Bumomo Bɔka 21:5 - Katɔti Ɔku Kedee

⁵ Ɔmmɔ ɔsu bétemi béwi Mose ku Unwoti na básu banini, “Bi ɔsu na bɛ́da-bu bídie Egyipte kalɔ lɛlɔ na bubekpi bɔkya ketele kalɔ kakwiidi kamɛni kemmo? Kesii kani na bodobodo ku ntu buuubo? Na adila ani bɔɔdi mɛni éedu-bu ɔkwɛ!”

Bumomo Bɔka 21:5 Referans Kwoze

Kɔgya 78:19

Bátɛmi enyenkpi bákya Katɔti na béye muedi banini, “Katɔti ɔdubɔkana na ute-bu adila na bɔdi na kalɔ kakwiidi kemmo mɛni?”

Bumomo Bɔka 16:41

Ka kalɔ kébweli Kora badi kadi kégye kani na Israelƒuɔ ƒui báta na bákya baakya ku Mose ku Aaron unyeƒi na baasu-ma banii, “Amii nádu Unwoti bekyuli badi.”

Bumomo Bɔka 17:12

Mmɔ na Israelƒuɔ bammɔ básu Mose banini, “Bɔdubo bukpi! Bɔ́yii ɔƒɛni amu! Bula ƒui bɔyii!

Israelƒuɔ Bɔlɛ 14:11

Amu na béye Mose banini, “Bɔkɛ na bɔɔɔdubo bɔkɛ kesii kani na bava-bu na Egyipte ɔsu na ákpanku-bu éboku ketele kemmo mɛni anii bubekpi?

Agba 27:7

Si ukyuli úmo ni, uwɔ muedi ɔsɔ ulati-nwu emini. Nsu ukyuli ɔni na kɔka kɔɔda momoomo ni, ina dɛ na lɛla lɛdi libo ɔdu muedi ni, lɛɛyu-nwu emini.

Kɔgya 68:6

Katɔti ɔɔyá na bekyuli bani na bédie lɛti basɔ baasála ku bana bekyuli. Na bani na bákya aban ɔtɔ ni, ɔ́ya na bédie-ma ku lɛnu budie na bánwuna. Nsu bani náta bénye nwuna litemi lɛlɔ ni, kalɔ kakwiidi kani na káƒɔ ogya kemmo na bɔdubo bɔkya.

Israelƒuɔ Bɔlɛ 16:31

Na Israelƒuɔ násia adila ani baadi mmɔ lɛnyi banii manna, na nwuna kalɔ ndi ɔnii, “Bi na ɔdi mɛni?” Ɔsika úse aani kugyii ebi ƒututuu blii suɛ adi. Na nwuna emini ese aani agyila ani bakya uwɔ nwuna kemmo.

Israelƒuɔ Bɔlɛ 16:15

Ka Israelƒuɔ bánu lɛla lɛmmɔ ni, balati lɛla lɛni lɛdi. Amu na bakya beeye lɛlɔ banii, “Bi na ɔdi mɛni?” Amu na Mose ɔ́su-ma ɔnini, “Ɔmɛni ndi adila ani na Unwoti úte-mii ka bɛdi.

Israelƒuɔ Bɔlɛ 15:24

Amu na bekyuli básu Mose kalɛ na ntu bɔmmɔ buse. Na béwulo bákya-nwu banii, “Bi ntu bɔdubo bɔni ɔƒɛni?”

Korintoƒuɔ 1 10:9

Na ɔɔɔdi ka bɔkɔku Blɔti bɔnu. Lɛni na bana badi bábla, na balakpi bádu-ma na békpi.

Esekiel 20:21

Nsu bana bebi lɛnɔ báta bénye-mi lɛlɔ. Na béni banii belenu mina ala bɔtina ku ɔda bubo lɛlɔ na badi-mu lɛlɔ. Na baabla mina Lɛnwunameyi kalɛ kalɛ aani limeyi keeke biala kalɛ. “Amu na ḿbeti kɔnyi geen na lɛ́su kpakplaa nnii ndubo-ma kɔtu bɔni na kalɔ kakwiidi kammɔ kemmo mmɔ.

Bumomo Bɔka 11:20

Mmomu bɛdubo lɛna lɛmmɔ bɔkun kɔbuli kumodi sɔɔn utédu ka lɛna lɛmmɔ lɛdi lɛ́lɛ-mii enwu kemmo na bɛ́kɛ ɔlɛ bɛ́siku-nwu kemmo na bikisi-ni, ɔsika bíni Unwoti ɔni nkya-mii akɔ, na bíwulo kɔnyana na nwuna anumi na bɛɛsu bɛnini, “Bi ndi lɛla lɛni ɔsu geen na bɛ́lɛ Egyipte kalɔ lɛlɔ?” ’ ”