Bumomo Bɔka 24:17 - Katɔti Ɔku Kedee

¹⁷ “Mɔɔnu-nwu nsu ɔɔɔdi ɔƒɛni mɔɔnu taati nsu uuude. Kayabi kadi kadubo bɔbwɛ bɔlɛ Yakob kaba kemmo. Ɔgagyii ɔdi ɔdubɔlɛ Israelƒuɔ akɔ, na ubo Moabƒuɔ batɔnkune ƒui uwi kalɔ, na ɔƒɛ Set bekyuli ƒui uwi kalɔ.

Bumomo Bɔka 24:17 Referans Kwoze

Budie Taatina 22:16

“Ami Yesu nátala mina ɔtu lɛ́kya-a nnii ubedie ala amɛni kenye ute awɔ, Yohane, kalɛ na eti asu baƒɔtaadine akpa ammɔ ƒui. Ami ndi Kugyii Ugyiitu ɔmmɔ ɔni ndi Ɔga Dawid kaba kemmo ubi. Ami ndi ɔtanta lɛyabi lɛni muukeye mmɔ.”

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.

Petro 2 1:19

Ɔmɛni ɔsu bɔ́sɔ bɔ́ƒɔ kenye bediene linyese lɛmmɔ bɔ́di geen búbu. Na ɔlɛka amii lɛnɔ bise atu geen na binu-ni. Ɔsika lise aani ogya ɔni mɔɔda na kesii kani nse suu utálɛ uwi ɔni na kadi kadubugye. Na kadi bugye bɔmmɔ ndi Kristo bukeye bɔni ndubukeye na bula kayi kemmo aani kalɛ na ɔtanta ayabi eekeye lɛdigye.

Sakaria 10:4

“Na baƒonu bamɛni kemmo na ndubo ɔtɔnkune bɔƒuna bani ndubo ɔkplu bɔyu geen aani atabi kpakplaa ani na béti bábala kowodu ekpo iye kevo abuli ewele iye ekpola.

Kɔgya 45:6

Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na litemi bɔtɛ ulu lɛlɔ.

Luka 1:78

Bula Katɔti use buɛɛ, na ɔɔnu kɔnyana. Ɔdubɔtala Ɔƒɔne ɔkya-bu ɔni muukeye aani kalɛ na ɔƒɛ ɔɔtu.

Hebriƒuɔ 1:8

Nsu na Ubidi ɔmmɔ lɛlɔ ni, Katɔti ɔ́su ɔnini, “Ati, awɔ ni, ƒula lɛga kadikɔ kadubo buse uwi ƒui. Na adubɔdi ƒula bekyuli lɛlɔ na ulu siin lɛlɔ.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.

Ala Alɛdi 1 18:2

Na ɔ́di Moabƒuɔ lɛnɔ lɛlɔ, anwuɔsu bénu kalɔ ka bataaƒɔ lɛlɔ bɔdi kayu teete-nwu aani ɔga ɔni mɔɔdi-ma lɛlɔ kalɛ.

Samuel 2 8:2

Dawid ɔ́di Moabƒuɔ lɛnɔ lɛlɔ. Na ɔ́ya na Moabƒuɔ bekpone bammɔ básɔ bátɛ kalɔ na lɛgaala kemmo. Ɔmmɔ kama ɔ́ya na béti kabuli kadi udu bákɔku bana linene na béle-ma kemmo akpa atɛ. Na akpa anyɔ edeedi ni, ɔ́ya na bádu-ma. Na lɛkpa lɛtɛdi kani na bátadu. Ɔmmɔ ɔsu Moabƒuɔ bénwini bakya Dawid kalɔ na baaƒɔ lɛlɔ bɔdi kadikɔ kayu teete Dawid.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Yeremia 48:45

“Na Hesbon ɔma unengudi ɔmmɔ kɔmadɔ kesii kani na Sihon ɔ́di lɛlɔ dii ni, baƒɔ bekeline bani na lɛlɔ lítu-ma benye kasuudikɔ kesii kani na ogya ɔni mɔɔkyula bana ɔma unengudi ɔmmɔ bukeye bɔ́kya ɔyuli. Na uwi uletu asa na bekyuli bani nli abi bamba eli na badi bekpone mmɔ lɛnɔ lɛma lɛdubuse kalɔ ku bɔkywi.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Yesaia 15:1

Kenye kamɛni kaatina lɛla lɛdi na Ar ku Kir Moab lɛma linengudi lɛlɔ. Usien unwi kani na bábwɛ lɛma lɛmmɔ na lɛ́yii udu ƒui!

Kɔgya 110:2

Unwoti ɔdubɔya na adi lɛga asi Sion avia ƒula bekisine kalɔ lɛlɔ muedi.

Baga 2 3:5

Nsu uwi ɔni na Ɔga Ahab úkpi ni, Moabƒuɔ ɔga ɔmɛni ɔ́ta únye Israelƒuɔ lɛlɔ.

Samuel 1 14:38

Mmɔ na Saul ɔ́su ɔnini, “Agyi anii ukyuli ɔdi náƒiɔ Katɔti ɔmwi. Anwuɔsu, mina benengu ƒui, bɛlɛ bibo na bɔwia ukyuli ɔmmɔ bɔti ku likpidi lɛni na ɔ́bla.

Bumomo Bɔka 21:29

Amii Moabƒuɔ bɔbuɛ ɔdi bina ɔdi. Amii kadi bekyuli bani mɔɔkpá Kemos baƒiɔ bɛyii ku udu. Bɛya na bina bananabi bekeli betenwini kadi bamba bekyuli. Na bina belekubi ni, Amoriƒuɔ Ɔga Sihon ɔdubo-ma buƒie bɔtɔlɔku.

Hebriƒuɔ 7:14

Ɔsika bɔgyi kede kede ka Yesu ni, Yuda kaba kemmo na báwɔ-nwu básiku. Na kaba kammɔ lɛlɔ ni, Mose útasu lɛla lɛdi útasiku bakpane lɛlɔ.

Bumomo Bɔka 24:16

Etemila ani na ukyuli ɔni muunú lɛla lɛni na Katɔti ɔɔsu ubo na udie, ukyuli ɔni úbo lɛlati ɔsiku Katɔti kudɔ, ukyuli ɔni mɔɔnu budie bɔtina taasiku Ɔyikune Ƒui kudɔ, ukyuli ɔni náyu ɔ́tɛ na nwuna anumi ebi kalɔ nsu ɔɔnu nwaa.

Samuel 2 8:14

Na kekpo kammɔ kama ni, Dawid ɔ́da kuliekɔ úte nwuna bekpone na Edom kalɔ lɛlɔ ƒui. Na ɔ́si uwi ɔmmɔ ni, Dawid ɔɔdi Edom kalɔ ku bekyuli bammɔ ƒui lɛlɔ. Na kesi kesii na Dawid ɔ́tu lili ɔ́kya ni, Unwoti ɔɔyá na ɔɔdi nwuna bekisine ƒui lɛlɔ.

Yeremia 48:1

Unwoti Ɔyikune Ƒui, Israel Katɔti, ɔ́su-mi ɔnii nsu Moab kadi bekyuli ɔnini, “Nebo ɔma ɔdi ɔ́sa. Na badubo Kiriataim buƒie bɔƒɔ na bakya-nwu kɔƒa. Na nwuna awodu bonwu ani mɔɔgyumana ɔma ɔmmɔ muedi adubo bɔbwɛ.