Bumomo Bɔka 21:16 - Katɔti Ɔku Kedee

¹⁶ Ka bási mmɔ ni, bésie bétédu kesii kani baalɔ banini, Beer. Mmɔ na Unwoti ɔ́su Mose ɔnini, “Sala bekyuli bammɔ ƒui lisu na ndubo-ma ntu bute na bani.”

Bumomo Bɔka 21:16 Referans Kwoze

Bumomo Bɔka 20:8

“Ti ugyii ɔdadi ɔmmɔ na awɔ ku Aaron bɛsala bekyuli bammɔ ƒui. Na etemi ete lɛtakpɛ lɛmmɔ na bekyuli bammɔ ƒui anumi. Na ntu bɔdubo bɔlɛ lɛtakpɛ lɛmmɔ kemmo na bekyuli bammɔ ku bana bebuo bani.”

Yesaia 12:3

Ebiti kemmo na bɛdubo ntu budu bɔni bɔsiku ngba bɔƒɔ libiɔ lɛmɛni kemmo.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

Budie Taatina 22:1

Ɔmmɔ kama ni, ɔ́tina-mi ketu kani ntu muute ngba. Ketu kammɔ kaagbá taasi Katɔti ku Koƒonu Ubi ɔmmɔ lɛgaboku kudɔ. Na buukeye aani asogya.

Budie Taatina 21:6

Na ɔ́su-mi ɔnini, “Ɔ́sa! Ami ndi Alƒa ku Omega ɔni ndi lɛla biala kalɔ kesekɔ ku kawɔlɔkɔ. Na bani na utukwɛ ɔɔda ni, ndubute-ma ntu ƒaa na bani basiku libiɔ lɛni muute ngba ƒui kemmo.

Yesaia 43:20

Beƒiebuo ƒui baabu-mi ku bekuku ku beƒukutu na ntu bɔni na líte mina kadi bekyuli baƒunadi ka bani na kalɔ kakwiidi kemmo ɔsu.

Litemi Batɛne 9:21

Amu na Yotam úkeli na útabɛ uli Beer. Ɔsika ɔɔyia ɔnwani Abimelek ɔsu.

Israelƒuɔ Bɔlɛ 17:6

Na ami Unwoti ndubunye-ɔ kudɔ na lɛtakpɛ lɛni nlɛ Horeb kɔbi lili mmɔ lɛlɔ. Na eti ugyii ɔmmɔ aƒiɛmi lɛtakpɛ lɛmmɔ, na ntu bɔdubɔlɛ bɔsiku-ni kemmo na bekyuli bammɔ bani.” Na Mose ɔ́bla kalɛ kani na Unwoti ɔ́tina-nwu na batɔnkune bammɔ anumi.

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Yohane 4:10

Yesu údie kenye ɔnini, “Si bɔti na adubɔti litela lɛni na Katɔti ubo ute-ɔ ku ukyuli ɔni udu muuvele-ɔ ntu ɔnii ɔɔní ni, nka awɔ mmomu ndubuvele-mi ntu bɔni mɔɔgbá na buute ngba, na lite-ɔ ntu bɔmmɔ.”

Yesaia 49:10

Na kɔka iye utukwɛ ulada-ma. Na ɔƒɛ ku kalɔ kakwiidi liwulu lilekeyi-ma. Mmomu anwu ɔni mɔɔnu-ma kɔnyana na ɔɔgyumana-ma ɔdubɔtɔnku-ma usienku kesii kani na abiɔ ntu bɔbuni bɔkya.

Ala Kalɔ Buse 21:19

Mmɔ ni, Katɔti ɔ́ya na uleku ɔmmɔ anumi ábla nwaa na ɔ́nu libiɔ lɛdi na mmɔ ka ntu buwi. Anwuɔsu úsie na útédu ntu úyile ɔsii ɔmmɔ na úte ubidi na ɔ́ni.

Bumomo Bɔka 33:46

Báta Gibon-Gad bátáda keliekɔ na Almon-Diblataim.

Yesaia 15:8

Na kɔku kɔni na Moab kalɔ lɛlɔ bekyuli baabla ni, kɔvanu kɔmmɔ ku kɔnyana etemila aaku teetéwi Eglaim na ɔkɛ mmɔ útédu Ber-Elim na kalɔ kammɔ ɔmii lɛlɔ muedi.