Obadia 1:3 - Katɔti Ɔku Kedee

³ Lɛmɛnɛ likpludi kani na bilie bɛɛkun na abi eli, na atakpɛ akɔ kesii kani na bɛɛkali bɛnii bɛ́kɛ kagyumanakɔ mmɔ na bɛɛsu bɛnii, ‘Ukyuli ɔdi ulakana-bu bɔni bɔsiku mɛni buboku kalɔ na ɔdi-bu lɛlɔ.’

Obadia 1:3 Referans Kwoze

Yeremia 49:16

Bina lɛlɔ katɔ bɔtalaku mɔɔtɔ́lɔ-mii bɔnii kadi bekyuli bamba ƒui baanu-mii ku bɔyia. Bilie atakpɛ ku abi eli aani kɔdigbo baasɛ kalɛ, nsu ami Unwoti ndubo-mii kalɔ buboku ƒui.

Agba 29:23

Ukyuli lɛlɔ katɔ bɔkɔliku muuboku nwuna kalɔ bubo. Na si éboku lɛlɔ kalɔ ni, bekyuli badubɔbu-ɔ na aƒɔ lɛnyi.

Yesaia 16:6

Mmɔ na ama básu banini, “Búnu Moab kadi bekyuli lɛlɔtina. Na bɔ́ti kalɛ na beekú lɛlɔ na balábu, ku kalɛ na baakɔliku lɛlɔ katɔ ukpludi.”

Baga 2 14:7

Ɔmmɔ kama ni, Amasia ɔ́du Moabƒuɔ bekpone mpim leevu (10,000) na Mma Kɔwɛ kemmo. Na úkpo ɔ́ƒɔ ɔma unengudi ɔni baalɔ-nwu Sela. Na ɔ́vumana lɛnyi lɛmmɔ ɔ́sia ɔnii Yokteel na lɛni baalɔ mmɔ úbedu ɔmwi.

Malakai 1:4

“Esau bebi ku bawɔ badubɔkana na basu banini, ‘Ina ka bula Edom kalɔ káyii udu ni, bɔdubɔsɔku-ka bɔtu.’ “Nsu ami, Unwoti Ɔyikune Ƒui, líse kenye ka lɛla biala na bátu ni, ndubudi-ni lɛbwɛ liwi kalɔ na bekyuli ƒui banu ka lɛɛɛdubo kɔnyi bɔda buti taakya-ma bɔya na uwi ɔni kemmo na bamu benye bana ekpidi bɔbla lɛlɔ ɔsu.

Yeremia 49:4

Amii batuɔkplune Amonƒuɔ bani mɔɔta teenye-mi lɛlɔ. Bina lɛkɛ lɛlɔ kani na bɛsia anu na biiye bɛnini, ‘Ɔma ndubo bɔkana na ukpoku-bu?’ Nsu ami mɔɔlɛ-mii kpakplaa nnii bɛda lɛlɔ katɔ bɔtalaku bɛya. Ɔsika uwi ɔni na bina ɔyikun ɔdubuse kalɔ uteebo kalɔ ni,

Agba 18:12

Lɛlɔ bɔtina ku ukyuli tabu mɔɔgyú taatɔ asa na ukyuli ɔɔyii udu. Na lɛlɔ kalɔ buboku mɔɔtɔ asa na ɔbu ɔɔsia.

Agba 16:18

Lɛlɔ katɔ bɔtalaku mɔɔgyú taatɔ asa na ukyuli ɔɔyii udu. Na kayi kekpidi buse taabla ala mɔɔyá na ukyuli uubuli.

Ala Alɛdi 2 25:12

Na úƒie bekpone bamba ngba ngba na bákpanku-ma bákɔliku kɔbi kɔdi lili bétényene lɛtakpɛ gegenge kɔdi lili. Mmɔ na bédi-ma bábaƒiɛmi atabi lɛlɔ na kɔwɛ voo kɔmmɔ kemmo na bábwɛ kpɛtɛ kpɛtɛ.

Ala Alɛdi 2 25:11

Amu na kama ƒui uwi ɔni na Amasia kayi kásɔ kénwini kélie-nwu kalɔ káwɔlɔ ni, ɔ́tɔnku nwuna bekpone na bésie kesii kani baalɔ banii Mma Kɔwɛ kemmo na bátádu Edomƒuɔ bekpone mpim leevu na kekpokɔ mmɔ.

Hiob 20:6

Ina dɛ na bana lɛmɛnɛ bɔkun ku bana ɔyikun ɔɔkɔ́ teesie kayaa ni,

Yeremia 21:13

Yerusalem, eenye ƒula kɔbi eli taanu teemene ɔkwalɛ na aanu lɛlɔ aani si lɛla lɛdi lilakana awɔ bukpoku. Nsu ami Unwoti líti kɔnyi lɛ́kaya-a geen.

Yeremia 37:9

Utabla-mii aani Babilonƒuɔ bammɔ badubɔsɔ benwini aani kudeedi kalɛ na bise lɛlɔ lisusu.

Yeremia 48:28

Ɔƒaani ni, bɛdubo bina lɛma bɔda buwi na bitábla kɔkyakɔ na atakpɛ lɛkɔkɔ ku kɔka kemmo na bitélie mmɔ aani babloduma.

Ala Kalɔ Buse 36:8

Ɔmmɔ ɔsu Esau, ɔni basɔ baalɔ Edom, ɔ́tɔlɔ úsie abi kalɔ kani baalɔ Seir lɛlɔ.

Esekiel 28:16

Átaadiku kadi bamba bekyuli kuye na énwini ɔlalane na likyulikpi lɛ́ƒɔ lɛlɔ kemmo ƒui. Anwuɔsu línye-ɔ lɛlɔ na lɛ́bɔku-ɔ lɛ́lɛ mina kɔbi kedee lɛlɔ mmɔ. Na ngba kebweyi kani na nka kátaagyumana-a mmɔ ɔlati nábɔku-ɔ ɔ́lɛku sika atabi ani náƒɔ kuye akɔ mmɔ.