Ƒilipiƒuɔ 1:7 - Katɔti Ɔku Kedee

⁷ Bina ala akya-mi kayi kemmo geen uwi biala na ɔdi ulu lɛlɔ lɛnɔ ka use-mi lɛni. Ɔsika kuƒi kɔni na Katɔti úte-mi na ɔ́ya lɛ́kɛ nwuna litela ni, amii lɛnɔ bɛ́kɛ-nwu lɛlɔ kɔsia na uwi ɔni na ntɛ ɔtɔ mɛni ku uwi ɔni na mbo bɔnwuna ka likpo lite litemi lɛmmɔ na lidie-ni kenye lite bekyuli na baƒɔ-ni kpakplaa.

Ƒilipiƒuɔ 1:7 Referans Kwoze

Korintoƒuɔ 2 7:3

Naaasu ɔmɛni líti lɛkya-mii kɔƒa. Ɔsika lɛ́su ḿbavi nnii bɛ́ƒɔ-bu kuye ɔni na kukpi kemmo o-o, ngba kemmo o-o ni, lɛla bamba lɛdi muedi lilakana-bu ntɛ bule.

Ƒilipiƒuɔ 1:5

ɔ́si kalɛ na bíbunku-mi ɔ́si limeyi lideedi lɛni na líti litemi buni lɛmmɔ líboku-mii úbedu ɔƒɛni ɔsu.

Timoteo 2 2:9

Muubó abi na litemi buni lɛni mɔɔsu ɔsu. Na bébo-mi lɛkpu muedi aani ukyuli ɔni na ubo lɛkanta likpidi. Nsu Katɔti litemi ni, bétebo-ni lɛkpu!

Koloseƒuɔ 4:18

Ami Paulo ɔlati mina kɔnu na líti muunweni-mii kegye kamɛni. Na bitayiƒala ka ntɛ aban ɔtɔ. Na muuvele Katɔti nnii ɔya na nwuna lɛƒɔndia lɛsiaku-mii.

Ƒilipiƒuɔ 4:14

Nsu bɛ́bla-nwu kaduɛ ka bíbunku-mi na mina lɛbibo kemmo.

Eƒesoƒuɔ 6:20

Na litemi lɛmmɔ ɔtalane na ndi, ina ka nkya kɔgba kemmo mɛni. Bivele na mina lili na lɛsu litemi lɛmmɔ kalɛ na ɔ́manku ku kayi buse!

Eƒesoƒuɔ 3:1

Ɔmɛni ɔsu ni, ami Paulo ɔni ntɛ aban ɔtɔ ka mɔɔbla Kristo Yesu kabla na bina lili ɔsu ni,

Batalane Kabla 20:23

Nsu na lɛma lɛni ƒui kemmo na mɔɔví ni, Katɔti Kɔyu kɔɔyá na mɔɔtí ka ndubɔtɛ ɔtɔ ku lɛbibo.

Yohane 1 3:14

Na bɔgyi ka bɔ́ɔlɛ kukpi enu kemmo, na búbo buli ngba geen, ɔsika bɔɔyɔ́ bula banwa baƒɔtaadine. Na ukyuli biala ɔni naaayɔ bekyuli ni, úkpi na kɔyu kemmo.

Petro 2 1:13

Mɔɔnu ka ɔlɛka ntaalɛmi-mii kasusu na ɔmɛni lɛlɔ uwi ɔni na nli ngba mɛni.

Petro 1 4:13

Mmomu ni, bɛya na lɛlɔ litaayɔ-mii ka amii lɛnɔ biibó abi aani Kristo kalɛ. Ɔsika ebiti adubɔda-mii na lɛlɔ lɛyɔ-mii geen uwi ɔni na wasɔ webo na nwuna bukeye bonwu kemmo.

Hebriƒuɔ 3:1

Anwuɔsu ni, banwa kedee bani na Katɔti ɔ́lɔ ka bɛdi Katɔ Ɔga Ɔma ala, biti bina anu bɛsia Yesu ɔni ndi ɔtalane ku ɔkpane unengudi ɔni kenye na buudie lɛlɔ.

Timoteo 2 1:8

Ɔmɛni ɔsu ni, taya na kɔƒa kukpo-ɔ ka enye Blɔti litemi kama, iye kɔƒa kukpo-ɔ na mina lɛlɔ aani ɔtɔntɛne kalɛ na Kristo ɔsu. Mmomu ni, awɔ lɛnɔ nye lɛbibo lɛmmɔ kenye kpakplaa na eteedie Blɔti litemi buni lɛmmɔ keyi. Ɔsika Katɔti úte-ɔ ɔyikun kalɛ na akana na abla ɔmɛni.

Tesalonikaƒuɔ 1 5:5

Ɔsika bina ƒui bɛkya bukeye kemmo. Na bɔɔɔdi aani bekyuli bani náƒɔ lɛlɔ bákya likpidi kemmo na baabla ala taabɛ.

Koloseƒuɔ 4:3

Na uwi biala kemmo na bɛɛkpali katɔ ni, bivele Katɔti na ɔlɛmi ulu ute-bu na bɔkana na bɔsu Kristo litemi buni lɛmmɔ abɛla. Ɔmɛni ɔsu na ntɛ aban ɔtɔ.

Eƒesoƒuɔ 4:1

Anwuɔsu ka mɔɔbla Blɔti kabla na ntɛ ɔtɔ na anwu ɔsu ni, mɔɔlɛ-mii nnii bilie ngba bɔni námanku bɔlɔ bɔni na Katɔti ɔ́lɔ-mii.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Korintoƒuɔ 2 3:2

Ɔsika amii alati ndi bula kakunkɛ kani na Katɔti únweni ɔ́sia-mii kayi lɛlɔ. Na ukyuli biala ɔdubɔnu bula udu ɔti na bina lɛlɔ.

Korintoƒuɔ 1 13:7

Enu aláƒɛ bɔyɔ, na nwuna bɔƒɔtaadi ku lɛnunsia ku nwuna bunye kpakplaa buláyuɛ.

Korintoƒuɔ 1 9:23

Ala amɛni ƒui na mɔɔbla na litemi buni lɛmmɔ ɔsu kalɛ na ami lɛnɔ lɛkɛ lɛlɔyɔ lɛni nkɛnku kabla kammɔ kemmo.

Batalane Kabla 21:33

Mmɔ kani na bekpone bamɛni unengu ɔ́ya na béƒie Paulo na béti kɔgba inyɔ bébo báda-nwu. Amu na úye únu ukyuli ɔni na ɔnana ɔmmɔ ɔdi ku lɛla lɛni na ɔ́bla.

Petro 1 5:1

Muuvele amii bani ndi baƒɔtaadine benengu na bina akɔ, ɔsika ami ɔlati lɛ́nu kalɛ na Kristo úbo abi na muudie ɔmmɔ kenye. Na mina anu asia ka ami ku-nwu bɔdubɔdi lɛga na nwuna bukeye bɔmmɔ kemmo na uwi ɔni na wasɔ webo.

Ƒilipiƒuɔ 1:12

Banwa, mɔɔyɔ́ ka lɛ́su-mii ka ala ani nálɛku-mi ni, ébunku na litemi buni lɛmmɔ lísie anumi líbu.

Ƒilipiƒuɔ 1:13

Ɔmɛni ɔsu ni, lɛla biala lɛ́bla nwaa na ɔ́ya na bekpone bani ƒui mɔɔgyumana aban ɔtɔ mmɔ ku bani ƒui nkya mɛni bánu báti ka ɔni ndi Kristo Yesu kabla ɔblane ɔsu na ntɛ ɔtɔ.

Ƒilipiƒuɔ 1:14

Na mina ɔtɔ bɔtɛ bɔmɛni bɔ́ya na mina banwa pii na Blɔti kemmo básɔ bákɛ kayi buse bébu na bákana na básu Katɔti litemi lɛmmɔ, na bɔyia bɔdi bɔsɔ buuubo-ma kemmo.

Ƒilipiƒuɔ 2:22

Nsu Timoteo anwu ni, amii alati bɛgyi kalɛ na nwuna udu buni ɔmmɔ use. Ɔsika aani kalɛ na ubi ku ɔti baabla kabla taasala ni, lɛni geen na úbunku-mi na litemi buni lɛmmɔ bɔsu kemmo.

Ƒilipiƒuɔ 4:3

Na amii lɛnɔ aani mina kabla bablane bakpana ni, mɔɔyɔ́ ka bibunku beleku bamɛni. Ɔsika báblaku-mi kabla na bɔ́kana na búgyingya litemi buni lɛmmɔ. Bɔ́bla ala amɛni ku Klement lɛnɔ ku banwa kabla bablane bakladi bani anyi na bénweni bakya Katɔti Ngba Ɔku kemmo.

Ƒilipiƒuɔ 4:15

Na amii Ƒilipiƒuɔ ni, amii alati bɛgyi geen ka uwi ɔni na lɛ́tɔlɔ Makedonia na líse kalɔ mɔɔkɔ́ litemi buni lɛmmɔ lɛsa ni, amii kani ndi baƒɔtaadine lɛkpa lɛni néte-mi kebunku na lɛla lɛni na lɛ́bla líte-mii kenye.

Ƒilemon 1:13

Na ɔƒaani ɔni na ntɛ kɔgba kɔmɛni kemmo na litemi buni ɔsu ni, mɔɔyɔ́ ka nka ɔsɔ ɔkya-mi kudɔ na unye-ɔ kenye uteebunku-mi.