Ƒilipiƒuɔ 1:30 - Katɔti Ɔku Kedee

³⁰ Kekpo kani nnye muukpó mɛni ni, amii lɛnɔ bibunku-mi. Kekpo kamɛni kani na bɛ́nu ka lɛ́kya ńteekpo. Na aani kalɛ na bínu ni, aka kani na mmu nnye muukpó.

Ƒilipiƒuɔ 1:30 Referans Kwoze

Tesalonikaƒuɔ 1 2:2

Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Timoteo 2 4:7

Líkpo kekpo kabuni na lɛ́wɔlɔ mina kabla aani usi ukeline buni kalɛ. Na lɛ́da mina bɔƒɔtaadi na Kristo kemmo útédu kawɔlɔkɔ.

Hebriƒuɔ 12:4

Lɛlɔ lɛni na biikpóku kalɛ na bɛdi likpidi lɛlɔ ni, útedu tɔ kalɛ na bina ubugya uwi kalɔ.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Budie Taatina 12:11

Bula banwani bádi-nwu lɛlɔ ɔkɛnku Koƒonu Ubi ubugya lɛlɔ ku litemi geen lɛni kenye bédie lɛlɔ. Ɔsika bénye kagyumana ka beti bana ngba bakpa.

Timoteo 1 6:12

Nye bɔƒɔtaadi kabla lɛlɔ kpakplaa na adi lɛlɔ na akɛ ngba bɔni nsɔ naaadubo bɔyii kudii. Ngba bɔmɛni ɔsu na Katɔti ɔ́ƒuna-a uwi ɔni na édie ƒula lɛlɔ kalɔ na baƒɔtaadine bakladi anumi.

Koloseƒuɔ 1:29

Ɔmɛni ɔsu na muukpóku lɛlɔ ɔkɛnku Kristo ɔyikun ɔni nkya-mi lɛlɔ kemmo ɔɔbla kabla kamɛni kenye.

Ƒilipiƒuɔ 1:13

Ɔmɛni ɔsu ni, lɛla biala lɛ́bla nwaa na ɔ́ya na bekpone bani ƒui mɔɔgyumana aban ɔtɔ mmɔ ku bani ƒui nkya mɛni bánu báti ka ɔni ndi Kristo Yesu kabla ɔblane ɔsu na ntɛ ɔtɔ.

Koloseƒuɔ 2:1

Mɔɔyɔ́ ka bɛti kalɛ na muukpóku lɛlɔ na amii ku Laodikeaƒuɔ ku bekyuli bani ami ku-ma bútasa tɔ dii ƒui lili.

Hebriƒuɔ 12:1

Anwuɔsu ka bubo bekyuli pii bamɛni udu bani muudie bɔƒɔtaadi bɔmɛni kenye ni, bɛya buti ala ani muutile-bu kuƒi mmɔ ku ekpidi ani mɔɔbala-bu uwi pii buvaakun. Na bukeli usi ɔni ntɛ-bu anumi ku lɛnungyie.