Obadia 1:12 - Katɔti Ɔku Kedee

¹² Bi ɔsu na lɛlɔ lɛɛyɔ́-mii si ɔgbankpi ɔmɛni udu ɔ́lɛku bina lɛlɔ bekyuli? Na bi ɔsu na ebiti aada-mii lɛni si Yudani biala uubó abi amɛni udu?

Obadia 1:12 Referans Kwoze

Mika 4:11

“Sion, ƒula ekpidi ɔsu na kadi bekyuli pii báka bámana-a na banini, ‘Ɔmɛni anwu buletu uwi bɛya na bɔnu ka bana anumi éwi kalɔ.’

Esekiel 35:15

kalɛ kani na lɛlɔ lɛ́yɔ-mii uwi ɔni na báyila Israel udu. Na bina Edom kalɔ ƒui kadubo bubie na kasɔ kewi ukpludi lɛla biala tadia tadia. Na ukyuli biala ɔdubɔnu ɔti ka ami ndi Unwoti.’ ”

Agba 17:5

Bekyuli bani muudumi bawabane taama ni, bana Unwoti ɔni nédie-ma na beedumi. Na bani mɔɔmá bekyuli na bana ɔgbankpi kemmo ni, Unwoti ɔdubo-ma kɔtu bɔni.

Samuel 1 2:3

Amii bani muukú lɛlɔ ni, bɛda bina lɛlɔ buku ku asula bɛya. Ɔsika Unwoti ndi Katɔti ɔni ngyi lɛla biala. Na ɔɔkɔ́ku ablala ƒui taanu.

Petro 2 2:18

Baasu etemila keeke taatalaku lɛlɔ katɔ. Na bada ɔlɔna ɔkwɛ adala baatɔ́lɔ bani nétetu tɔ uwi ka báda ngba bukpidi bulie báya.

Yuda 1:16

Bekyuli bamɛni baadɔ na bana lɛlɔ kemmo. Na beedie bekyuli bamba bɔƒiɔ. Baakun lɛlɔ lɛmɛnɛ, na bekyuli bamba ala alaƒɔ-ma anu amu ntu uwi ɔni na bákɛ-ma lɛlɔ kɔsia kani. Bana likyulikpi ala ani mɔɔda-ma ɔkwɛ kani na baabla uwi biala.

Kɔgya 37:13

Nsu Unwoti Katɔti ɔɔmá bekyuli bekpidi bammɔ. Ɔsika ɔgyi ka bana emeyi asia ulu adubo na badubo-ma udu bɔyila.

Kɔgya 31:18

Bala ɔkɔ banyine bammɔ ƒui kenye, ɔsika baakun lɛmɛnɛ na baatalaku lɛlɔ katɔ. Na baalɔ bekyuli bani nsiaku-ɔ kama siin anyikpi.

Kɔgya 22:17

Mina ekubi álɛ ewi keyi na mina bekisine bédie ɔnusɛ baanu-mi.

Hiob 31:29

“Lɛlɔ lítayɔ-mi kudii si lɛ́nu ka mina ukisine ɔdi uubó abi iye úduo ɔgbankpi ɔdi kemmo.

Budie Taatina 13:5

Eƒiebuo ɔmmɔ ɔ́kɛ ɔyikun na ɔ́di ala lɛlɔ abuli aavlene-anyɔ, na ɔ́talaku lɛlɔ katɔ, na údumi Katɔti geen.

Yakobo 3:5

Lɛni kani na unyemi lɛnɔ use. Ina ka use blii suɛ na ɔlɔna ekpo ƒui akɔ ni, anwu na ukyuli uuti taakun lɛmɛnɛ na ala ebendi lɛlɔ. Nu kalɛ na lɛku líbomo, nsu lɛgyakpabi lɛɛkana na lɛɛkyula-ni.

Luka 19:41

Ɔni na Yesu ɔ́ni úde Yerusalem úbu na ɔ́nu ɔma ɔmmɔ ni, úwulo na nwuna lili.

Kɔnyana Buwulo 4:21

Amii Edomƒuɔ, bɛkana na bɛdi limeyi na bɛkɛ ebiti ɔƒɛni amu ƒaa. Nsu amii lɛnɔ bɛdubo bibebo abi na bɛkɛ bitaagbanta taavi ku kasɔngya.

Yesaia 37:24

Átala bekyuli ákya Unwoti, na bákpila-nwu edumi. Na ásu anini, “Nkɛnku mina bapɔnkɔ kɛɛkɛ lɛlɔ na lɛ́ɛkɔ abi ani na ákuku ƒui eli lɛ́vi ku Lebanon kesii kani bene na kákuku ketulo ƒui. Na egyii kpakplaa ammɔ ƒui líkulo-nya líwi kalɔ, ku egyii abuni ani nálɛ enye salaa ƒui. Na kesii kani na kadi kabɛkɔ ƒui líduo mmɔ bene lɛ́lɛ, kesii kani na kadi lɛkumiɔ geen.

Kɔgya 92:11

Na ami ɔlati lɛ́nu na línu kalɛ na ádi mina bekisine balalane lɛlɔ.

Kɔgya 59:10

Mina Katɔti, ngyi ka adubo ebebunku-mi, ɔsika aayɔ́-mi uwi biala. Na adubɔya na lɛnu mina bekisine kebulikɔ.

Kɔgya 54:7

Awɔ nédie-mi na mina ɔgbankpi ƒui kemmo. Na áya lɛ́nu kalɛ na ébo mina bekisine kalɔ.

Hiob 18:20

Lɛla lɛni ndubo bɔlɛku ukyuli ɔmɛni ni, lɛdubɔbla liƒu ku bɔyia geen ute bekyuli bani nkya ɔƒɛ katukɔ ku kanukɔ.

Kɔgya 35:15

Nsu ka líduo ɔgbankpi kemmo ni, lɛlɔ mɔɔyɔ́-ma. Na bása lili mina lɛlɔ na baabla-mi kalala ɔni na lɛɛɛgyi-ma muedi.

Kɔnyana Buwulo 2:16

Sion, ƒula bekisine beedumi-ɔ taama banii “Útakɛ-ɔ kaduɛ, lɛni geen na bɔɔwia ɔ́si kukuuku ka bubile-ɔ na bɔyila-a udu. Na ɔmwi limeyi lɛmɛni na bɔ́kɛ-ɔ sɔsɔ.”

Esekiel 35:12

Na amii alati bɛdubo bɔnu bɔti ka línu kalɛ na binye bɛɛlɛ́-ma uwi ɔni na bana ɔgbankpi úbo-ma lɛlɔ na bɛɛsu ka bana kɔlɔ kɔdubunwini amii kɔdi na biti-ku.

Esekiel 36:5

Nsu ndubo kadi bekyuli bammɔ lɛlɔ bɔta bunye ku kɔnyi kpakplaa geen, na bani ɔdi ntulo ndi Edomƒuɔ, ɔsika ama náma-mii bétulo ƒui na báda-mii bebuo kadikɔ kɔlɔ lɛnɔ béti.