Bumomo Bɔka 27:13 - Katɔti Ɔku Kedee

¹³ Na si ánya ánu-ka áwɔlɔ ni, awɔ lɛnɔ adubusie atátɛ ƒula bati kudɔ kalɛ kani na ƒula ɔnwani Aaron lɛnɔ úsie ɔtɛ nwuna bati kudɔ,

Bumomo Bɔka 27:13 Referans Kwoze

Lɛkpa Ulu 10:6

Na uwi ɔmmɔ ni, Israelƒuɔ bákya kesii kani na Yaakan kadi bekyuli abiɔ ákya. Na báta mmɔ bésie Mosera. Na mmɔ na Aaron úkpi na báva-nwu. Nwuna kama ni, ubidi ɔnanabi ɔni baalɔ banii Eleasar úti-nwu keliekɔ aani Katɔti Ɔkpane.

Bumomo Bɔka 31:2

“Ta na atáni Midianƒuɔ kɔtu na lɛla lɛni bábla Israelƒuɔ ɔsu. Na ɔmmɔ kama adubo bukpi.”

Lɛkpa Ulu 32:50

Na adubukpi kɔbi kɔmmɔ lɛlɔ aani kalɛ kani na ƒula ɔnwani Aaron úkpi ɔ́tɛ Hor Kɔbi lɛlɔ.

Bumomo Bɔka 33:38

Na Unwoti ɔda bubo lɛlɔ ni, ɔkpane Aaron ɔ́kɔ úsie Hor Kɔbi lili kesii kani na útékpi na lɛkwa aavlenedi kuna kɔbuli kɔlɔndi limeyi lideedi lɛlɔ ɔni na Israelƒuɔ bálɛ Egyipte kalɔ lɛlɔ.

Ala Kalɔ Buse 25:17

Ismael akwa ani na ɔ́ƒɔ ndi eti anyɔ ku avlaatɛ-maatɛ (137). Ka údu mɛni ni, ɔ́yula na ɔ́tɔlɔ úsie Katɔti kudɔ aani kalɛ kani na nwuna bati lɛnɔ bésie kalɛ.

Ala Kalɔ Buse 25:8

Uwi ɔmmɔ na Abraham ɔ́yula ɔni na ɔ́bi lɛlɔ geen. Na ɔ́tɔlɔ úsie Katɔti kudɔ aani kalɛ kani na nwuna bati lɛnɔ bésie kalɛ.

Lɛkpa Ulu 1:37

Na ami Mose lɛnɔ mɔɔsu-mii nnii ɔ́si amii ɔsu na Katɔti úti kɔnyi ɔ́kya-mi na ɔ́su-mi ɔnini, “Ina awɔ Mose muedi ni, ƒula ɔgba ɔɔɔdubo kalɔ kammɔ bɔnya.

Lɛkpa Ulu 4:22

Mmomu ndubukpi bɔtɛ kalɔ kamɛni lɛlɔ ɔni na mina ɔgba ulavia Yordan Ketu kani na bɛdubo bɔvia ɔƒɛni busie kalɔ kabuni kani na bísela bitéti binwini bina kadikɔ mɛni lɛlɔ.

Lɛkpa Ulu 31:14

Amu na Unwoti ɔ́su Mose ɔnini, “Ƒula kukpi uwi úudu. Anwuɔsu lɔ Yosua na bibenye kɔdi ɔtɔ ɔmɛni anumi na lɛtina-nwu lɛla lɛni na ɔlɛka ɔbla.” Anwuɔsu Mose ku Yosua bálɛ bébenye kɔdi ɔtɔ ɔmmɔ anumi.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.