Bumomo Bɔka 9:15 - Katɔti Ɔku Kedee

¹⁵ Na limeyi lɛni na bálɛ Unwoti Adi Kevo kammɔ ni, liƒlukutu líbebi ɔtɔ ɔmmɔ ƒui lɛlɔ. Na liƒlukutu lɛmmɔ lɛ́ƒɔ ɔtɔ ɔmmɔ ɔ́si useyi uwi útédu kadi bugye ɔtanta na use aani si ogya mɔɔda.

Bumomo Bɔka 9:15 Referans Kwoze

Israelƒuɔ Bɔlɛ 13:21

Si bakɛ ɔƒiiwi ni, Unwoti ɔɔtɔ-ma anumi aani liƒlukutu lɛkpa bonwu lɛdi. Lɛni kani na ɔɔtɔ-ma anumi usien lɛnɔ aani lɛgyavonku bonwu na uute-ma bukeye kalɛ na bakana na besie usien ku ɔƒɛ.

Israelƒuɔ Bɔlɛ 40:34

Amu na liƒlukutu lɛdi líbebi Kevo Kasakɔ kammɔ lɛlɔ na Unwoti bukeye bɔ́ƒɔ ɔtɔ ɔmmɔ kemmo ƒui.

Kɔgya 78:14

Kadi nwaa ni, ɔ́ya na ulɔyɔ lisu bonwu lɛ́tɔnku-ma. Na usien ni, ogya unyemi bukeye bonwu bɔdi nátɔnku-ma.

Nehemia 9:19

“Na ɔ́si ƒula kɔnyana bonwu kɔni na ébo ɔsu ni, étenwini kama átakya-ma na ketele kemmo mmɔ. Na si ƒula bekyuli bakɛ ɔƒiiwi ni, eeti liƒlukutu teetile-ma ɔƒɛ. Na si bákɛ usien aayá lɛgyavonku bonwu liite-ma bukeye na ɔɔtina-ma ulu.

Korintoƒuɔ 1 10:1

Banwa, mɔɔwia ka binyimo lɛla lɛni nálɛku bula bati kuuku bani násiaku Mose. Ulɔyɔ ɔ́tɔnku-ma, na ɔ́gyumana-ma ƒui. Na bávi Ɛpugyie ntɛ.

Yesaia 4:5

Na ɔmmɔ kama ni, Unwoti ɔdubɔya na liƒlukutu bonwu lɛdi lɛƒɔ Yerusalem ku bani ƒui na básala lɛlɔ na mmɔ na limeyi kemmo. Na usien ni, na ogya bonwu ɔdi utaada teekeye teewi kalɔ kammɔ ƒui lɛlɔ. Na Unwoti bukeye bubi-ma eli aani lɛkpɔtɔ.

Kɔgya 105:39

Katɔti ɔ́ya ulɔyɔ liƒlukutu bonwu lɛdi lɛ́ka lɛ́mana-ma ka bakɛ. Na ogya bonwu ɔdi lɛnɔ ɔɔda usien na anwu na baanu teesie.

Nehemia 9:12

Na si ƒula bekyuli bakɛ ɔƒiiwi ni, eeti liƒlukutu teetile ɔƒɛ. Na si bákɛ usien aayá na lɛgyavonku bonwu liite-ma bukeye na ɔɔtina-ma ulu.

Bumomo Bɔka 14:14

Na badubo bekyuli bani nlie kalɔ kamɛni lɛlɔ lɛla lɛmɛni bɔsu. Kalɔ kamɛni bekyuli béenu kukuuku kalɛ na awɔ Unwoti akya Israelƒuɔ akɔ, na bánu-ɔ anumi ku anumi ku kalɛ na ƒula liƒlukutu lɛ́yu líbelie-ma eli ku kalɛ na aatɔ-ma anumi aani liƒlukutu lɛkpa bonwu kalɛ na ɔƒiiwi, na usien lɛnɔ aani lɛgyavonku bonwu kalɛ.

Israelƒuɔ Bɔlɛ 40:38

Anwuɔsu na Israelƒuɔ ulu busie kemmo ƒui ni, Unwoti liƒlukutu lɛmmɔ liibi Adi Kevo kammɔ lɛlɔ na kadi nwaa. Na usien lɛnɔ liinwíni aani lɛgyavonku lɛkpa taatɔnku-ma.

Israelƒuɔ Bɔlɛ 40:2

“Lɛ Adi Kevo kani ndi Kevo Kasakɔ kammɔ na kɔbuli kudeedi kuna limeyi lideedi lɛlɔ.

Israelƒuɔ Bɔlɛ 14:24

Na asa kadi keteegye ni, Unwoti ɔ́nu Egyipteƒuɔ bekpone bamɛni úmene ɔ́siku nwuna lɛgyavonku ku liƒlukutu bonwu lɛmmɔ kemmo na ɔ́ya na béƒu bábla susuusu.

Israelƒuɔ Bɔlɛ 13:22

Na usien ku ɔƒɛ biala ni, liƒlukutu iye lɛgyavonku bonwu lɛmmɔ lɛɛtɔ-ma anumi.

Bumomo Bɔka 10:34

Na Unwoti liƒlukutu lɛmmɔ lɛɛƒa-ma katɔ ɔƒiiwi ɔ́si ɔni na báta bakɛ ulu.

Bumomo Bɔka 17:7

Na Mose úti ligyii lɛmmɔ úsienku Unwoti Adi Kevo kammɔ kemmo na úti-ni útése Bunyimi Adaka ɔmmɔ anumi.

Lɛkpa Ulu 1:33

ina ka anwu nágyu ɔtɔ-mii na útáwia ekpo ani na bɛdubulie na bɛnwuna úte-mii. Na anwu kani nátaawia ulu teete-mii. Anwu néteete-mii ogya na ɔɔtɔnku-mii usien na ɔɔyá na liƒlukutu lɛɛtɔnku-mii na limeyi kemmo.

Israelƒuɔ Bɔlɛ 40:35

Liƒlukutu lɛni mbi ɔtɔ ɔmmɔ lɛlɔ ku kalɛ na Unwoti bukeye bɔ́ƒɔ ɔtɔ ɔmmɔ kemmo ɔsu ni, Mose útakana na uduo ɔtɔ ɔmmɔ kemmo.