Ƒilipiƒuɔ 3:8 - Katɔti Ɔku Kedee

⁸ Na ɔɔɔdi ɔmmɔ lɛti. Mɔɔnu lɛla biala aani lɛla keeke si líti mɔɔkɔ́ku lɛla lɛni náƒɔ kuye geen mɛni, na ani ndi ka lɛ́ti Kristo Yesu ɔni ndi mina Ɔti. Na anwuɔsu ni, líbo lɛla biala líwiakun. Na lɛ́nu-nya aani kebu alakpi kalɛ na ami ku Kristo bɔbla unwi.

Ƒilipiƒuɔ 3:8 Referans Kwoze

Romaƒuɔ 8:18

Mɔɔnu taati geen ka abi ani na buubó ɔƒaani ni, aaadi lɛla lɛdi na kalɛ na Katɔti ɔdubɔya na bukeye kudɔ.

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Ƒilipiƒuɔ 3:7

Nsu ɔni na nka ɔlɛka lɛnu ala ammɔ aani kɔsia kɔdi ni, ɔƒɛni mɔɔnu-nya aani ala keeke ɔ́si Kristo ɔsu.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Ƒilipiƒuɔ 3:10

Na lɛla lɛni kani na mɔɔwia ndi ka lɛti Kristo. Na ɔyikun ɔni náya na ɔ́ta ɔ́lɛ bekpine akɔ ɔkya-mi lɛlɔ kemmo. Na liboku-nwu abi na lɛblaku-nwu unwi na nwuna kukpi kemmo.

Petro 2 1:3

Blɔti Yesu Kristo ɔkɛ Katɔti ɔyikun lɛlɔ úte-bu lɛla biala na bɔɔwia kalɛ na bulie ngba sɛɛn aani baƒɔtaadine. Úte-bu ala amɛni, ɔsika bɔgyi-nwu geen ka anwu nálɔ-bu ɔnii bula ukyulidu ɔbla kedee na buteekeye aani nwuna kalɛ.

Korintoƒuɔ 1 2:2

Na uwi ɔni na ḿbakya-mii kudɔ ni, lɛ́tɛmiku-mii na Yesu Kristo ɔmmɔ lɛti pɛ lɛlɔ. Na ɔni ntulo ƒui ndi nwuna kukpi na ugyii lɛlɔ.

Yohane 1 5:20

Na abu bɔgyi lɛnɔ ka Katɔti Ubidi úbo kayawi kamɛni úbedie ala kalɔ úte-bu kalɛ na bɔti anwu ɔni geen ndi Katɔti. Na ɔƒaani ni, buliku anwu ɔni geen ndi Katɔti ɔmmɔ ku nwuna Ubidi Yesu Kristo lɛnɔ. Na anwu geen ndi Katɔti ɔmmɔ ɔni ndi ngba bɔni nsɔ naaadubo bɔsa kudii.

Yohane 17:8

Kenye kani na ásu-mi ka mabasu-ma ni, bégyingya enu báƒɔ-ka. Na bagyi ka sɔsɔ na ɔdi ka ƒula kudɔ na lɛ́si, na awɔ nátala-mi.

Yohane 14:20

Si limeyi lɛmmɔ lídu ni, bɛdubɔti ka ami nliku mina Ɔti, na amii biliku-mi aani kalɛ na ami lɛnɔ nliku-mii.

Hebriƒuɔ 3:14

Bubo kadikɔ ɔkɛnku Kristo lɛlɔ si búƒie-nwu bɔ́da kpakplaa na búti bula lɛlɔ ƒui bɔ́sia-nwu lɛlɔ útédu kawɔlɔkɔ.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Yohane 14:7

Na si bɛgyi-mi sɔsɔ ni, bɛdubɔti mina Ɔti lɛnɔ. Anwuɔsu ɔƒɛni ni, bɛgyi Katɔti ɔmmɔ na bɛ́ɛnu-nwu lɛnɔ.”

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Eƒesoƒuɔ 4:13

Ulu ɔmɛni lɛlɔ na bɔdubo bɔsia na bɔsala bɔbla unwi na bɔƒɔtaadi kemmo na bɔti Katɔti Ubidi ɔmmɔ. Ɔmmɔ ndubɔya na bɔbi lɛlɔ budu likpo lɛni na bekyuli banu kalɛ geen na Kristo use bati ƒui na bula lɛlɔ kemmo.

Petro 2 3:18

Bisie anumi na Katɔti lɛƒɔndia ku kalɛ na bɛ́ƒɔ Blɔti Yesu Kristo ɔni ndi bula Ɔƒɔne bɛ́di kemmo. Anwu na buute ɔbu ɔ́si ɔƒɛni úsela ƒui! Ɔsia lɛni.

Yohane 1 1:3

Na ala ani na bɔ́nu na búnu ni, ani na buudie kenye bute-mii mɛni, kalɛ na amii lɛnɔ bɛdiku-bu kɔkpana. Na bula kɔkpana bɔdi bɔkya abu ku Katɔti ku ngba litemi lɛni ndi Ubidi Yesu Kristo ntɛ.

Timoteo 2 4:6

Ɔsika ami ni, mina ngba bɔdaku kalɔ buwi aani ntɛ lɛkpa. Na uwi lɛnɔ úudu ka lɛtɔlɔ kayawi kamɛni kemmo.

Yohane 20:28

Ka Yesu ɔ́su-nwu lɛni ni, Toma údie kenye ɔnini, “Mina Ati ku Katɔti!”

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Kɔgya 126:6

Bekyuli bani nda keku baakya edula adi ni, badubo bunwini ku ebiti ku lɛnu bɔtu uwi ɔni beti bana edula ani báƒɛ badububoku kaduli.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.

Petro 1 2:7

Na lɛtabi lɛmɛni lɛ́ƒɔ kuye geen líte amii bani náƒɔ-nwu bɛ́di. Nsu bekyuli bani nátaƒɔ-nwu bátadi ni, bati banii, “Lɛtabi lɛni na batune béni báva ni, ani mmomu nébenwini lɛtabi lɛni náƒɔ kuye litulo ƒui.”

Korintoƒuɔ 2 4:4

Na bekyuli bammɔ ni, ukisine ɔmmɔ ɔ́bwɛ ama bani naaaƒɔ taadi anumi. Na uutile-ma kuƒi kalɛ na balanu bukeye bɔmmɔ. Na bukeye bɔmɛni bɔɔsí litemi buni lɛni nkɛnku Kristo bukeye bɔni ndi Katɔti ɔmmɔ ɔlati udu geen kemmo.

Korintoƒuɔ 1 9:10

Bula lɛlɔ litemi na Katɔti ɔɔsu. Na sɔsɔ ni, abu ɔsu na bénweni litemi lɛmɛni. Ukyuli ɔni mɔɔtuma ku ukyuli ɔni mɔɔƒɛ edula ni, ɔdi ka babla kabla kammɔ ku lɛnunsia ka ɔdi biala wakɛ edula ammɔ adi.

Yohane 20:13

Amu na béye-nwu banini, “Uleku, bi ɔsu na eewulo?” Mmɔ ni, Maria lɛnɔ údie kenye ɔnini, “Bekyuli badi bébeti mina Ati bátɔlɔku. Na lɛɛɛgyi kesii kani na béti-nwu bésienku!”

Luka 11:20

Oowo! Katɔti ɔyikun kemmo mmomu na mɔɔgyá ayu ekpidi taalɛku. Na ɔmɛni uudie taatina-mii nwaa ka ni, Katɔti lɛga kadikɔ kéebo kébeduo-mii kudɔ.

Luka 1:43

Ɔma na ndi ɔsu na Blɔti uni ɔɔkɔ́-mi lɛlɔ?

Malakai 2:3

“Ndubo bina bebi ku bawɔ kɔtu bɔni. Na ala ani na bɛ́kpɛ bídie bebuo bani na bíbakpa bíte-mi livo kemmo ni, ndubuti-ni lisusu-mii anumi na lidie-mii atu na bɛyii udu.

Hiob 20:7

bɔyii na bana kawɔlɔkɔ kayii taakya aani ɔtumu na ama ɔdi ɔsa. Na ɔdubɔbla bekyuli bani na báti-ma dii dɛye dɛye kalɛ na ɔ́bla na bana kawɔlɔkɔ kébo lɛni.

Baga 2 9:37

Nwuna ukpine lɛna lɛdubo bugyingya aani kebu alakpi kalɛ na ukyuli biala ulanu-nwu uláti.’ ”

Baga 1 14:10

“ ‘Ɔkɛnku ɔmɛni ɔsu ni, ndubuti ɔgbankpi liboku Yerobeam kaduli. Na bananabi kawɔ kplo biala na bakya Israel kalɔ lɛlɔ, Israelni na ɔdi o-o kadi bamba bekyuli bani mɔɔbla-ma kabla o-o ni, ndubo-ma bɔdu budie Yerobeam lɛlɔ na kalɔ kammɔ lɛlɔ ƒui. Na ɔmɛni ɔdubuse kalɔ ɔsiku Israel. Na lɛkyula Yerobeam kaduli kemodi kammɔ ƒui aani kebu alakpi, utédu ka lɛla biala lɛ́kywi lɛ́sa.

Kɔgya 73:25

Liiibo ukyuli bamba ɔdi na katɔ liiitulo awɔ. Na lɛla lɛdi lɛnɔ liiibo kalɔ kamɛni lɛlɔ na mɔɔwia teetulo awɔ.

Ƒilipiƒuɔ 1:1

Ami, Paulo ku Timoteo bani ndi Kristo Yesu kabla bablane ni, abu nénweni ɔku ɔmɛni. Na búti buute amii Kristo Yesu badi ƒui ku baƒɔtaadine lɛkpa batɔnkune ku bebunkune bani ƒui nkya Ƒilipi.

Ƒilipiƒuɔ 3:12

Na ɔɔɔdi bɔsu na nda nnii lɛ́ɛdi lɛlɔ iye ami lɛ́ɛbla sɛɛn lɛ́wɔlɔ. Mmomu nnye kpakplaa ka lɛkɛ lɛyuƒɔla lɛni na Kristo Yesu ubo ute-mi. Na ani ndi ka ɔya na línwini nwuna ɔdi.

Petro 2 1:2

Muuvele Katɔti nnii nwuna lɛƒɔndia ku keyi buɛɛ kasiaku-mii kebu uwi biala kemmo ɔkɛnku kalɛ na bɛgyi-nwu ku Yesu ɔni ndi Blɔti lɛlɔ ɔsu.

Petro 2 1:8

Ɔsika si ala amɛni ƒui ásadi éte-mii na bítayuɛ ni, adubɔya na bɛkana bitaabla kabla na bɛnwu ebi buni ka bɛ́ti Blɔti Yesu Kristo ɔmmɔ ƒui ɔsu.