni.”

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Ƒilipiƒuɔ 1:2

Na buuvele bɔnii lɛƒɔndia ku keyi buɛɛ kani nási Katɔti ɔni ndi bula Ɔti ku Blɔti Yesu Kristo kudɔ kasiaku-mii.

Yeremia 32:16

Mmɔ na lɛ́kpali Katɔti lívele nnini,

Korintoƒuɔ 2 10:5

Bɔɔdi unyeƒi ku lɛla biala mɔɔtalaku lɛlɔ katɔ na liitile bekyuli kuƒi ka bati Katɔti lɛlɔ. Na buƒie kasusu biala na kasia Kristo ulu lɛlɔ.

Ƒilipiƒuɔ 1:1

Ami, Paulo ku Timoteo bani ndi Kristo Yesu kabla bablane ni, abu nénweni ɔku ɔmɛni. Na búti buute amii Kristo Yesu badi ƒui ku baƒɔtaadine lɛkpa batɔnkune ku bebunkune bani ƒui nkya Ƒilipi.

Ƒilipiƒuɔ 4:19

Na mina Katɔti ɔdubute-mii etela ani ƒui bɛɛwia ɔkɛnku Kristo Yesu lɛkɛ ku bukeye kemmo.

Ƒilipiƒuɔ 4:21

Mɔɔkya Katɔti bebi bani ndi Kristo Yesu badi ƒui kenye o-o! Na banwa bani nkya-mi kudɔ mɛni lɛnɔ begyele-mii o-o!