Bumomo Bɔka 24:8 - Katɔti Ɔku Kedee

⁸ Unwoti náda-ma údie Egyipte kalɔ lɛlɔ. Na bebo ɔyikun aani ɔmantɛ akɔ unengudi geen na baduli bana bekisine. Na báƒɛ bana ekubi kɔkɛ kɔkɛ. Na beti bana kɔtaminta baƒuaala-ma.

Bumomo Bɔka 24:8 Referans Kwoze

Kɔgya 45:5

Na aya na ƒula atula ani nse yayaaya geen mmɔ atu ƒula bekisine kayi. Na kadi bekyuli ƒui bayu batɛ ƒula lɛgba kalɔ.

Yeremia 50:17

Israelƒuɔ bese aani baƒonu lisu lɛni na bagyata bani na kɔka kɔɔda bábɔku bégyingya. Na Asiria ɔga náka-ma bɔduli kɔkɛ kɔkɛ lɛni asa na Babilon Ɔga Nebukadnesar úbabwɛ-ma ku ekubi ƒui.

Kɔgya 2:9

Na adubuti lɛbuala ɔgagyii adi-ma lɛlɔ ku ɔyikun kpakplaa na abwɛ-ma ewi kalɔ kpɛtɛ kpɛtɛ aani ebwi kalɛ.’ ”

Bumomo Bɔka 23:24

Na Israel kaba kese aani gyata ɔni mbo ɔyikun geen, na ulánwuna wetédu ka ɔdu lɛla lɛdi, na ɔduli lɛla biala, utédu ka ɔni bana ubugya.”

Bumomo Bɔka 23:22

Katɔti náda-ma údie Egyipte na bebo ɔyikun ɔni nse aani ɔmantɛ akɔ unengudi geen.

Bumomo Bɔka 14:9

Na bɔta kani na bitata bitenye Unwoti lɛlɔ. Na bitaya na liƒu lɛdi lɛda-mii na bekyuli bani nkya kalɔ kammɔ kemmo lɛlɔ ɔsu. Ɔsika basɔ beeebo bɔgyumana bɔdi, nsu Unwoti uli ku abu na bɔdubo-ma bubweli. Anwuɔsu bitayia!”

Yeremia 50:9

Ndubɔsala kadi bayikune lɛsiku kalɔ kammɔ katɔ kakɛ liboku na bebekpoku Babilonƒuɔ na beƒie-ma enu enu. Kalɛ na beebó kɔtaminta use aani bekpone babuni ƒui kɔtaminta bubo kalɛ na belebo taaƒiɔ.

Yesaia 38:13

Líwulo usien umodi na muunú ɔlɛ aani gyata mɔɔbwɛ-mi lɛlɔ ekubi. Na ɔ́bla-mi aani Unwoti náda-mi ngba uudie.

Daniel 6:24

Na bekyuli bani néti Daniel litemi béboku ɔga ɔmmɔ banii babakya-nwu kakya ni, ɔ́ya na béti ama mmomu bátákya bagyata ubu ɔmmɔ kemmo ku bana beleku ku bebi ƒui. Na bétetuku tɔ ubu ɔmmɔ kalɔ bátawɔlɔ muedi asa na bagyata bammɔ bégyingya-ma kɔkɛ kɔkɛ.

Kɔgya 21:12

Badubɔtu kama benwini na bekeli si áda álɛ-ma anumi ku ƒula kataminta ku atula ka ebo alɛ-ma.

Lɛkpa Ulu 32:42

Na ubugya ɔdubɔƒɔ mina kɔtaminta lɛlɔ ƒui. Na mina kewii kɔdubɔdu ukyuli ɔni mɔɔta teenye-mi lɛlɔ. Na ukyuli biala mebekpoku-mii ni, neeeti naaakyiɛ-nwu. Ina bani nápila ku bani béƒie muedi ni, badubo bukpi.”

Lɛkpa Ulu 32:23

Ndubɔya na ɔgbankpi ɔni kenye naaadubo bɔyɔ kudii ubo-ma lɛlɔ aani kalɛ na baata kataminta.

Lɛkpa Ulu 7:1

Amii Israelƒuɔ, si uwi ɔni na bina Unwoti Katɔti ɔ́kpanku-mii úboku kalɔ kani na bɛdubuti binwini bina ɔdi kemmo ni, ɔdubɔbɔku Hitiƒuɔ ku Girgasiƒuɔ ku Amoriƒuɔ ku Kanaanƒuɔ ku Perisiƒuɔ ku Hewiƒuɔ ku Yebusiƒuɔ lɛnɔ ute-mii. Kadi maatɛ bamɛni bekyuli bemomo betulo-mii na bebo ɔkplu lɛnɔ betulo-mii.

Bumomo Bɔka 21:5

Ɔmmɔ ɔsu bétemi béwi Mose ku Unwoti na básu banini, “Bi ɔsu na bɛ́da-bu bídie Egyipte kalɔ lɛlɔ na bubekpi bɔkya ketele kalɔ kakwiidi kamɛni kemmo? Kesii kani na bodobodo ku ntu buuubo? Na adila ani bɔɔdi mɛni éedu-bu ɔkwɛ!”

Mateo 2:15

Na bélie mmɔ útédu uwi ɔni na Herode úkpi. Kalɛ na bákya mmɔ ɔ́ya na ala ani na Katɔti ɔ́su úse ɔkɛ nwuna kenye bediene lɛlɔ ébo éte lɛni ɔnii, “Lɛ́lɔ mina ubi lɛ́siku Egyipte.”

Yosua 2:10

Na búnu kalɛ na Unwoti ɔ́ya na Ɛpugyie ɔ́kwii uwi ɔni na bísie bɛ́via Egyipte kalɔ bɛdubo. Na bɔ́sɔ búnu lɛnɔ kalɛ na bɛ́du Amoriƒuɔ baga inyɔ bani nlie Yordan ɔƒɛ katukɔ kakɛ na baalɔ-ma banii Sihon ku Og.

Israelƒuɔ Bɔlɛ 23:22

Nsu si bínu ɔtu ɔmmɔ litemi na bɛ́di mina ɔda ɔni líbo-mii lɛlɔ ni, ndubo bina bekisine bukpoku bute-mii.

Kɔgya 45:6

Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na litemi bɔtɛ ulu lɛlɔ.