Bumomo Bɔka 3:13 - Katɔti Ɔku Kedee

¹³ ɔsika ubi udeedi biala ɔdi mina ɔdi. Uwi ɔni na lɛ́du Egyipteni ubi udeedi biala na Egyipte ni, mmɔ na lídie Israelni ubi udeedi biala, ɔnana ɔdi o-o, iye ebuo na ɔdi o-o líse sɛsɛɛ líse líte lɛlɔ, na ɔlɛka benwini mina badi. Ami ndi Unwoti.”

Bumomo Bɔka 3:13 Referans Kwoze

Luka 2:23

Lɛni na bénweni bákya Katɔti ɔda bubo ɔku kemmo banii, “Ɔnanabi udeedi biala ku ebuo ɔgyani udeedi biala ni, ɔdi ka bedie-nwu bese bete Unwoti.”

Israelƒuɔ Bɔlɛ 13:12

na bɛnu ka bíti bina bebi bedeedi bani ndi bananabi ku bebuo bagyani bebi bedeedi bíte-nwu, ɔsika bana ƒui badi Unwoti badi.

Israelƒuɔ Bɔlɛ 13:2

“Die ubi ɔnanabi udeedi biala se-mi. Ɔsika Israelni kɔwɔ kudeedi ku bana bebuo ƒui kɔwɔ kudeedi kɔdi mina ɔdi. Na abla-ma sɛsɛɛ ete-mi.”

Lewiƒuɔ Ɔda Bubo 27:26

“ ‘Ebuo biala ubi udeedi ɔdi Unwoti ɔdi use kukuuku, anwuɔsu ukyuli biala uteti nwuna ebuo ɔdi ubi udeedi ɔni na ɔ́wɔ ɔmantɛ akɔ iye koƒonu utese kenye ɔnii údie-nwu sɛsɛɛ úse Unwoti.

Israelƒuɔ Bɔlɛ 13:15

Na bɛsu-ma bɛnii, ‘Uwi ɔni na Ɔga Ƒarao ɔ́yu kayi ɔkplu na ɔnii ulatuna na Israelƒuɔ batɔlɔ ni, Unwoti ɔ́du ɔnanabi udeedi ku ebuo ubi ɔgyani udeedi biala na báwɔ na Egyipte kalɔ lɛlɔ. Ɔmɛni ɔsu na buuti bula bebuo bebi bagyani bedeedi taakpa teete Unwoti. Na buuti baƒonu bagyani bakɔdi taaƒɔ́ bula bebi bananabi bedeedi lili kayu teedie-ma ngba.’

Hebriƒuɔ 12:23

Na bíbo bíbasiaku Katɔti bekyuli bani nse aani nwuna bebi bedeedi bani anyi na bénweni bése katɔ. Katɔti ɔni ndubɔtɛku bayawine ƒui litemi anumi na bíbo bínye na bekyuli babuni bani nékpi na Katɔti ɔ́bla bana ayu sɛɛn ɔ́wɔlɔ akɔ.

Esekiel 44:30

Na edula edeedi biala na báƒɛ lɛnɔ adi bakpane bammɔ. Na ala ani na ukyuli ɔdi úse kenye na adi etela ni, ama lɛnɔ badubɔkɛ kakɛ kadi. Lɛni kani si bodobodo na mina kadi bekyuli akɔ ɔdi úƒi ni, na uti udeedi uboku bakpane bammɔ, na ndubute ukyuli ɔmmɔ kusɛ kusɛ anwu ku nwuna kaduli bekyuli ƒui si bábla ɔmɛni.

Bumomo Bɔka 18:15

Na kaƒɔ biala ubi udeedi ku ebuo udeedi biala na báwɔ, na Israelƒuɔ béti-nwu béboku Unwoti ɔdi bina ɔdi. Nsu ɔnanabi udeedi ku ebuo ala utine biala anwu ni, ɔlɛka basɔku-nwu beye basiku-mi kudɔ.

Israelƒuɔ Bɔlɛ 34:19

“Na ubi ɔnanabi udeedi ku ɔmantɛ ebuo ɔgyani ubi udeedi biala ɔdi ami Unwoti ɔdi.

Israelƒuɔ Bɔlɛ 22:29

“Na biteni-mi bina edula ku ntɛ akpala buboku. “Na biti bina bebi bananabi bedeedi bani bɛ́wɔ bite-mi.

Nehemia 10:36

Na bula bebi bananabi bani na bula akɔ ɔdi biala ɔdubɔwɔ ni, bɔdubuti-nwu busienku ɔkpane ɔni nkya mmɔ na uti-nwu ɔkya Katɔti enu kemmo. Na lɛnɔ ni, bula ɔmantɛ bakɔ ku baƒonu ku bese ku bebuo bakladi bebi bedeedi bani badubɔwɔ ni, bɔdubuti-ma bɔkya Unwoti enu kemmo.

Bumomo Bɔka 3:41

Na edie Lewiƒuɔ bani nkya-ma akɔ ese sɛsɛɛ ete-mi. Na eti-ma enyene Israelƒuɔ bebi bedeedi bammɔ kenye. Na eti Lewiƒuɔ bebuo bebi bedeedi lɛnɔ enyene Israelƒuɔ bebuo bebi bedeedi kenye ete-mi. Ami ndi Unwoti.”

Bumomo Bɔka 18:6

Ami ɔlati náƒuna Lewiƒuɔ bammɔ lɛ́lɛku Israelƒuɔ akɔ líte-ɔ lɛ́bla na bese sɛsɛɛ bete Unwoti ka babla kabla na Unwoti Adi Kevo kemmo.

Bumomo Bɔka 33:4

uwi ɔni na Egyipteƒuɔ bákya bátaava bana bebi bedeedi, bani na Unwoti ɔ́du mmɔ, ɔsika Unwoti ɔ́ni bana baƒiɔ bammɔ kɔtu.