Bumomo Bɔka 21:33 - Katɔti Ɔku Kedee

³³ Ɔmmɔ kama bénwini na bátásia ulu ɔni úti úsela Basan. Amu na Og ɔni ndi Basanƒuɔ ɔga úti nwuna bekpone ka betékpoku Israelƒuɔ na Edrei.

Bumomo Bɔka 21:33 Referans Kwoze

Yosua 13:12

Na Ɔga Og ɔni ɔdi bablani bekplodi kemmo unwi na ɔ́di lɛga na Basan kɔlɔ ƒui. Na ɔga ɔmɛni úlie Astarot ku Edrei ɔ́di lɛga. Na ama ndi bekyuli bani na Mose úkpo na ɔ́di-ma lɛlɔ na ɔ́bɔku-ma mmɔ.

Lɛkpa Ulu 29:7

Na uwi ɔni búbedu kesii kani bɔkya mɛni ni, Ɔga Sihon ɔni nási Hesbon ku Ɔga Og ɔni nási Basan báta bébekpoku-bu. Nsu bɔ́di-ma lɛlɔ.

Lɛkpa Ulu 1:4

Na uwi ɔmmɔ kemmo ni, úukpo ɔ́di Amoriƒuɔ ɔga ɔni baalɔ Sihon na uli Hesbon ɔma kemmo lɛlɔ. Na ɔ́ɔdi Ɔga Og ɔni mɔɔnu Basan kalɛkɛ lɛlɔ na uli Astarot ku Edrei lɛma kemmo.

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Esekiel 39:18

Badubo bekpone ku baƒɔ lɛlɔ badine lɛna bɔkun. Bekyuli bammɔ na ndubo bɔdu bɔbla akpala aani kalɛ na baadú baƒonu ku bese ku ɔmantɛ bakɔ taabla akpala.

Esekiel 27:6

Na béti egyii kpakplaa udu bamba básiku Basan abi lɛlɔ bánwi ɔkɔlɔ likuni bonwu lɛni na beeti taaka-a. Na básiku ligyii lɛni nálɛ ƒia ƒia na Kipro kalɔ lɛlɔ basia-a ɔtɔ kalɔ ubili kuliekɔ kuliekɔ na béti ɔtunkpɛ básia kukulo kukulo bákya-a akya abuni.

Yesaia 33:9

Mmo bɔ́kywi bunye na lɛla lɛla liiibo-mu kemmo. Na Lebanon lɛku lɛ́yɛyɛ linye aani ukyuli ɔni na kɔƒa kúƒie. Na Saron Ɔkwalɛ únwini kalɔ kakwiidi. Na Basan ku Karmel aku ƒui éwiile evete.

Kɔgya 68:15

Basa Kɔbi, adi kɔbi kunengudi kɔni mɔɔdia bɔnu na ƒula eli ébo ánu na ákɔ álɛ kangyaa.

Kɔgya 22:12

Bekisine pii benye kesi kesii bámana-mi aani bakɔ. Na bebo ɔkplu geen aani bakɔ bani nási Basan kalɔ lɛlɔ.

Yosua 13:30

Na kalɔ kammɔ kewi kétédu Mahanaim na ɔkɛ Basan na ɔdanku lɛma liti ku leevu lɛni na Yair úkpo ɔdi-ma lɛlɔ na Basan kalɔ kemmo mmɔ. Na kalɔ kemodi kammɔ ƒui lɛlɔ na Ɔga Og utaadi.

Yosua 12:4

Na Israelƒuɔ bamɛni bádi ɔga unyɔdi ɔni baalɔ banii Ɔga Og ɔni nási Basan lɛlɔ. Na ɔdi bekyuli bagyangladi bekplodi kemmo unwi ɔni nébu. Na ɔ́di lɛga na Astarot ku Edrei.

Yosua 9:10

ku lɛla lɛni na úti ɔ́bla Amoriƒuɔ baga inyɔ bani nélie Yordan Ketu ɔƒɛ katukɔ kakɛ. Na baga bammɔ ndi Ɔga Sihon ɔni nási Hesbon ku Ɔga Og ɔni nási Basan na ɔɔdi lɛga na Astarot.

Lɛkpa Ulu 32:14

Ɔ́ya na bana ɔmantɛ bakɔ ku bese bákɛ anyi ntu pii. Na bebo baƒonu ku bese ku ɔmantɛ bakɔ bani ndia ntulo. Na bákɛ edula abuni, na bákɛ ntɛ bɔni mɔɔda ɔkwɛ geen.

Lɛkpa Ulu 4:47

Na báƒɔ-nwu kalɔ bénwini bana kadikɔ. Békpo Ɔga Og ɔni ndi Amoriƒuɔ ɔga unyɔdi ɔni mɔɔdi lɛga na Basan kalɔ lɛlɔ na báƒɔ anwu kadi lɛnɔ. Baga inyɔ bamɛni mɔɔdi lɛlɔ na Yordan Ketu ɔƒɛ katukɔ kakɛ na ɔvi ɔmmɔ.

Bumomo Bɔka 32:33

Anwuɔsu Mose úti Amoriƒuɔ Ɔga Sihon ku Basanƒuɔ Ɔga Og lɛgakadikɔ kalɔ ku lɛma lɛni nkya amadɔ mmɔ ƒui úte Gad ku Ruben kaba ku Yoseƒ ubidi Manase kaba bekyuli.

Kɔgya 68:22

Unwoti ɔ́su ɔnini, “Ndubunwini ku bina bekisine liboku-mii lɛsiku Basan kalɔ lɛlɔ ku ɛpu kalɔ kemmo kesii kani na bábɛ bakya.

Kɔgya 135:11

Ama badi ndi Amoriƒuɔ ɔga ɔni baalɔ Sihon ku Basan ɔga ɔni baalɔ Og ku Kanaanƒuɔ baga ƒui. Ɔ́yila-ma udu.

Kɔgya 136:20

Ɔbambadi lɛnɔ ndi Basan ɔga ɔni ndi Og. Ɔsika ɔɔyɔ́-bu uwi ndi uwi.

Lɛkpa Ulu 2:30

Nsu Ɔga Sihon anwu útenu kalɔ ka bɔsia bana kalɔ kemmo. Bina Unwoti Katɔti nábla-nwu na nwuna kayi káyu ɔkplu kalɛ na bukpoku-nwu na bɔdi-nwu lɛlɔ.