Bumomo Bɔka 26:65 - Katɔti Ɔku Kedee

⁶⁵ Ɔsika Unwoti ɔ́su Israelƒuɔ bammɔ ka ɔdi biala ɔdubukpi ɔkya ketele kammɔ kemmo. Na sɔsɔ ɔdi biala útebu uuulie ngba ntu Yuƒune ubidi Kaleb ku Nun ubidi Yosua kani.

Bumomo Bɔka 26:65 Referans Kwoze

Bumomo Bɔka 14:38

Na bekyuli bani ƒui nésie batávi bánu kalɔ kammɔ akɔ ni, Nun ubidi Yosua ku Yeƒune ubidi Kaleb kani nákɛ ngba.

Romaƒuɔ 11:22

Ɔmɛni ɔɔtina-bu kalɛ na Katɔti ɔɔnu kɔnyana ku kalɛ na nwuna litemi libo ɔkplu. Ɔ́yu bekyuli bani nébo kalɔ ɔkplu, na ɔdi lɛƒɔndia ute amii si binye bɔƒɔtaadi bɔmmɔ lɛlɔ kpakplaa uwi ƒui. Si bítabla lɛni ni, Katɔti ɔdubukulo-mii udie kugyii kɔmmɔ lɛlɔ.

Bumomo Bɔka 14:35

Ami Unwoti násu, na ndubɔnu ka ala ani lɛ́su ka mabla bekyuli bekpidi bani nása lili na báta bénye-mi lɛlɔ mɛni ébo lɛni. Na ndubɔnu ka ɔdi biala úkpi na ketele kalɔ kakwiidi kamɛni kemmo.”

Yuda 1:5

Bɛgyi ɔmɛni, nsu nsɔ mɔɔsu-mii ka uwi ɔni na Katɔti údie Israelƒuɔ ɔ́siku Egyipte kalɔ lɛlɔ ni, ɔ́du bani nátaƒɔ-nwu bátadi ƒui.

Israelƒuɔ Bɔlɛ 12:37

Israelƒuɔ bésie lɛgba ulu bási Rameses bétédu Sukot. Na banana bani nkɛ ulu ɔmmɔ bésela babla mpim eti leevu-inyɔ (600,000). Ɔni na beleku ku banamu bɔka buuubunku.

Bumomo Bɔka 14:26

Amu na Unwoti ɔ́su Mose ku Aaron ɔnini,

Bumomo Bɔka 14:32

Nsu amii amu mɛni na bɛdubo bukpi bɔtɛ na kalɔ kakwiidi kamɛni kemmo.

Bumomo Bɔka 27:3

“Bula ɔti úkpi na ketele kalɔ kakwiidi kemmo ɔni na útawɔ ubi ɔnanabi ɔdi. Na lɛnɔ uuubunku Kora kama basiakune bani náta bénye Unwoti lɛlɔ. Na anwu ɔlati likpidi kukpi na úkpi.

Bumomo Bɔka 34:19

Na kaba batɔnkune bammɔ anyi ndi amɛni. Yuda kaba ɔdi ndi Yeƒune ubidi Kaleb.

Lɛkpa Ulu 1:36

amu ntu Yeƒune ubidi ɔnanabi Kaleb lɛti. Anwu kani nwuna lɛgba ndubo kalɔ kammɔ bɔnya. Na anwu ku nwuna bawɔ lɛti ndubo kalɔ kammɔ bɔdi. Ɔsika ɔ́ƒɔ Katɔti ɔ́di ku nwuna kayi ƒui.”

Yosua 5:4

Lɛla lɛni ɔsu na Unwoti ɔ́ya na békulo ago ndi ka banana bani ƒui nédu kekpo buse na báta bási Egyipte ni, békpi na kalɔ kakwiidi kemmo.

Kɔgya 37:9

Ɔsika likpidi bablane ƒui ni, Unwoti Katɔti ɔdubo-ma ngba udu bɔyila. Nsu bekyuli bani néti bana anu básia Unwoti lɛlɔ ni, ama ndubo kalɔ kammɔ ala bɔdi.