Obadia 1:7 - Katɔti Ɔku Kedee

⁷ Ƒula bebunkune bani na benye-ɔ kama baaadi bekyuli bani na basia lɛnu. Budi na bédi-ɔ bálɛku ƒula ɔma bétédu ɔmii lɛlɔ. Na ƒula bakpana bammɔ bálɛ-ɔ kama na básia lɛlɔ bákɛ bana kɔsia. Ama bani na awɔ ku-ma bɛɛsála taadi. Na baakya-a lɛlɔ lɛma teeye banii wɛ na nwuna lɛnunda ƒui lɛkya.”

Obadia 1:7 Referans Kwoze

Kɔgya 41:9

Mina ɔtɔ kemmo ɔkpana geen ɔni lɛ́ƒɔ lɛ́di na ami ku-nwu bɔɔdi na lɛkyami linwi kemmo muedi ni, anwu nénwini únye-mi lɛlɔ.

Yeremia 49:7

Unwoti Ɔyikune Ƒui ɔ́su ɔ́siku Edomƒuɔ lɛlɔ ɔnini, “Lɛnunda ku kasusu kása na Teman ɔma kemmo. Na ndubo bɔya na ɔgbankpi ubo-mii lɛlɔ liti lɛni amii Esau bebi ku bawɔ kɔtu. Anwuɔsu ɔdi biala nási Dedan ɔma ɔsɔ unwini na ukeli ɔtɔlɔ uteesie ɔma mmomu.

Yeremia 30:14

Na bina bakpana lɛnɔ báyiƒala-mii na basɔ baaadaku-mii lɛda lɛnɔ. Na ami muedi mina ɔbladu ɔ́tina ka línwini-mii ukisine. Na ka bina ekpidi ébomo na emomo ɔsu ni, ndubo-mii ulikplu bɔbla si mɔɔní-mii kɔtu.

Yohane 13:18

“Ɔɔɔdi bina ƒui litemi na ndaku bɔsu ɔƒaani. Ngyi bina akɔ bani na lɛ́ƒuna. Nsu ɔlɛka Bunweni Kedee Ɔku kemmo etemila ebo-nwu kemmo lɛni kalɛ na bénweni bése banini, ‘Ukyuli ɔni nákyaku-mi kɔnu lɛkyami kemmo na bɔ́di ni, anwu nénwini únye-mi lɛlɔ.’

Hosea 13:13

Adi ubi ɔdɔlɔdi ɔni néni ɔnii batawɔ-nwu uwi ɔni na nka údu bɔwɔ.

Kɔnyana Buwulo 1:19

“Lɛ́lɔ mina bebunkune bakpana nsu bákya-mi kakya. Mina bakpane ku kadi batɔnkune békpi uwi ɔni na bakya baawia adila ani na badi.

Yeremia 38:22

badubo ƒula beleku bani na ɔga kesii mmɔ ƒui buƒie na benwini batɔntɛne bete Nebukadnesar benengu. Na beleku bammɔ badubɔsu-ɔ banini, ‘Bakpana bani lɛlɔ na asia anu ni, ama nákpanku-ɔ bátáyila aanu-ɔ náaƒɔ lɛlɔ akya aba kemmo na bakpana bammɔ bénwini na báda-a bese.’

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Yeremia 4:30

Yerusalem, bákpala lɛla biala bédie ƒula kalɔ lɛlɔ, nsu bɔkɛ kani na akɛ aaví taabla ala aani ɔyalɛ na aawia ka ƒula basɔnɔ kuuku bani muukisi-ɔ ɔƒaamu basɔ benwini bebo-ɔ kudɔ. Lɛwu ligyiedi ku sika asɛɛ ani na akya ku ala ani na áwɛɛ anumi mmɔ ƒui ɔkyiɛdi na ɔdi. Bɔdu geen na ƒula bayɔne bammɔ bébo-ɔ bɔdu!

Yesaia 27:11

Na si egyii ammɔ kɔgba kɔ́kwii ni, kɔɔƒɛ na beleku babayɔ-ku basala ogya. Ɔsika lɛni na Israel kadi bekyuli bamɛni bese na belenu na balanu ala taati. Anwuɔsu na bana udiene lɛnɔ ɔɔɔdubo-ma kɔnyana bɔnu.

Kɔgya 41:10

Nsu awɔ ni, mina Unwoti, nu-mi kɔnyana na aya na lɛta ɔlɛ ɔmɛni kemmo na lɛƒɔ mina bekisine kayu.

Hosea 7:11

“Israelƒuɔ báta bénwini aani bakpaƒɛɛlɛ bani nkɛ esu esu beeveyi teesie taasɔ, na Egyipteƒuɔ ku Asiriaƒuɔ ntɛ baawia kabɛkɔ.