Ƒilipiƒuɔ 1:14 - Katɔti Ɔku Kedee

¹⁴ Na mina ɔtɔ bɔtɛ bɔmɛni bɔ́ya na mina banwa pii na Blɔti kemmo básɔ bákɛ kayi buse bébu na bákana na básu Katɔti litemi lɛmmɔ, na bɔyia bɔdi bɔsɔ buuubo-ma kemmo.

Ƒilipiƒuɔ 1:14 Referans Kwoze

Tesalonikaƒuɔ 1 2:2

Na bɛgyi kalɛ na búbo abi na béwi-bu anumi kalɔ na Ƒilipi asa na búbedu bina kudɔ na Tesalonika mɛni. Nsu ina ka békpoku-bu mɛni lɛnɔ ni, Blɔti ɔ́kya-bu ɔkplu na bɔ́su-mii nwuna litemi buni.

Luka 1:74

ɔdubudie-bu na bula bekisine enu kemmo, na ɔdubɔya na bɔbla-nwu kabla na liƒu lɛsɔ lɛɛɛdubo-bu bɔda.

Koloseƒuɔ 4:4

Bɛkpaliku-mi katɔ na lɛkana na lɛsu litemi buni lɛmmɔ na benu-ni kalɔ nwaa.

Ƒilipiƒuɔ 1:7

Bina ala akya-mi kayi kemmo geen uwi biala na ɔdi ulu lɛlɔ lɛnɔ ka use-mi lɛni. Ɔsika kuƒi kɔni na Katɔti úte-mi na ɔ́ya lɛ́kɛ nwuna litela ni, amii lɛnɔ bɛ́kɛ-nwu lɛlɔ kɔsia na uwi ɔni na ntɛ ɔtɔ mɛni ku uwi ɔni na mbo bɔnwuna ka likpo lite litemi lɛmmɔ na lidie-ni kenye lite bekyuli na baƒɔ-ni kpakplaa.

Koloseƒuɔ 4:7

Tihiko ɔdubɔsu-mii mina lɛlɔ kɔtɛ. Ɔdi bula ɔnwa ɔni litemi na mɔɔyɔ́ geen na unye Blɔti kabla kammɔ kemmo sɔsɔ uubunku-bu.

Ƒilipiƒuɔ 4:1

Anwuɔsu ni, mina banwa bayɔne ɔni na naaanu-mii ni, kɔyɔ kúwi-mi! Bɛɛkya-mi kubiti geen na mɔɔtalaku lɛlɔ katɔ na amii ɔsu. Banwa bayɔne geen, lɛni na ɔdi ka binye kpakplaa na Kristo kemmo.

Eƒesoƒuɔ 3:13

Anwuɔsu ni, enu ataƒɛ-mii ka muubó abi lɛni na amii ɔsu. Amii ndubɔkɛ lɛbibo lɛmmɔ kɔsia.

Korintoƒuɔ 2 3:12

Na ka bubo lɛnunsia na lɛla lɛwɔdi lɛni neeebo kawɔkɔ lɛlɔ ɔsu ni, anwuɔsu na buusé kayi taasu lɛla biala nwaa.

Korintoƒuɔ 2 7:4

Mina anu asia-mii lɛlɔ geen! Na mɔɔtina lɛlɔ na amii ɔsu. Na kaƒɔ kaayɔ́-mi ɔsika ina ka buubó abi ni, ebiti áƒɔ-mi kayi kemmo ƒui na amii ɔsu.

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Timoteo 2 2:9

Muubó abi na litemi buni lɛni mɔɔsu ɔsu. Na bébo-mi lɛkpu muedi aani ukyuli ɔni na ubo lɛkanta likpidi. Nsu Katɔti litemi ni, bétebo-ni lɛkpu!

Marko 3:3

Yesu ɔ́lɔ ɔnana ɔni na kɔnu kunwi kɔ́gogolo-nwu mmɔ ɔnii ubenye bekyuli ƒui anumi.