Bumomo Bɔka 3:15 - Katɔti Ɔku Kedee

¹⁵ “Ka Lewiƒuɔ bammɔ ƒui ɔ́si bana kɔduli útédu kɔdua lɛlɔ. Na aka ubi ɔnanabi biala na ɔ́ɔkɛ ɔ́si kɔbuli ku kama.”

Bumomo Bɔka 3:15 Referans Kwoze

Bumomo Bɔka 26:62

Na Lewiƒuɔ banana bani nákɛ kɔbuli ku kama bumomo bɔdi mpim aavlanyɔ-ɛtɛ (23,000). Nsu ama bátaka-ma bétebunku Israelƒuɔ, ɔsika beeebo kadikɔ kadi.

Timoteo 2 3:15

Ka ɔ́si-ɔ lɛnamu uwi ni, áti Bunweni Kedee Ɔku kemmo etemila ani náya-a na áda anu na ebo ngba bɔƒɔ etemila ɔkɛ Kristo bɔƒɔtaadi lɛlɔ.

Marko 10:14

Ka Yesu ɔ́nu lɛni ni, úbeti kɔnyi na ɔ́su nwuna batɛyane ɔnini, “Bɛya na banamu bebo-mi kudɔ, na bitetile-ma kuƒi. Ɔsika Katɔti lɛga kadikɔ kese kete bekyuli bani néboku lɛlɔ kalɔ aani banamu wɛlɛ wɛlɛ bamɛni udu kalɛ.

Yeremia 31:3

Uwi ɔdi návi ni, Unwoti údie lɛlɔ ɔ́tina-mi na ɔ́su ɔnini, “Israel, ndubo butaayɔ-ɔ uwi ndi uwi, anwuɔsu na lɛ́kɛku-ɔ kayi buɛɛ na muuwiku-ɔ lɛlɔ ku kɔnyana bɔnu.

Yeremia 2:2

nsie Yerusalem na ntákɔ lɛsa nte ukyuli biala na mmɔ ka anwu Unwoti násu ɔnini, “Uwi ɔni na adi uleku ɔni na líti ɔwɔdi ni, áyɔ-mi na ásiaku-mi kama siin, na bɔkɛ kalɔ kakwiidi kani naaadia edula mmɔ kemmo ɔni na átalɛ-mi kama.

Agba 8:17

“Bekyuli bani ƒui mɔɔyɔ́-mi ni, ami lɛnɔ mɔɔyɔ́-ma. Na bani mɔɔwia-mi kama ulu baanu-mi.

Bumomo Bɔka 3:43

Na bebi bedeedi bammɔ ɔ́si kɔbuli kunwi ku kama bumomo aani kalɛ bénweni-ma anyi badi mpim aavlanyɔ-inyɔ ku eti alɔ ku aavlanyɔ-ɛtɛ (22,273).

Bumomo Bɔka 3:34

Na bana bananabi ƒui bumomo ɔ́si bani náakɛ kɔbuli kunwi ku kama badi mpim ɛku ku eti ene (6,200).

Bumomo Bɔka 3:28

Na bananabi bani náakɛ kɔbuli ku kama bumomo bɔdi mpim maane ku eti leevu-anyɔ (8,600). Na Kehat adua bekyuli bamɛni kabla ndi ka banu katɔma kedee kammɔ lɛlɔ.

Bumomo Bɔka 3:22

Na bana bumomo ƒui ɔ́si bananabi bani náaƒɔ kɔbuli kunwi ku kama badi mpim maatɛ ku eti leevu (7,500).

Bumomo Bɔka 1:47

Na Lewi kaba bekyuli ama bátaka-ma bétebunku bakladi lɛlɔ.

Bumomo Bɔka 3:16

Anwuɔsu Mose lɛnɔ ɔ́ka-ma aani kalɛ na Unwoti úbo-nwu ɔda.

Bumomo Bɔka 1:3

Na awɔ ku-nwu binweni-ma anyi na akpa akpa ammɔ kenye na bɛnu bani ƒui náaƒɔ akwa aavlanyɔ ku kama na bédu kekpo busie.

Bumomo Bɔka 26:57

Na Lewiƒuɔ bani báka kalɛ bana kaba kese ndi bamɛni. Gerson ɔdanku Gersonƒuɔ. Kehat ɔdanku Kehatƒuɔ. Merari ɔdanku Merariƒuɔ.

Ala Alɛdi 2 31:17

Bénweni bakpane bamɛni anyi bákya bakpane ɔku ɔni na ɔtɛ use na adua ammɔ kemmo. Na Lewiƒuɔ bani náaƒɔ akwa aavlanyɔ ku bani na betulo lɛni ni, bénweni-ma anyi na bana kabla kani na baabla kenye.