Ƒilipiƒuɔ 1:17 - Katɔti Ɔku Kedee

¹⁷ Nsu badi balásu Kristo litemi lɛmmɔ taasiku bana kayi kemmo ƒui, mmomu ama alati bana lɛkɛ ɔsu. Na baakali ka baya na mina lɛbibo litaakɔ katɔ teebu ɔni na ntɛ aban ɔtɔ mɛni.

Ƒilipiƒuɔ 1:17 Referans Kwoze

Ƒilipiƒuɔ 2:3

Bitabla lɛla lɛdi bitasiaku amii lɛti lɛkɛ lɛlɔ iye bɛbla na biti bɛtina lɛlɔ. Mmomu biboku lɛlɔ kalɔ bite lɛlɔ. Na uwi biala ni, ɔdi biala utaabu ɔkpanadi teetulo lɛlɔ.

Ƒilipiƒuɔ 1:7

Bina ala akya-mi kayi kemmo geen uwi biala na ɔdi ulu lɛlɔ lɛnɔ ka use-mi lɛni. Ɔsika kuƒi kɔni na Katɔti úte-mi na ɔ́ya lɛ́kɛ nwuna litela ni, amii lɛnɔ bɛ́kɛ-nwu lɛlɔ kɔsia na uwi ɔni na ntɛ ɔtɔ mɛni ku uwi ɔni na mbo bɔnwuna ka likpo lite litemi lɛmmɔ na lidie-ni kenye lite bekyuli na baƒɔ-ni kpakplaa.

Timoteo 2 4:16

Kudeedi kɔni na bátɛku-mi litemi ni, ɔdi biala útakana na ubo ubenye-mi litemi kama, mmomu béni-mi bése. Nsu muuvele Katɔti nnii utani-ma kɔtu na ɔmɛni lɛlɔ.

Timoteo 1 2:7

Na ɔmɛni ɔsu na Katɔti ɔ́bla-mi lɛsa ɔkɔne ku ɔtalane. Na ɔɔɔdi ɔkɔ na mɔɔnyi. Mɔɔsu-mii geen nnii údie-mi aani ala ɔtinane ɔnii mbedie bɔƒɔtaadi kenye ntina bekyuli bani naaadi Yudaƒuɔ.

Batalane Kabla 26:24

Kɔnakunwi ni, Ƒesto ɔ́va ɔ́su ɔnini, “Paulo, eekpi libuo! Ƒula ala bɔtɛya pii búbile-ɔ lili kemmo!”

Batalane Kabla 26:1

Amu na Agripa ɔ́su Paulo ɔnini, “Kuƒi kɔtɛ ka ataasu ƒula litemi.” Anwuɔsu Paulo ɔ́gya enu na ɔ́tɛmi údie lɛlɔ ɔnini,

Batalane Kabla 22:1

“Ati bene ku banwa, agoo! Bɛya na lidie lɛlɔ kenye na binu.”

Luka 21:14

Bɛklibi lɛlɔ bise kalɛ na bilékpoku lɛlɔ na ulu ɔni lɛlɔ na bɛdubuti bidie bina lɛlɔ ɔsu.

Romaƒuɔ 2:8

Nsu bekyuli bani mɔɔwia ama lɛti lɛkɛ na beení litemi geen lɛmmɔ na basiaku alaekpidi bɔbla kama ni, Katɔti ɔdubo kɔnyi bɔkɛ na bana lɛlɔ na ɔni-ma kɔtu geen.

Ƒilipiƒuɔ 1:18

Nsu ɔmɛni ƒui ɔɔɔda! Lɛla lɛni kani mɔɔda-mi kubiti ndi ka Kristo lɛlɔ litemi na baasu. Na si baasu-ni taasiku kasusu kabuni iye kekpidi kemmo ni, ami lɛlɔ lɛdubo-mi butaayɔ.

Timoteo 2 2:9

Muubó abi na litemi buni lɛni mɔɔsu ɔsu. Na bébo-mi lɛkpu muedi aani ukyuli ɔni na ubo lɛkanta likpidi. Nsu Katɔti litemi ni, bétebo-ni lɛkpu!