Bumomo Bɔka 32:23 - Katɔti Ɔku Kedee

²³ “Nsu si bɛ́nyi ɔkɔ na bítesie bítetékpo bɔdi ni, na bɛnu bɛti ka bɛ́bla likpidi na lɛdubo-mii budie bute.

Bumomo Bɔka 32:23 Referans Kwoze

Yesaia 59:12

O Unwoti Katɔti, bɔ́ɔƒiɔ-ɔ kɔlɛ kɔlɛ, na bɔ́ta búnye-ɔ lɛlɔ. Na bula ekpidi aadú-bu kɔtɔ ka bɔ́bla likpidi!

Agba 13:21

Alaekpidi bablane ni, ɔgbankpi mɔɔbi taasiaku-ma. Na kusɛ kusɛ ɔɔsia bekyuli babuni kama uwi ndi uwi.

Ala Kalɔ Buse 44:16

Amu na Yuda ɔ́ƒɔ na údie kenye ɔnini, “O Ati, bi na bɔdubɔkana na bɔsu ɔƒɛni. Bi geen na bɔdubɔsu na ati ka bɔɔɔgyi lɛla lɛni mɔɔlɛ́ mɛni kemmo lɛla lɛdi? Unwoti Katɔti ɔlati muudie abu, ƒula kabla bablane, likpidi keyi. Ɔƒɛni amu búnwini ƒula kabla bablane ƒui, abu ku ukyuli ɔni koƒo kemmo na bánu ƒula sika ɔƒualadi ɔɔƒɛɛ ɔmmɔ.”

Kɔgya 90:8

Na bula alaekpidi ku ala ani na bɔ́bla bɔ́bɛ ƒui ni, agyi-nya kede kede.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Ala Kalɔ Buse 4:7

Si ábla lɛla lɛni na mɔɔyɔ́ ni, nka ƒula kayi kemmo kadubɔbla ƒaa. Nsu likpidi lɛɛtú-ɔ na lɛɛyɔ́ ka lɛdi-ɔ lɛlɔ. Anwuɔsu nye kagyumana na adi likpidi lɛmmɔ lɛlɔ.”

Romaƒuɔ 2:9

Bekyuli bani ƒui mɔɔbla ekpidi ni, badubo abi bubo na balákɛ bɔnwuna bɔdi. Yudaƒuɔ ndi bedeedi na kɔtu bɔni bɔmɛni kemmo, na bani naaadi Yudaƒuɔ basia.

Yesaia 3:11

Bɔbuɛ ute likyulikpi ala bablane! Ɔgbankpi ɔ́ɔda ɔ́lɛ-ma lɛlɔ! Bana enu kabla lɛyuƒɔla badubo bɔƒɔ.

Kɔgya 140:11

Taya na ukyuli ɔni muubile bekyuli anyi ɔkɛ bɔnwuna bɔdi na kalɔ kamɛni lɛlɔ. Ya na lɛbibo lɛsiaku bekyuli bani muuti kalala kasusu.

Kɔgya 139:11

Na si masu nnii lɛdisa lɛdubɔbala-mi na ɔƒiiwi unwini usien ute-mi muedi ni,

Ala Kalɔ Buse 13:13

Na uwi ɔmmɔ kemmo ni, Sodom bekyuli bebo kuli ɔkplu na bátaabla alaekpidi lidu lidu taaƒiɔ Katɔti.

Yosua 7:18

Na Yosua ɔ́ya na Sabdi kaduli banana bálɛ bebo unwi unwi. Na Akan ɔni ndi Karmi ubidi na ɔdi Sabdi uwɔ ni, Katɔti ɔ́lɛ-nwu lɛnumi.

Agba 5:22

Ukyuli ukpidi ni, nwuna ekpidi lɛlɔ na baasia teeƒie-nwu. Na nwuna ablala muunwíni kɔbuli kɔni muudie-nwu.

Yona 1:7

Amu na bekyuli bani ƒui nkya ɔkɔlɔ ubendi ɔmmɔ kemmo básala eli lisu na básu banini, “Bɔdubo egulabi bɔtu bɔnu ukyuli ɔni lɛlɔ ɔsu na bɔɔkɛ́ ɔgbankpi ɔmɛni udu.” Na ka bátu-ni, Yona lɛnyi nálɛ.

Samuel 2 3:39

Na ina ka ami ndi ɔga ɔni na béwi nnɔmii lili ɔmwi ni, nse kpɛtɛ kpɛtɛ, na Seruia bebi bamɛni bebo ɔyikun betulo-mi. Na muuvele Unwoti nnii ɔƒɔ likpidi bablane kayu kani námanku-ma ute-ma.”

Baga 1 2:32

Na Unwoti ɔdubɔya na ɔ́ƒɔ ubugya ɔni na úwi kalɔ mmɔ kayu. Ɔsika útasu mina ɔti Dawid útese asa na úteti nwuna kewii ɔ́du Ner ubidi Abner ɔni ndi Israelƒuɔ ukpone ɔtɔnkune ku Yeter ubidi Amasa ɔni lɛnɔ ndi Yudaƒuɔ ukpone ɔtɔnkune. Na bekpone bamɛni báƒɔ kuye betulo Yoab ɔni nádu-ma mmɔ ɔlati.

Baga 1 2:33

Na bekpone bammɔ ubugya ni, muuvele ka ɔsia Yoab ku nwuna kaba bekyuli ƒui lili. Nsu Dawid ku nwuna kaba bekyuli ama ni, muuvele nnii Unwoti ɔya na nwuna kaduli ku nwuna lɛgadi lɛkɛ atu bɔyɔ uwi ƒui.”

Agba 24:16

Ɔsika si ina bébuli maatɛ muedi badubɔsɔ bata. Nsu si ɔgbankpi ɔ́siaku bekyuli bekpidi ama ni, ɔɔyila-ma ku udu kɔnakunwi.